اكيد كلنا او معظمنا سمع ان شركة تويوتا قررت ان تبدأ تجمع بعض سيارات تويوتا فى مصر
و المفاجاة ان تويوتا قررت تجميع سيارتها suv فروتشينر فى مصر فى مصانع الشركة المصرية الأمريكية و سيكون باكورة الأنتاج بدءا من يناير 2012
و المفاجأة الاخرى ان تويوتا ايجبت أعلنت ان السعر المبدئى للسيارة دى حيكون 350 الف جم مصر !
فهل ترى ان شركة تويوتا قررت تجميع الموديل الناسب للمصريين كفئة و سعر
ام ترى ان كان يجل لها ان تجمع سيارات أخرى مثل
ياريس - كرولا - كامرى - افنسيس - برادو
لن تبيع اكثر من 20 - 30 سيارة على الاكثر
انا كنت اعتقد انها هتجمع يارس و افانسيس
كان نفسي في كورولا بصراحه
شكل جميل ولو فضلوا يجمعوا فيه 10 سنين هيفضل جميل وامكانيات حلوه طبعا
والاهم من كل ده..... السعر هيبقى في متناول الجميع
كامري كانت الافضل
لان مشكلتها في مصر الجمارك ف لو اتجمعت هنا كان هيبقى في فرق كبير
كامري
كورولا
ياريس
الكامري بالذات كانت هتفرق اوي و كانت هتبقى best value for money و كانت هتنجح اكتر من السوناتا اللي كانت بتتجمع هنا...
ببساطة لأن عليها علامة "الجودة المصرية" ...Toyota
(!)
اما الــ fortuner ... مش عارف
ممكن المصنع هيعيد تصديرها لمنطقة الشرق الأوسط ؟
الكامرى لإن سعرها بعد الجمارك غالى جداً ، لما العربية تتجمع هنا سعرها هينزل جامد ويبقى ليها شريحة مناسبة من المشترين وممكن تنجح أكتر من الكرولا كمان لو بقى فيها تسهيلات فى السداد
البرادو لنفس السبب اللى قلته فوق
الراف فور rav 4
انا عن نفسى كنت اتمنى الكرولا و الكامرى
الكورولا لو اتجمعت فى مصر بالأتوماتيك العادى و نزلت 30 الف من تمنها الحالى حتاكل السوق و مافيش غيرها حيتباع فى الفئة دى
و يا سلام لو كانت الكامرى اتجمعت فى مصر و نزلت فى رينج 250 - 300 الف كانت حتبقى منافس قوى جدا للباسات فى الفئة دى
او لو كانوا فكروا فى الياريس 1500 سى سى و نزلوها فى رينج 75- 90 الف كان السوق كله فى مصر حيقول تويوتا
حقيقة كنت متوقع انها هتقوم بتجميع الحصان الرابح كورولا
لانها كانت هتسيطر على السوق فى الفئة دى لان الكورولا حلم
المصريين - وفكرة انها كانت هتبقى تجميع محلى هينزل من تمنها
من 20 الف الى 30 الف وكانت هتبقى فى متناول قطاع عريض
من الناس وكانت هتهز عروش لسيارات تربعت فى الفئة السعرية دى
الكامري لو كانت اتجمعت هنا كانت فشلت و الياريس كان هيبقى وجودها ملحوظ لكن الكورولا كانت فعلا سيطرت بشكل كامل على الفئه دي
اعتقد و بنسبة كبيرة ان هيتم تجميع الياريس لأن ثمنها يعتبر غالي شوية بالنسبة لحجمها كسيارة عائلية من الدرجة الاولي
فتجميعها في مصر ممكن يقلل من سعرها كتير
و متابع باهتمام الاراء
بصراحه نا كنت متوقع انهم يجمعوا عربيه اقل من الياريس تكون جديده للسوق هنا
انا اتوقع عربية من العربيات اللي فوق دي لو كانوا هما اللي هيبنوا المصنع ويكون هما اللي قائمين عليه
اما انهم هيجمعوا في مصنع مش بتاعهم فده شئ اخر
الناس اللي قالت كامري عندهم حق ولكن برضه لما تيجي تفكر ان الكامري تبقى صناعه مصري هتبيع لمين
