بجد لو كانت 50 كنت هتعمل ايه؟؟؟؟؟؟

احبابى وانا قاعد انهارده جالى سؤال خطر ببالى والله العظيم زى مابحكى كده بالظبط.

عقلى قعد يودينى ويجبنى.

ودار فيه سؤال والسؤال مش عاوز يطلع من دماغى الا ومعاه اجابه.

وانا بصراحه لسه ماوصلتش لأجابه ومش هينفع اضحك على نفسى.

السؤال هو :

هى الصلاه لو كانت 50 صلاه فى اليوم الواحد كنت هتعمل ايه؟؟؟؟؟؟؟؟

طبعا كلنا عارفين انه يوم الاسراء والمعراج فرضت الصلاه وكانت 50 صلاه فى اليوم الواحد . وان سيدنا محمد عليه الصلاه والسلام ظل يسأل الله سبحانه وتعالى التخفيف بعد نصيحه نبى الله موسى.ان قومك لن يستطيعوا


فظل سيدنا محمد صلى الله عليه وسلم يسأل الله ان يخفف عن امته حتى جعل الله الصلاه خمسه فى العمل وخمسين فى الاجر.

ايه رايكم ولا اقولك ايه رايك انت لو كانت خمسين كنت هتعمل ايه؟؟؟؟؟؟

دى رحمه من ربنا بعباه وربنا يقدرنا نعوض اللى فات

لا تسألوا عن اشياء ان تبد لكم تسؤكم

عمري ما فكرت في السؤال ده !
بس والله على حسب, اوقات بيبقى في جو روحاني جميل بيخليك ممكن تبقى عاوز تفضل تصلي طول اليوم.
الجو ده تحسه وانت صايم مثلا, وسبحان الله اليوم الي انت صايم فيه بتحس انه رمضان وإن الناس كلها صايمه معاك.
الحمدلله عامة ان من رحمة ربنا ان الصلاه مش 50 صلاه في اليوم و مش السنه كلها صيام.
شكرا على اثارة الموضوع الهام ده

اقتباس:

---

المشاركة الأصلية كتبت بواسطة kamalsalem

لا تسألوا عن اشياء ان تبد لكم تسؤكم

---

هو ممكن يكون حضرتك عندك حق . بس انا والله ببص للموضوع انه من رحمه ربنا بينا ومن فضله علينا ان الصلوات خمسه فى اليوم. واحنا برضه مقصرين فيهم.

احيانا بيكون فى حاجات العقل بتاعنا بيعجز عن تجميع اجابه لها رغم انه ممكن تكون بسيطه واعتقد دى من الحاجات اللى كتير ان لم يكن كلنا هنعجز عنها