والله يا بشمهندس رفيق هيا القاعدة اتكسرت وطبعا عمل اللحامات المطلوبة ولحد دلوقتي ثابتة وبتتقفل وتتفتح عادي جدا زي الاول
عرض للطباعة
خد ال200 جنيه
وصلح المراية وربنا يعوض..
متسبلوش الفلوس خد ال 200 جنيه و من اتلف شيئا عليه اصلاحه ده مش معني كدا انك محتاج منوا فلوس ولا حاجه بس ده اللي المفروض يحصل علشان يحرم يستهبل تاني في الشارع و يأذي الناس و لو مرضاش بقي قول ربنا يسامحواو استعوض ربنا و انا شايف احسن حل انك تشوفها استراد لو ملقتهاش عليك بقي و علي اي واحد بتاع فبر كويس و يظبطهالك زي ما ناس كتير هنا عامله و اعتقد بتبقي كويسه جدا و ترشها نفس اللون
مساء الخير على اجدع رجالة في مصر رجالة نايل موتورز كلهماصدقائي الغاليين اانهاردة انا مبسوط جداُ لاني عملت حاجة باعتبرها انجاز – صلحت المرايا بنفسيالقصة ابتدت امبارح وانا قاعد بدردش مع والدي وبحكيلة المأساة اللي حصلتلي وان المرايا اتكسرت وانا حزين ......رد عليا رد موتقعتهوش بصراحة قالي:" يا ابنى على ايامنا كنا بنعمل عمرة الموتور تحت البيت بنفسنا – وانت عاملي جنازة على حته مرايا.... أما هندسة ايه وبتاع ايه.... " وراح سيبني وماشي... !!!!!!!!!!بصراحة الدم سخن في عروقي وقلت انا حصلحها ويا إما صابت يا اتنين عور انا مش خصران حاجة...المهم مسكت القاعدة والمرايا وقعد اقلب فيهم يمين وشمال وجبت المسطرة وقاعد اقيس المسافات وكلي قناعة ان اللزق لوحدة مش حينفع مهما كان قوته لان الحتة المكسورة رفيعة وعليها حمل ومعرضة للخبط كتير............ ثم وجاء الوحي.....الفكرة بأختصار تركيب مسامير كدعمات مع اللزق ...جبت الادوات وبدأت التنفيذ : اسبكم مع الصور
الادوات المستخدمة
1- شينيور ببنطة 4 (اصغر وحدة )
2- لزق ايبوكسي الاصلي (هولاندي ) 30 جنية
3- مسامير سن ساج + مسامير 4ملم بصمولة
4- لزق لازاق (شطرتون )
وطبعاُ المرايا المكسورة
http://dl103.herosh.com/11273a776adf...3122010707.jpg
دي صورة للكسر اللي كان في المرايا
http://dl103.herosh.com/1455176c9d2b...3122010710.jpg
ودي كمان صورة بتوضح الطريقة اللي المفروض تركب بيها
http://dl102.herosh.com/706b798125e7...3122010711.jpg
ابتديت بسنفرة الجزي المكسور من الطرفين وبعدين خرمت بالشينيور اربع اخرام كل خرم نافز للطرف التاني زي ما حيوضح في الصور اللي جاية
وبعدين عجنت كمية من اللزق مع بعض واتبعت التعليمات اللي على الورقة وحطيت ناحية واحدة
http://dl103.herosh.com/2e695730875d...3122010712.jpg
هنا حطيت المسامير علشان تقفل على اللزق وتثبتة وكمان تبقى كدعامة لو حصل اي ضغط على القاعدة
http://dl104.herosh.com/d17f42bc2cf5...3122010713.jpg
طبعاُ كمية اللزق كانت اكتر من اللي محتاجة فقلت فرصة كويسة احط لزق على المسامير وبالذات في الزواية ما بين المسمار والمرايا علشان المسمار ميلفش وكمان يقوي الاطلاع اللي مسكه فيها المسامير
http://dl104.herosh.com/7aab8a1e2369...3122010717.jpg
http://dl104.herosh.com/71dc51f9589f...3122010719.jpg
سبت الكلام ده كله لمده 12 ساعة زي التعليمات اللي على ورقة الزلق ولما رجعت علشان ابص عليها كانت النتيجة مذهلة بكل المقاييس بجد
انا حاطيت شطرتون اسود على الاطراف اللي فيها مسامير علشان تغطيها لحد لما اشفلها طريقة اداريها بيها بصورة دائمة
http://dl101.herosh.com/fab85c7712f2...3122010720.jpg
طبعاً مكدبتش خبر ونزلت ركبتها على طول والحمدلله بقتفل وتفتح عادي خالص والحمدلله على كده
اخيراُ احب اشكر كل الاعضاء اخواتي واحبائي اللي شركوني التجربة دي ونصحوني وسعدوني على حلها
واحب اشكر صديقي واخي العزيز ا/ محمد خضر على تليفونة الجميلة والنصايح الهايلة جداُ اللي قلهالي في التليفون ومبدرته بمسعدتي باي طريقة ....... الف الف شكر أ/ محمد
وطبعاً اخويا وحبيبي وحبيبنا كلنا ايمن كلمني واداني نمر تليفونات موردين علشان اسأل عندهم وفعلاُ لقيتها عند أ/ماجد في المنصورة وقالي تمنها 300 جنية علشان خاطر ايمن ونايل موتورز
ولقيت القاعدة بس عند مكة بـ 150 جنية
الف شكر ليكم بجد والف شكر لنايل موتورز وكل القائمين عليه لانهم ادوني الفرصة اني اتعرف بناس فعلاُ ممتازة ومميزة زي حضراتكم كلكم
لكم مني كل تحية وتقدير واحترام
اخوكم رفيق
إيه الجمال ده يا عم رفيق ....