هتلاقيها هتبيع لمصر فقط ده لو باعت في الأول كمان
الكوولا طبعا فده شئ من سابع المستحيلات لأسباب كتير اولها انه هينزل سمعة الكورولا في الأرض وبكده يبقى قضى على اسمها التاريخي في لحظه حتى لو باعت ولكن من يتابع سياسات تويوتا اليابانية فهيا مش عاوزه تبيع وخلاص وانما بتحافظ على اسم الموديل علشان يبيع نفسه في كل جيل جديد له
الكورولا اول ما بنزل بتتباع بدون ما حد يفكر اخبارها ايه او يشوف لأنه عارف ان الكورولا كورولا
طبعا فورتشينر بتتصنع في اندونيسيا اساسا وموديل له سوق معين وعربيه لها احتياجات محدده واظن انهم بيجربوا في دي الاول واكيد اكيد انهم مش بيفكروا في مصر فقط وانما عندك جزء كبير جدا من افريقيا وطبعا الشرق الأوسط كله وشمال افريقيا لأن العربيه دي دائما هتلاقيها في المناطق الجبلية والوعرة
زي مثلا العربيه دي منتشرة جدا في جنوب امريكا وحرس الحدود عنده بيستخدموها على الحدود المكسيكية وفي المكسيك وايضا امريكا الجنوبية كلها منتشرة جامد
مبدئيا معتقدش ان تجميع الكورولا هنا هيكون مناسب اقتصاديا وبعدين الناس عشمانه انه ينزلوا من سعرها 20-30 الف جنيه وده فى الغالب مش حيحصل
اكتر فئه ممكن تكون مجديه اى فئه معديه ال 1600 cc
ياريس وكورولا
انا بأيد تصنيع الياريس والكورولا وبالنسبة للفورتشينر ياريت حد يقولى سعرها اصلا كام لأنى حاسس السعر مبالغ فيه شوية
ليه الكامرى لو اتجمعت فى مصر حتفشل ؟؟اقتباس:
المشاركة الأصلية كتبت بواسطة crazylambada
و ايه المشكلة يا ابو عبدالله انها تبيع لمصر فقطاقتباس:
المشاركة الأصلية كتبت بواسطة أبو عبدالله
دى لو نزلت فى سعر 250-300 الف حتاكل السوق من الباسات
مش فاهم قصدك فى النقطة دى يا ابو عبداللهاقتباس:
المشاركة الأصلية كتبت بواسطة أبو عبدالله
هى الكرولا لو اتجمعت فى مصر سمعتها حتنزل ليه ؟؟؟
القصد ف الموضوع دا يا احمد بى انه التقفيل المصري مش زي التقفيل اليابانى
+1111111111111111111111111111111111111اقتباس:
المشاركة الأصلية كتبت بواسطة aly_hosny
المفروض التجميع هنا يستهدف السوق المصرى والبلاد التى حولها
لكن للاسف هذه السياره ليس لها سوق فى مصر ومسكينه جدا فى اسواق الخليج:36_7_4[1]: جانب اخواتها fj والاند كروزر تكاد تكون قليله جدا
كنت اعتقد انهم ممكن يجمعو الكورولا هنا مادام بتتجمع فى جنوب افريقيا + ان اول اجيال الكورولا الاتيه من جنوب افريقيا كان بها بعض المشاكل وده سبب رئيسى فى شرائى لها من الخليج( يابانى)
لكن بتفكير شويه نجد ان تيوتا لا تريد مصنعان فى قارة واحده لذلك
فكرت انهم ممكن يجمعو اليارس هنا وبالتالى يخفضو سعرها وبالتالى تنتشر السياره اكثر واكثر
لكن العربيه ممكن تضرب لو اتجمعت هنا :khd:
لذالك لم اصدق خبر انشاء مصنع لتيوتا فى مصر
لكن كان غريب جدا ان الخبر صحيح والاغرب هو تجميع هذا الموديل هنا:shyy::shyy::shyy:
المفروض لو دا القصد يبقى غلطاقتباس:
المشاركة الأصلية كتبت بواسطة n.a.j.d
لإن شركة فى حجم تويوتا لما تقرر تجمع فى مصر يبقى المفروض بنفس جودة اليابان
و دا اللى قالوا لما جمعوا فى جنوب افريقيا !
