الموضوع: اريد رايكم فى اللون الافضل للصنى من الالوان الاربعة

والله اراء الناس طبعا تحترم وتفدر لان الالوان دي ازواق ...وفي الحقيقه جميع الازواق هي جميله في اعين اصحابها
ولكن انا حقول رايي من ناحيه عمليه شويه والي بسببها اخترت لون سيارتي رمادي
بالنسبه للالوان الغامقه مميزات وعيوب(اسود-كحلي )
نبدا بالمميزات
تعطي السياره فخامه او هيبه وكذالك تشعر الناظر بحجم السياره الخارجي
لا يظهر بها الحكات او الخبطات بشكل واضح
تكون اسهل في حاله تغيير الاجزاء مثل الاكسدام والمرايا والجرائد الجانبيه والحليات حيث لا تتاثر السياره باختلاف اللون وضروره دهانها بلون السياره (يعني هتجيب المرايه او الاكسدام بلونه الاسود وتركبو علي طول مش حيكون لونه الاسود شديد الاختلاف عن لون العربيه وممكن تصبر حتي دهانه بلون السياره)
في حاله ظهور صدا بالجسم لا يظهر بصوره واضحه وانا اعتبر هذا ميزه وعيب في نفس الوقت لان ظهور الصدا يجبرك علي معالجته والحد منه سريعا اما المزه في ذلك ان ظهوره لا يؤثر علي المظهلا بشكل واضح
اما عيوب الالوان الغامقه فكتالي
امتصاص اكبر لحراره اشعه الشمس او انعكاس اقل لها
يظهر عليها التراب ودائما تحتاج لمسحه كل شويه ومسح السياره المفرط خصوصا بدون مياه يعمل علي نحل طبقه الدهان او اللمعه الخاصه بالدهان مع الوقت لان مسح التراب بدون مياه يثر علي الجسم او علي البويا مثال السنفره
وبالتالي تاكل اسره لطبقات الدهان وانطفاء اللمعه او البريق المميز لدهان وجمال السياره
واخيرا التجيير وهو ليس بالضروره ناتج عن تراب ولكن يظر احيانا نتيجه لجفاف السطح الشديد او خشونته ودائما يظهر عند استخدام صابون غير مناسب لغسيل السياره (زي تمام احتياج الجسم الانسان لطبقه من الدهون او الفازلين في منطقه الكوع مثلا) ويمكن تلافي تلك الظاهره عن طريق الشمع الخاص بدهان السيارات
اما عن الالوان الفاتحه(فضي . ذهبي . ابيض...)
مميزاتها
تعكس اشعه وحراره الشمس بدرجه كبيره
لا يظهر عليها التراب مما يجعلها اقل حاجه للمسح المتتالي باليوم والذي يوثر سلبيا علي طبقات الدهان الاولي
يظهر بها اقل بدايه او تاثر للصدا مما يجعل اكتشافه وعلاجه مبكرا
لا يظهر عليها ظاهره تجير السطح بسهوله
طبعا موضوع عكسها لاشعه الشمس ده موضوع مهم لانه ليه مميزات كبيره وكتيره مكن تصل الي حد تقليل في استهلاك الوقود وان لم تكن بصوره كبيره ولكن عكس الحراره تقلل الحراره داخل السياره ممكن 5 درجات وبالتالي افيد في بلوغ درجه الترطيب المرجوه عند تشغيل التكييف
اما العيوب للالوان الفاتحه
اي خبطه او حكه بتبان اوي بالزات لو اتحكيت في حاجه سوده
اي نقطه صدا في اي مكان بتبان علي طول ويكون شكلها مش اوي
لما تغير اكسدام جديد او مرايه بيكون شكلو غريب علي العربيه وتحتاج ضروري دهانه بنفس لو السياره لانه بييجي بلونو الاسود
وطبعا زي القميص الفاتح اي وساخه او بقعه بتبان عليه كذلك اي شحوم او طينه من الارض بتبان علي الجسم الخارجي
شكل العربيه الفاتحه تحس انها صغيره من بره واقل هيبه وده انا لاحظتو لما كنت ببص علي نفس الموديل بالوان مختلفه مره تحس ان العربيه كبيره من بره وهجمه ومره تحس انها عربيه صغيره والحقيق هتلاقيها نفس الحجم والابعاد بس اللون عامل شغل
كذلك الجنوط في عربيات تحطلها جنوت 15 او 16 تلاقيها كبيره و نفس العربيه تحطلها جنوط14 تستغرب هيه العربيه دي صغيره ليه كده


