بجد لو كانت 50 كنت هتعمل ايه؟؟؟؟؟؟

**abo_anas** · 20-12-2010 10:37 PM

احبابى وانا قاعد انهارده جالى سؤال خطر ببالى والله العظيم زى مابحكى كده بالظبط.

عقلى قعد يودينى ويجبنى.

ودار فيه سؤال والسؤال مش عاوز يطلع من دماغى الا ومعاه اجابه.

وانا بصراحه لسه ماوصلتش لأجابه ومش هينفع اضحك على نفسى.

السؤال هو :

هى الصلاه لو كانت 50 صلاه فى اليوم الواحد كنت هتعمل ايه؟؟؟؟؟؟؟؟

طبعا كلنا عارفين انه يوم الاسراء والمعراج فرضت الصلاه وكانت 50 صلاه فى اليوم الواحد . وان سيدنا محمد عليه الصلاه والسلام ظل يسأل الله سبحانه وتعالى التخفيف بعد نصيحه نبى الله موسى.ان قومك لن يستطيعوا

فظل سيدنا محمد صلى الله عليه وسلم يسأل الله ان يخفف عن امته حتى جعل الله الصلاه خمسه فى العمل وخمسين فى الاجر.

ايه رايكم ولا اقولك ايه رايك انت لو كانت خمسين كنت هتعمل ايه؟؟؟؟؟؟

**omaroof** · 20-12-2010 11:07 PM

دى رحمه من ربنا بعباه وربنا يقدرنا نعوض اللى فات

**kamalsalem** · 20-12-2010 11:12 PM

لا تسألوا عن اشياء ان تبد لكم تسؤكم

**mahmoud_afifi** · 21-12-2010 12:22 AM

عمري ما فكرت في السؤال ده !
بس والله على حسب, اوقات بيبقى في جو روحاني جميل بيخليك ممكن تبقى عاوز تفضل تصلي طول اليوم.
الجو ده تحسه وانت صايم مثلا, وسبحان الله اليوم الي انت صايم فيه بتحس انه رمضان وإن الناس كلها صايمه معاك.
الحمدلله عامة ان من رحمة ربنا ان الصلاه مش 50 صلاه في اليوم و مش السنه كلها صيام.
شكرا على اثارة الموضوع الهام ده