اقتباس:
المشاركة الأصلية كتبت بواسطة omaroof
تويوتا لم تبنى مصنع فى مصر
هو حيجمعوا فى مصانع الشركة المصرية الأميريكة اللى بتجمع الجيب فى مصر
ال fortuner عموما مش فخر إنتاج شركة تويوتا....حاسس إنهم بيتخلصوا من خط إنتاجها عندنا بدل ما يرموه فى الزبالة
ال 350 ألف دول يعنى بتنافس ال BMW X1 و فى سعر متوسط بين التيجوان و ال Xtrail من جهة و ال GLK و ال X3 من الجهة الأخرى...
مع العلم إنها أكبر بكتير من ال X-Trail و التيجوان حجما ....لكنها مش بنفس مستوى ال X3 و ال GLK من الرقى
أنا مش فاهم موقعها من الإعراب فى السوق المحلى....
علشان موضوع الأوتوبيس الخاص عليه إقبال بس مش الكل عارف ينفذه فالتجميع المحلى هو المخرج الشرعى مثلا ؟؟؟
للدرجة دى الإقبال ؟؟....أى نعم هما مكلفوش نفسهم بناء مصنع...لكن غريبة أوى إنها ال Fortuner السبعة راكب
عند ملحوظة يا sharki بالنسبة للكامري ، عشان بسوقها فالسعودية كتير ، العربية فقيرة جداً من جوة و خامات رخصة جداً غير متناسبة مع شكلها الخارجي و حجمها يمكن الكرولا الجنوب أفريقي من جوا أشيك أو الأفانسيس ، فا مستحيل تجرب تركب passat و بعدن تروح تشري دي و تدفع فيها 250 ألف ، هي مشية هنا فل سعودية taxi في معظم المناطق و في منها خاص فلأماكن إلي مش غنية أوي ، سعرها حوالي 75000 ريال فطبعاً بالنسبة لسيارة صالونها واسع كدة و صيانة رخيصة بيجبها هنا ، لكن محدش عمرو اعتبرها سيارة فخمة ، ال-passat أنضف ميت مرة . زي ما بقولك التويوتا لو عدت 150000 ج مفيش حد حيشتريها .اقتباس:
المشاركة الأصلية كتبت بواسطة Sharky
اقتباس:
المشاركة الأصلية كتبت بواسطة sharky
ده قصدي يا احمداقتباس:
المشاركة الأصلية كتبت بواسطة n.a.j.d
انت رديت على سؤالك في نفس المشاركةاقتباس:
المشاركة الأصلية كتبت بواسطة sharky
انا قولت في الأول اني كنت اتوقع انها تجمع حاجه من اللي انت قولت عليهم دي بس لو هيا اللي هتبني المصنع مش هتجمع في مصنع مش بتاعها
وجنوب افريقيا مصنع تويوتا ومدينة كاملة كمان مش مصنع بس يعني مفيش مقارنة
ومع ذلك استحالة انك تقارن صنع في اليابان زي صنع في مصر وهما عارفين كده وعلشان كده لحد الآن لم يبنوا مصنع لهم في مصر مع ان الشرق الأوسط سوق كبير لهم ولكن هما عارفين الفارق في العمالة والبلد
وجنوب افريقيا متهيألي مش زينا خالص كفاية ان لها جامعات على خريطة العالم
يا راجلاقتباس:
المشاركة الأصلية كتبت بواسطة ahmedsadek82
ده انت تقصد انهي كامري
هيا الكامري شعبيه في السعودية صحيح بس مش لدرجة ان خامتها اقل من الكورولا يعني
والعربيه كويسه جدا من الدخال
مهياش صحيح الفخامة المتناهية لأنها مش اخر انتاج تويوتا
فتويوتا لها ماركة خاصه بالفخامة اسمها لكزس وفي عربيه لتويوتا بعد الكامري اسمها افالون
يعني عاوزين بس لما نتكلم نعرف نحط كل عربيه في مكانها مش نطلعها السماء علشان نقارنها باللي فوق علشان نوقعها من فوق سريعا
عاوز تقارن الفخامة بي ام ومرسيدس قارن بالكزس
