حادث عجيب جداً جداً بسيراتو 2010

**M.Osman** · 20-12-2010 08:02 PM

فعلاً السواق الصح اللي بيعرف يسوق عربيته
مش اللي عربيته بتسوقه !!

**NoRmAl** · 20-12-2010 08:23 PM

هو فى الحقيقه مش عارف أيه الغريب فى الحادثه
دا واحد معرفش يلم العربيه المفروض هى الى كانت تلم نفسها :)
والعضو الى بيقول هو مش عارف قدرات عربيته أنا معاك
بس مش بمعنى الى فى بطن الشاعر الى أنت تقصده :))
لا
هو مش عارف هو راكب أيه يعنى أنه وبسهوله كان ممكن يلمها

**Formulator** · 20-12-2010 10:15 PM

المشاركة الأصلية كتبت بواسطة NoRmAl

واحد معرفش يلم العربيه المفروض هى الى كانت تلم نفسها :)

لأ حضرتك بس يبقى فيه مساعدة من العربية:
- TC/TTC ينقل العزم على العجلة الخارجية اكتر علشان يسهل الfast cornering
- brake-assistance لو حس بطوارىء بيقرب التيل من الديسك علشان يفرمل بسرعة...!!!
- EBD بيوزع الفرملة على العجلتين اللى ورا ويصحح المسار علشان متعملش understeering وال abs من غير الحساسين فعاليته اقل
وكل ده موجود هنا (وفى عربيات عادية على فكرة)....!!

المشاركة الأصلية كتبت بواسطة NoRmAl

والعضو الى بيقول هو مش عارف قدرات عربيته أنا معاك

المشاركة الأصلية كتبت بواسطة NoRmAl

بس مش بمعنى الى فى بطن الشاعر الى أنت تقصده :))
لا
هو مش عارف هو راكب أيه يعنى أنه وبسهوله كان ممكن يلمها

مفيش اى حاجة فى بطن اى حد يابشمهندس نورمال
بس الواحد لازم يسوق على قد العربية اللى هو راكبها ويبقى عارف آخرها ايه وهتستوعب ال hard-driving ولا لأ...
وعند درجة معينة العربية ممكن ماتتلمش...مهما كان سواق..!!!

**kamalsalem** · 20-12-2010 11:02 PM

المشاركة الأصلية كتبت بواسطة ahmedezar

طيب يا جماعة ماشي 140 كتير علي محور صفط اللبن وهي اصلا السرعة 60

طيب لو السيراتو علي 90/100 هتتلم برضه ولا هتعوم وتحدف

تلم يا باشا متلمش ليه... انا متأكد انه كان مفروض لحد 150 كمان تلم... اذا كان السيينا اللي هي اصلاً بانيو لمت... وانا مجرب الكروز على نفس الملف ده لحد 150 ولمت... وموضوع انه احنا سخنا بعض... أولاً انا مكنتش سايق انا كنت أول واحد هموت لو خبطنا بعض لأني كنت في يمين السيينا... ثانياً انا عمري ما بجري مع حد على ملفات عشان بصراحة العربية مش ببلاش وزي ما بتقولوا مش هشيل ذنب حد مات عشان بيجري معايا.. انا بجري لوحدي أو مع حد كده من باب الدلع.

**night_phoenix** · 21-12-2010 02:00 AM

استفدتوا ايه؟؟
مش فاهم
طرق زي الزفت غير مدروسه مليانه نقل ما يعلم بيه الا المولي ساده افاضل بيطيروا بعربياتهم
الله يعوض عليه و ممكن كانت اي عربيه في اي توقيت توصل لنفس الحال لا سينا ولا سيراتو
احمدوا ربنا انكم عايشيين
حقيقي مش فاهم ايه الميزة : بتاعت جري بتاعت ملفات بتاعت بليله
ربنا يسترها علينا كلنا

**ابو ليلى** · 21-12-2010 10:10 AM

الكوبرى ده كل يوم رابح جى عليه وانا رايح وراجع من شغلى

150 ك مستحيل فى الملفات لانها ضيقه جدا وحاده

كتير جربت العربية فيه واخرى فى الملف بتكون 80 الى 90 وبجد العرببة تمام فى الثبات .

المفروض ملف زى ده مينفعش تضرب فرامل فيه لان اكيد العربية هتعوم واكيد ده اللى حصل .

بس اللى اعرفه وبشوفه ان عربيات النص نقل ممنوع تطلع الكوبرى ده

**sara2001** · 21-12-2010 11:07 PM

المشاركة الأصلية كتبت بواسطة ahmedezar

طيب يا جماعة ماشي 140 كتير علي محور صفط اللبن وهي اصلا السرعة 60

طيب لو السيراتو علي 90/100 هتتلم برضه ولا هتعوم وتحدف

هسهس الحدف
طب ما تلف على 80 ولا 70 طالما السرعه اصلاً 60
بدل القلق ده

-

الموضوع: حادث عجيب جداً جداً بسيراتو 2010

LinkBack

أدوات الموضوع

عرض

-

-

-

-

-

-

المواضيع المتشابهه

صوره معبره جداً جداً جداً

أفيدوني أفادكم الله لأني محتار جداً جداً جداً

حادث غريب جداً !

هذا موقع ممتاز جداً جداً جداً جداً جداً

الكلمات الدلالية لهذا الموضوع

المفضلات

المفضلات

ضوابط المشاركة