عشان كدا انا كان اخياري اللون الرمادي لانه خير الامور الوسط مابيبانش فيه التراب وبردو مش هيمتص حراره الشمس زي الاسود والكحلي
اما الصالون الفاتح والصالون الغامق
فالمميزات والعيوب مش هتبعد كتير عن فكره اللون الخارجي\
ده بيبان فيه الوساخه والشحوم بالزات لو جلس فيها احد الصنايعيعه اثناء الصيانه وهتندم قعد علي الكرسي ولا ايدو جت علي فرش الباب بس في نفس الوقت الفاتح بيعكس الحراره وما بيجيرش زي الاسود ويلم تلراب

والله هي في الحقيقه ازواق في الاخر بس انا فضلت الصالون البيج او الفاتح وقلت اركبلو كسوه وما خليش صنيهي يجلس فيها ابدا حافظ عليها

ده طبعا رايي الشخصي والله الموفق للجميع وسواء كدا ولا كدا
ضروري تغطيه السياره بطبقه الواكس او الشمع ولو اضرت كمان تعمل الدواخل زي الشنطه من الداخل والقوائم لان الشمح يحمه من الصدا والتجيير وخشونه التراب علي الجسم اثناء التنظيف او نتيجه تيارات الهواء المحمله بالاتربه
طبعا ده علي المدي الطويل مش شهر ولا اتنين

طولت عليكم سامحوني بس بصراحه انتم مجموعه زي الفل
وبعد اذن الراجل المحترم جدا الي بحب اقرالو اوي اللي دايمان يقول لنا
اقعدو بالعافيا ...
يعافيكم جميعا ويحفظم ... وشكره

رمادى وفضى طبعا

الاسود ممتاز لكن مينفعش عشان التراب هتكرة روحك

البنفسجى لون كئيب بالنسبالى

المشاركة الأصلية كتبت بواسطة sonasteel

ماشاء الله ....... كلام زي الفل
جزاك الله عنا خيرا ..... وربنا يجعله في ميزان حسناتك
انا برده كان نفسي في اسود اوووي ... وخلاص كنت هاجيبها بس حبيايبي في المنتدي (وبالاخص ا/احمد مصطفي) قالي هاتجيب الاسود تأجر بواب وتقعده في الشنطة وكل 10 دقايق يمسحها ههههههه
وانا كنت عايز لون مش منتشر اوي كان قدامي خيارين (رمادي فاتح - رمادي غامق) .. وربنا كرمني بالغامق لاني بحب الغوامق اووووي ... وجيبت الفرش من جوه غامق علشام ميتبهدلش .. وبردررررده بيتبهدل
فمكانش قدامي حل الاان افوض امري لله... وبقيت امسحها كل يوم الصبح مسحه خفيفة كده للتابلوه ... وغسله من بره ومن جوه ماعدا الماتور في اي بنزينة وطنية
لغاية ما ربنا يكرم واهاجر بيها لاي بلد من اللي بينزل فيها تلج ...بدل التراب ههههههههه
ان شاء الله
الف الف شكر .... علي مشاركة حضرتك الطيبة
وأقعد بألف عافية

والله يا با شا كل الوان الصني جميله
وده الي حيرتي وخلاني ابحث في الموضوع واتوصل الي الكلام الكتير بين مميزات الغامق والفاتح سواء الصالون او الجسم الخارجي وفي الاخر رسيت علي الرمادي الفاتح
وفي الحقيقه كان اختياري موفق علي الاقل بالنسبالي ولاحتياحاتي لاني محبش امسح العربيه كتير
بس الي مدايقني انها في النهايه اتخبطت كوه التوكيل
...الحمد لله علي كل شئ
المهم اني ربني وفقني وبقيت واحد منكم
بس استلمها من التوكيل بعدما خبطوهالي
ربنا يوفق الجميع يا سونا باشا

المشاركة الأصلية كتبت بواسطة sedyrohy

بوص معظم العربيات الصني لازم تقف جنب العربيه بفوطه مش عارف العربيات الصني بتلم تراب بطريقه عجيبه

الصني الي معايا نبيتي و معايا 3 فوط
واحده قطن
و التانيه جلد غزال
و التالته وش قطن و وش تاني قطن بس خشن شويه

و ليل نهار بمسح بيها مش عارف ليه ده غير التلييط
عيب بويه المصري ولا ايه حد يفيدنا بافضل طريقه لتجنب التراب و افضل فوطه لمسح العربيه

دة لان جو البلد اصلا ملوث وكله تراب حتي اي واحد بيخرج مشوار ساعتين ويرجع لازم يدخل تحت الدش فما بالك بالعربية اللي موجودة في الشارع طول النهار

فية لون رمادي بس مدي علي بتنجاني اللون ده جميل