يعني يا احمد بى التقفيل المصرى زي التقفيل اليابانى بظبط؟
للأسف غياب الرقابة على كثير من العربيات المجمعة فى مصر اقنع الناس ان مستحيل تبقى العربية المجمعة محلى بنفس جودة العربية المستوردة ان شاء الله حتى من ادغال افريقيا
فبالتالى محدش لو الكامرى او اى عربية من الغاليين اتجمعت فى مصر هيبص لها ، ده مرسيدس بجلالة قدرها مازالت حتى اليوم مبيعات المستورد عندهم من الموديلات المجمعة محليا شغالة بسبب عدم ثقة الناس فى المحلى برغم فرق السعر اللى ممكن يوصل للضعف فى نفس العربية
النقطة الثانية هى الهدف من العربية المجمعة ، طبعا التخلص من الجمارك
طيب تعالى شوف كدا ايه دخل مكان الجمرك ، اولا مكسب الوكيل المصرى اللى هيزيد عن المستورد ، ثانيا تكاليف خط الانتاج اللى تم شراءه ، ثالثا نسبة المصنع المستضيف من السبوبة
يعنى شيلنا الجمارك وضيفنا بنود مكسب جديدة فى النص اثرت بشكل سلبى على ميزة التجميع المحلى وخلت فى تكاليف انتاج كبيرة بطاقة انتاج محدودة رفعت سعر العربية المجمعة لفئة هى مش هتصمد فيها اساساً
يعنى انا كمشترى مستحيل اروح اركب نص نقل متقفلة واسيب الشيروكى اللى ليها سعرها وسمعتها ووكيل قوى فى مصر ده بعيداً عن الـ x1 اللى نازله معاهم وبسعر ارخص من التويوتا
الناس هنا مبتركبش دفع رباعى للصحراء هو مجرد وجاهة فى الشارع وترييح دماغ من المطبات ووسع فى الكابينة وده هتعمله الشيروكى والـ x1 كويس
واللى هيجيب الفورتشنر فى مصر لزوم الصحراء يبقى يحط الـ 100 ألف جنيه فى جيبه ويجيب الرانجلر ويصحر بعربية فعلا بتاعة صحراء
الكامرى كذلك لو نزلت وبالنظر لسعر الفورتنشر هتضرب لحدود منافسة السى كلاس والفئة الثالثة وهتقابل نفس القصة انها مش بقوة ولا بسمعة ولا وكيلها اقوى من وكلاء العربيات دى فبالتالى هتركن
صحيح لا الكورولا ولا الياريس هيعجبوا الناس بنفس قدر المستورد لما يتجمعوا بس واقعياً فئة الكورولا والياريس هى فئة الناس اللى الفلوس بتحكم قرارها للشراء بشكل كلى وبيسألوا وبيحسبوها صح
يعنى كورولا شكل جديد فى اول الـ 100 ألف بصف كماليات مغرى هتجيب زباين كتير ، ياريس فى الثمانينات بكماليات كويسة هتجيب برده زبون وهتضارب عربيات من مستواها تقدر تقول معاهم زى الصنى والبيرسونا
لكن عربية اساسا متقدرش تنافس الفئة اللى معاها ولا وكيلها يقدر ينافس ناهيك عن الكلام عن سوء تقفيلها لازم وحتماً تخسر
اللى اختار تجميع الفورتنشر فى مصر كان قايم مخضوض من النوم وجاله تليفون من مجلس الادارة وهما واقفين فى اليابان بيخلصوا فى خط الانتاج راح قايلهم اسألوا الفورتشنر بكام وهكلمكم كمان شوية ، وبعدين تليفونه فصل شحن
للأسف أنا بأيده في كلامة الكامري الشكل الجديد خاماتها بشعة وأسوء من الباسات بكتيراقتباس:
يا راجل
ده انت تقصد انهي كامري
هيا الكامري شعبيه في السعودية صحيح بس مش لدرجة ان خامتها اقل من الكورولا يعني
والعربيه كويسه جدا من الدخال
مهياش صحيح الفخامة المتناهية لأنها مش اخر انتاج تويوتا
