الموضوع: ما هى السيارة التى كنت تتوقع ان تجمعها تويوتا فى مصر

ال fortuner عموما مش فخر إنتاج شركة تويوتا....حاسس إنهم بيتخلصوا من خط إنتاجها عندنا بدل ما يرموه فى الزبالة

ال 350 ألف دول يعنى بتنافس ال BMW X1 و فى سعر متوسط بين التيجوان و ال Xtrail من جهة و ال GLK و ال X3 من الجهة الأخرى...

مع العلم إنها أكبر بكتير من ال X-Trail و التيجوان حجما ....لكنها مش بنفس مستوى ال X3 و ال GLK من الرقى

أنا مش فاهم موقعها من الإعراب فى السوق المحلى....
علشان موضوع الأوتوبيس الخاص عليه إقبال بس مش الكل عارف ينفذه فالتجميع المحلى هو المخرج الشرعى مثلا ؟؟؟
للدرجة دى الإقبال ؟؟....أى نعم هما مكلفوش نفسهم بناء مصنع...لكن غريبة أوى إنها ال Fortuner السبعة راكب

المشاركة الأصلية كتبت بواسطة Sharky

المفروض لو دا القصد يبقى غلط
لإن شركة فى حجم تويوتا لما تقرر تجمع فى مصر يبقى المفروض بنفس جودة اليابان
و دا اللى قالوا لما جمعوا فى جنوب افريقيا !




تويوتا لم تبنى مصنع فى مصر

هو حيجمعوا فى مصانع الشركة المصرية الأميريكة اللى بتجمع الجيب فى مصر

عند ملحوظة يا sharki بالنسبة للكامري ، عشان بسوقها فالسعودية كتير ، العربية فقيرة جداً من جوة و خامات رخصة جداً غير متناسبة مع شكلها الخارجي و حجمها يمكن الكرولا الجنوب أفريقي من جوا أشيك أو الأفانسيس ، فا مستحيل تجرب تركب passat و بعدن تروح تشري دي و تدفع فيها 250 ألف ، هي مشية هنا فل سعودية taxi في معظم المناطق و في منها خاص فلأماكن إلي مش غنية أوي ، سعرها حوالي 75000 ريال فطبعاً بالنسبة لسيارة صالونها واسع كدة و صيانة رخيصة بيجبها هنا ، لكن محدش عمرو اعتبرها سيارة فخمة ، ال-passat أنضف ميت مرة . زي ما بقولك التويوتا لو عدت 150000 ج مفيش حد حيشتريها .

المشاركة الأصلية كتبت بواسطة sharky

ليه الكامرى لو اتجمعت فى مصر حتفشل ؟؟


و ايه المشكلة يا ابو عبدالله انها تبيع لمصر فقط
دى لو نزلت فى سعر 250-300 الف حتاكل السوق من الباسات

مش فاهم قصدك فى النقطة دى يا ابو عبدالله
هى الكرولا لو اتجمعت فى مصر سمعتها حتنزل ليه ؟؟؟

المشاركة الأصلية كتبت بواسطة n.a.j.d

القصد ف الموضوع دا يا احمد بى انه التقفيل المصري مش زي التقفيل اليابانى

ده قصدي يا احمد

المشاركة الأصلية كتبت بواسطة sharky

المفروض لو دا القصد يبقى غلط
لإن شركة فى حجم تويوتا لما تقرر تجمع فى مصر يبقى المفروض بنفس جودة اليابان
و دا اللى قالوا لما جمعوا فى جنوب افريقيا !




