عاوز عربية في حدود 250 الف و مش عارف اجيب ايه

**Hossam_Zaky** · 20-12-2010 08:29 PM

السادة الأخوة الأفاضل
ياريت حد يقترح عليا , اخويا عاوز يجيب عربية تكون 4*4 او حتي 2*4 في حدود السعر ده بس تكون عاليه و تستحمل و ستايل الsuv
هوه شاف دول
النيسان الأكس ترايل
الرانجلر انليمتد
الشيفروليه كابتيفا

و مش حاطتهم بالترتيب و دول بس اللي اعرف عنهم حاجات بسيطة
و متردد لأن معروض علينا النيسان الأكس ترايل بس مش عارف اخبارها ايه عندي نيسان صني و التوكيل مرييحني
هوه كان راكب فولكس جيتا و ده السبب الأساسي لأتجاهه لستايل ال4*4 عشان علو العربية المنخفض زهقه

لو فيه اقتراحات لموديلات تانية ياريت حد يفيدني

شكرا

**Mzeid** · 20-12-2010 08:52 PM

يعني أنا مستريح للرانجلر اكتر

**Hossam_Zaky** · 23-12-2010 02:32 AM

شكرا علي الأهتمام و لسة مخدتش قرار

**evram** · 24-12-2010 09:48 AM

رانجل او يجيب ب 300 دودج رام عربيه بجد بجد و رانجل محترمه جدا

**moody1** · 25-12-2010 01:31 AM

الرانجلر لو بيدخل صحارى وليه فرحلات السفارى

لو الاستعمال داخل المدينة يبقى كابتيفا

وبرده تقدر بمبلغ 250 تجيب جيب ليبرتى 2008

**nimo.mimo** · 25-12-2010 11:35 PM

أنا ابن خالى كان معاه إكس ترايل العربية دية هى الوحيدة فى مصر اللى بتجمع بين الراحة و الخدمة الشاقة و معلش أي حد يقلك غير كدة للأسف مخدوع بالمظهر و بعدها الشيروكى و بعدهم مفيش , يعنى أى عربية فى نفس السعر غيرهم لأ.

الرانجلر الناس للأسف بيشتروها منظرة مش أكتر , نظام أنا جبتها و فلانة جبتها و نونة برضة جابتها و شفت كمان إيه , كل البنات جبوها حتى الولاد كمان كلهم اشتروها , يعنى شوف إعلانتها فى الجرنان لو مش مصدق , و لو عايز تتأكد إن الرانجلر عربيات تعبانة بص على عربيات الجيش النيفا و الرانجلر و الشيروكى اللى بتمشى معانا فى الشوارع حتلاقى اللى عايش مع الجيش فى الشارع دلوقتى النيفا و دية عربيات شرطة عسكرية أكترها و بقالها 25 سنة أو أكتر و الشيروكى و دى عربيات الرتب أغلبها و عايشلها 20 سنة أو أكتر , أما الرانجلر اللى عاش أقل مدة , 12 سنة شوفها عاملة إزاى و سحبها و مشيها متعب إزاى.

فلو إنت الفلوس فارقة معاك و تعبان فيها بأمانة هات الإكس ترايل و سيبك من المنظرة.

**kamalsalem** · 25-12-2010 11:42 PM

رانجلر وشششش... واركب امريكاني على ابوه... ولو ان برضه كابتيفا امريكاني بس انا حاسس الرانجلر مخيفة اكتر

بس هو ليه عايز ستايل suv؟ هو معاه عيلة واطفال وكده؟ لو كده كابتيفا الصراحة.. فيها موتور اللومينا اصلاً

**Hossam_Zaky** · 27-12-2010 02:35 AM

يا شباب
اخويا فعلا معروض عليه النيسان اكس ترايل بس منعرفش حد جربها , لو حد عنده معلومة يا ريت ما يبخلش علينا

و بالنسبة للكابتيفا انا عاجباني برضه بس مش لاقيها منتشرة و خايف تعمل زي الفرونتيرا بتاعة التسعينات و فجأة تختفي و مايبقلهاش سعر