فتويوتا لها ماركة خاصه بالفخامة اسمها لكزس وفي عربيه لتويوتا بعد الكامري اسمها افالون
يعني عاوزين بس لما نتكلم نعرف نحط كل عربيه في مكانها مش نطلعها السماء علشان نقارنها باللي فوق علشان نوقعها من فوق سريعا
عاوز تقارن الفخامة بي ام ومرسيدس قارن بالكزس
وده كلام كل الناس الي ركبوها في السعوديه دي خاماتها أقل من الكامري موديل 2004 وبفرق كبير الكورولا فعلا خاماتها أحسن
وفي السعوديه دلوقتي الي بيجيب ملاكي يا يسترخص ويجيب كورولا يا يعلى ويجيب أفالون لكن الكامري الشكل الأخير والي قبله قللوا شعبيه العربيه دي جدا
:M_yes[1]:اقتباس:
المشاركة الأصلية كتبت بواسطة Ahmed Nouh
ممكن قوى....:ma(30):اقتباس:
المشاركة الأصلية كتبت بواسطة Ahmed Nouh
اقتباس:
المشاركة الأصلية كتبت بواسطة أبو عبدالله
طب بص شوف ، أنا راضي ذمتك دة منظر عربية ملاكي أصلاً ؟؟؟؟؟؟؟ يا جماعة دي الكامري ، والفل options بتاعتها فيها cd بدل الكاست و زراير فالدركسيون ، ياريت تحكم عربية بالحجم دة و منظرها من جوا عمل كدة أنهي مجنون حيسيب passat ويجيب ديه !!!!! إذا تخيلنا انها في يوم من الأيام حتبئى ب-250000 ألف مثلاً ,
[IMG]http://img529.imageshack.us/img529/373/dsc00475li.jpg Uploaded with ImageShack.us[/IMG]
[IMG]http://img341.imageshack.us/img341/1672/dsc00476q.jpg Uploaded with ImageShack.us[/IMG]
[IMG]http://img573.imageshack.us/img573/3279/dsc00478h.jpg Uploaded with ImageShack.us[/IMG]
اقتباس:
المشاركة الأصلية كتبت بواسطة أبو عبدالله
طب بص شوف ، أنا راضي ذمتك دة منظر عربية ملاكي أصلاً ؟؟؟؟؟؟؟ يا جماعة دي الكامري ، والفل options بتاعتها فيها cd بدل الكاست و زراير فالدركسيون ، ياريت تحكم عربية بالحجم دة و منظرها من جوا عمل كدة أنهي مجنون حيسيب passat ويجيب ديه !!!!! إذا تخيلنا انها في يوم من الأيام حتبئى ب-250000 ألف مثلاً ,
[IMG]http://img529.imageshack.us/img529/373/dsc00475li.jpg Uploaded with ImageShack.us[/IMG]
[IMG]http://img341.imageshack.us/img341/1672/dsc00476q.jpg Uploaded with ImageShack.us[/IMG]
[IMG]http://img573.imageshack.us/img573/3279/dsc00478h.jpg Uploaded with ImageShack.us[/IMG]
بصراحة بعد الكلام اللى سمعته من يوكو و احمد و الصور اللى موجودة
الحمد لله انهم مافكروش فى الكامرى واضح من شكل التابلوه انه فيه فرق شاسع بينه و بين الباسات !
و بالنسبة للتجميع المحلى مازلت غير مقتنع ان تويوتا لما تجمع الكرولا فى مصر حيكون تقفيلها مثلا اوحش من الصنى !
دا الصنى محققة مبيعات حلوة جدا فى مصر رغم انها تجميع محلى
و انا فاكر كويس قوى ان كان فيه تصريح لواحد مسئول فى اليابان ان اى مصنع يجمع اى سيارة تويوتا خارج اليابان يبقى تحت جودة تويوتا يبقى مصر هى الدولة الوحيدة اللى جوة سيارات تويوتا اللى حتتجمع فيها حتبقى مش تبع كوالتى تويوتا!