تويوتا لم تبنى مصنع فى مصر

هو حيجمعوا فى مصانع الشركة المصرية الأميريكة اللى بتجمع الجيب فى مصر

انت رديت على سؤالك في نفس المشاركة
انا قولت في الأول اني كنت اتوقع انها تجمع حاجه من اللي انت قولت عليهم دي بس لو هيا اللي هتبني المصنع مش هتجمع في مصنع مش بتاعها
وجنوب افريقيا مصنع تويوتا ومدينة كاملة كمان مش مصنع بس يعني مفيش مقارنة
ومع ذلك استحالة انك تقارن صنع في اليابان زي صنع في مصر وهما عارفين كده وعلشان كده لحد الآن لم يبنوا مصنع لهم في مصر مع ان الشرق الأوسط سوق كبير لهم ولكن هما عارفين الفارق في العمالة والبلد
وجنوب افريقيا متهيألي مش زينا خالص كفاية ان لها جامعات على خريطة العالم

المشاركة الأصلية كتبت بواسطة ahmedsadek82

عند ملحوظة يا sharki بالنسبة للكامري ، عشان بسوقها فالسعودية كتير ، العربية فقيرة جداً من جوة و خامات رخصة جداً غير متناسبة مع شكلها الخارجي و حجمها يمكن الكرولا الجنوب أفريقي من جوا أشيك أو الأفانسيس ، فا مستحيل تجرب تركب passat و بعدن تروح تشري دي و تدفع فيها 250 ألف ، هي مشية هنا فل سعودية taxi في معظم المناطق و في منها خاص فلأماكن إلي مش غنية أوي ، سعرها حوالي 75000 ريال فطبعاً بالنسبة لسيارة صالونها واسع كدة و صيانة رخيصة بيجبها هنا ، لكن محدش عمرو اعتبرها سيارة فخمة ، ال-passat أنضف ميت مرة . زي ما بقولك التويوتا لو عدت 150000 ج مفيش حد حيشتريها .

يا راجل
ده انت تقصد انهي كامري
هيا الكامري شعبيه في السعودية صحيح بس مش لدرجة ان خامتها اقل من الكورولا يعني
والعربيه كويسه جدا من الدخال
مهياش صحيح الفخامة المتناهية لأنها مش اخر انتاج تويوتا
فتويوتا لها ماركة خاصه بالفخامة اسمها لكزس وفي عربيه لتويوتا بعد الكامري اسمها افالون
يعني عاوزين بس لما نتكلم نعرف نحط كل عربيه في مكانها مش نطلعها السماء علشان نقارنها باللي فوق علشان نوقعها من فوق سريعا
عاوز تقارن الفخامة بي ام ومرسيدس قارن بالكزس

يعني يا احمد بى التقفيل المصرى زي التقفيل اليابانى بظبط؟

للأسف غياب الرقابة على كثير من العربيات المجمعة فى مصر اقنع الناس ان مستحيل تبقى العربية المجمعة محلى بنفس جودة العربية المستوردة ان شاء الله حتى من ادغال افريقيا

فبالتالى محدش لو الكامرى او اى عربية من الغاليين اتجمعت فى مصر هيبص لها ، ده مرسيدس بجلالة قدرها مازالت حتى اليوم مبيعات المستورد عندهم من الموديلات المجمعة محليا شغالة بسبب عدم ثقة الناس فى المحلى برغم فرق السعر اللى ممكن يوصل للضعف فى نفس العربية

النقطة الثانية هى الهدف من العربية المجمعة ، طبعا التخلص من الجمارك

طيب تعالى شوف كدا ايه دخل مكان الجمرك ، اولا مكسب الوكيل المصرى اللى هيزيد عن المستورد ، ثانيا تكاليف خط الانتاج اللى تم شراءه ، ثالثا نسبة المصنع المستضيف من السبوبة

يعنى شيلنا الجمارك وضيفنا بنود مكسب جديدة فى النص اثرت بشكل سلبى على ميزة التجميع المحلى وخلت فى تكاليف انتاج كبيرة بطاقة انتاج محدودة رفعت سعر العربية المجمعة لفئة هى مش هتصمد فيها اساساً

يعنى انا كمشترى مستحيل اروح اركب نص نقل متقفلة واسيب الشيروكى اللى ليها سعرها وسمعتها ووكيل قوى فى مصر ده بعيداً عن الـ x1 اللى نازله معاهم وبسعر ارخص من التويوتا

الناس هنا مبتركبش دفع رباعى للصحراء هو مجرد وجاهة فى الشارع وترييح دماغ من المطبات ووسع فى الكابينة وده هتعمله الشيروكى والـ x1 كويس