هو ده الشغل بتاع زمان.... على ايامى انا برضه لانى عجوز شويتين ...
والدك ربنا يديله طوله العمر ويباركلك فيه ... قالك اللى فيه المفيد .... الناس دى كلامهم دهب ... بس للأسف الاجيال الجديدة مش بتقدر الكلام ده ...
أنا كنت وعدتك إنى أجيبلك المرايه دى إستعمال بس إعزرنى لسبب قوى جدا وقهرى أكيد إنت عارفه
http://www.nilemotors.net/Nile/191296-a-4.html
تحياتى
أخي العزيز أ/ محمد عبد المجيد
اولاُ الف شكر على ردك واهتمامك ومتبعتك للموضوع
كفاية انك عرض المساعدة الصادقة والخالصة لله ... بجد انا نفسي اقبلك واشكرك جوها لوحه
انت متتخيلش انا مبسوط قد ايه اني قدرت اتغلب على المشكلة واصلحها بنفسي - يمكن تكون حاجة تافهة بس بالنسبالي انجاز مميز وكل اللي يباركلي على المرايا الجديدة اقوله " لا دي القديمة والحمدلله انا صلحتها بنفسي " بحس بالفخر بجد
كان ممكن اجبها من التوكيل او اجيبها من برة التوكيل او من برة مصر خالص - وكان ممكن اصبها او اشتري القاعدة لوحدها
بس مكنش حيبقى له نفس الطعم وانت شغال بايدك والتجربة بتنجح في الاخر...
أخيراُ
ألف ألف مليون مبروك على حل مشكلتك
ويا رب تبقى اخر المشاكل .... ربنا يباركلك في العربية ويكفيك شرها ..
بجد انا فرحت من كل قلبي.. وحسيت انها مشكلتي انا اللي اتحلت ... حضرتك تستاهل كل خير
لك مني كل احترام وتقدير وتحية
مساء الخير عليكم جميعاُ
انهارده كان اول اختبار حقيقي لقوة المرايا بعد تصليحها
واحد بموتسيكل عاوز يعدي بالعافية ما بيني وما بين عربية تانية على شمالي ولما وصل لحد المرايا المسافة داقت عليه ..... راح ساند على المرايا كلها لنه كان حيقع .... انا قلبي وقع في رجلية لما شفت ايده على المرايا .... بس الحمد لله استحملته لحد لما وزن نفسة ومشي ... الحمدلله
تقبلوا تحياتي
الله ينور على الشغل العالى والتفكير الجميل
الله ينور عليك تعرف اني بعمل كدا زيك والله العظيم انا واحد اول ما جبت العربيه كنت راكنها في الشارع و شكلوا كانت بيتعلم السواقه كان معاه 127 دخل بالرفرف بتاعوا جوه الرفرف عندي و طبعا مشي و شال الاكصدام بتاعي معاه انا كنت واقف و شايف المنظر من بعيد ملحقتش حتي انطق وقفت مكاني زي ما يكون الخبطه في قلبي كل اللي قولتهولوا حاسب طب ثواني ارجع لورا و هوه مصمم انها هتعديه لما يطلع قدام لحد ما رجعتوا بصيت علي الاكصدام لقيتوا من فوق العجله الشمال علي طول واقع و الكلبسات اللي بتمسك الاكصدام في الكرتيره اتكسرت الحمد لله مخلتش حد يمد ايدوا فيها و عملتها انا بنفسي و لحمتها كويس و رجعت احسن من 100 كلبس و رديت الاكصدام تاني بأيدي لما فكيتوا و رجع زي الاول