ثم سمعة الكرولا الجنوب افريقى بقت سيئة فى مصر اصلا و حتى لما غيروا الفتيس برده مبيعاتها توقفت فى مصر و الجيل دا انتهى مبيعاته فى مصر مبكرا
و فى حالة ان جودة المحلى مش قوى يبقى دا معناه ان اى سيارة تويوتا حتتجمع فى مصر سواء فورتشينر او غيرها اصبحت فاشلة قبل انتاجها !!!
كلام مؤيده فعلا و دا اللى بقولهاقتباس:
المشاركة الأصلية كتبت بواسطة ahmed nouh;3873167189[color=navy
بسحب اقتراحى عن تجميع الكامرىاقتباس:
المشاركة الأصلية كتبت بواسطة ahmed nouh;3873167189[color=navy
و اضح انى كنت واخد فكرة غلط عنها :)
يبدوا أن السادة مسئولي تويوتا ايجيبت يعيشون في كوكب آخر غير الكوكب الذي يعيش فيه الشعب المصري فتاريخهم يؤكد أنهم يستورودون تويوتا من كوكب المشترى فالعالم كله إعترف بسحب بعض موديلات تويوتا لعيوب فنية ما عدا تويوتا ايجيبت و التي تبيع موديلاتها بأعلى أسعار مقارنة بدول الجوار حتى الخليجية منها فسيارتها حسب تصريحات المسئولين بها تخلوا من العيوب
و الآن زعموا أن هناك مفاجئة من العيار الثقيل و انهم سوف يختارون بعض موديلات تويوتا لتجمع في مصر و اذا بهم يتارون موديلا سعره أكثر من ثلث مليون جنيه - عكس اتجاه كل شئ في مصر بدلا من أن يختاروا بيريوس السيارة الأكثر مبيعا في اميريكا (أغنى دولة في العالم) و أكثر سيارات تويوتا إقتصادية في التشغيل بحسب ما قرأنا عنها
أو حتى بدلا من اختيار كورولا أو ياريس الأكثر انتشارا في مصر و العالم العربي يختارون سيارة 4x4 ضخمة لا تناسب شوارعنا
هل تعلمون يا سادة أن الرئيس الفينزويلي "شافيز" كا قد طرد تويوتا و شركات أخرى من بلاده لأنها كانت تجمع سيارات لا تتناسب مع شعبه
و لا أدري لماذا لا ينظر مسؤلوا الشركة العريقة الى أبناء البلد التي يعيشون بها و مع احترامي لتويوتا هي في الآخر سيارة يابانية (ده اذا كانوا بيستوردوها من اليابان أصلا) و بالتالي من المفترض أن تقل في السعر عن أقرانها من السيارات الفرنسة و الألمانية و الأمريكية و لكن تويوتا ايجيبت بطمع مسئوليها تقلب الأوضاع و لذلك تمنيت أن يخطف الوكيل السعودي عبد اللطيف جميل الوكالة منهم في مصر حتى يعتدل حال الماركة اليابانية صاحبة السمعة العالية و التي بنت تاريخها مع العديد من الشركات اليابانية و الكورية من خلال تقديم سيارات اقتصادية و رخيصة مقارنة بالسيارات الأمريكية و الأوروبية و لكن ماذا أقول إلا أن تجار مصر لن يروا الجنة مطلقا بما يفعلوه بنا و حسبي الله و نعم الوكيل
اقتباس:
المشاركة الأصلية كتبت بواسطة meemo the beast
+11111 , بس متنساش إن اللي طمعهم هو تقديس المصريين للتويوتا برغم سعرها الغير مناسب للقيمة التقنية ليها ، اللي يلقي ناس هبلة لمؤاخذة تشتري عربية مستعملة متسواش بصلة ب-90000 ج و مبسوطين (كورولا موديل كم سنة فاتو 1300 باين) ...يبقى أهبل كتوكيل لو مغلاش و يسترزق و يعمل مكاسب خرافية على قفا الناس ......
+11111اقتباس:
المشاركة الأصلية كتبت بواسطة Ahmed Nouh
متفق معاك تماما :S_thum1[1]:
1- كورولا
2- ياريس