واللى هيجيب الفورتشنر فى مصر لزوم الصحراء يبقى يحط الـ 100 ألف جنيه فى جيبه ويجيب الرانجلر ويصحر بعربية فعلا بتاعة صحراء

الكامرى كذلك لو نزلت وبالنظر لسعر الفورتنشر هتضرب لحدود منافسة السى كلاس والفئة الثالثة وهتقابل نفس القصة انها مش بقوة ولا بسمعة ولا وكيلها اقوى من وكلاء العربيات دى فبالتالى هتركن

صحيح لا الكورولا ولا الياريس هيعجبوا الناس بنفس قدر المستورد لما يتجمعوا بس واقعياً فئة الكورولا والياريس هى فئة الناس اللى الفلوس بتحكم قرارها للشراء بشكل كلى وبيسألوا وبيحسبوها صح

يعنى كورولا شكل جديد فى اول الـ 100 ألف بصف كماليات مغرى هتجيب زباين كتير ، ياريس فى الثمانينات بكماليات كويسة هتجيب برده زبون وهتضارب عربيات من مستواها تقدر تقول معاهم زى الصنى والبيرسونا

لكن عربية اساسا متقدرش تنافس الفئة اللى معاها ولا وكيلها يقدر ينافس ناهيك عن الكلام عن سوء تقفيلها لازم وحتماً تخسر

اللى اختار تجميع الفورتنشر فى مصر كان قايم مخضوض من النوم وجاله تليفون من مجلس الادارة وهما واقفين فى اليابان بيخلصوا فى خط الانتاج راح قايلهم اسألوا الفورتشنر بكام وهكلمكم كمان شوية ، وبعدين تليفونه فصل شحن

المشاركة الأصلية كتبت بواسطة Ahmed Nouh

يعنى انا كمشترى مستحيل اروح اركب نص نقل متقفلة واسيب الشيروكى اللى ليها سعرها وسمعتها ووكيل قوى فى مصر ده بعيداً عن الـ x1 اللى نازله معاهم وبسعر ارخص من التويوتا

المشاركة الأصلية كتبت بواسطة Ahmed Nouh

اللى اختار تجميع الفورتنشر فى مصر كان قايم مخضوض من النوم وجاله تليفون من مجلس الادارة وهما واقفين فى اليابان بيخلصوا فى خط الانتاج راح قايلهم اسألوا الفورتشنر بكام وهكلمكم كمان شوية ، وبعدين تليفونه فصل شحن

ممكن قوى....

المشاركة الأصلية كتبت بواسطة أبو عبدالله

ده قصدي يا احمد
يا راجل
ده انت تقصد انهي كامري
هيا الكامري شعبيه في السعودية صحيح بس مش لدرجة ان خامتها اقل من الكورولا يعني
والعربيه كويسه جدا من الدخال
مهياش صحيح الفخامة المتناهية لأنها مش اخر انتاج تويوتا
فتويوتا لها ماركة خاصه بالفخامة اسمها لكزس وفي عربيه لتويوتا بعد الكامري اسمها افالون
يعني عاوزين بس لما نتكلم نعرف نحط كل عربيه في مكانها مش نطلعها السماء علشان نقارنها باللي فوق علشان نوقعها من فوق سريعا
عاوز تقارن الفخامة بي ام ومرسيدس قارن بالكزس

طب بص شوف ، أنا راضي ذمتك دة منظر عربية ملاكي أصلاً ؟؟؟؟؟؟؟ يا جماعة دي الكامري ، والفل options بتاعتها فيها cd بدل الكاست و زراير فالدركسيون ، ياريت تحكم عربية بالحجم دة و منظرها من جوا عمل كدة أنهي مجنون حيسيب passat ويجيب ديه !!!!! إذا تخيلنا انها في يوم من الأيام حتبئى ب-250000 ألف مثلاً ,

[IMG] Uploaded with ImageShack.us[/IMG]
[IMG] Uploaded with ImageShack.us[/IMG]
[IMG] Uploaded with ImageShack.us[/IMG]