اعتمادية بروتون ( تقرير بعد الماءة الف كيلم الاولى لسيارة بروتون جن 2 اوتوماتيك 2008

**ahmad alshaaer** · 21-12-2010 01:39 AM

السلام عليكم ورحمة الله وبركاته

الاخوه والاخوات الاعضاء الكرام

طبعا اغلبكم عارفين اني من ملاك سيارات بروتون

جن 2 اوتوماتيك موديل 2008

ولكن اسمحولي هكرر بعضا من كلامي ومعلوماتي لافادة الاخوه الاعضاء الجدد

تاريخ شراء السياره كان يوم

20 / 8 / 2008

- اسلوب القياده

سرعات عاليه اغلب الاوقات وعلى طرق سريعه دائما وقليلا داخل المدن

يعني العادي بيبقى 110 كم ولكن الغالب 140 وطالع واحيانا 180 كم في الساعه ولفترات كمان ممكن توصل لساعه او ساعتين على ال 140 وال 160 كم

طبعا الوصول للسرعات دي بيبقى بالكيك داون احيانا ولكن مش كتير
يعني بخلي العربيه تاخد راحتها في السرعات ومش بجبرها تجيب السرعه دي لو اتجاه الهوا مثلا ضدي

وكتير داخل المدن باعمل كيك داون على ار بي ام 6000 مثلا ولكن مش عمال على بطال

المطبات بأه بكون حريص جدااا فيها والبلاعات ولكن طبعا لازم احيانا الواحد بياخدله كام مطب عفويا وبلاعتين كده

-نوع البنزين 92 دااااائما وابدا مابحطش غيره

مره جربت ال 95 ماحسيتش بأي فرق غير في جيبي فقط

-نوع الزيت جربت مره موبيل وان مع اني كنت مجربه مره قبل كده في سيارتي الاولى الافيو ولكن لقيته من اسوأ الزيوت اللي ممكن تستعملها ماكملش 5000 كم وصوت الموتور بأه عالي جدا

ورجعت لشيل الترا
او الاصفر احيانا

بغير الزيت ال 10000 كم كل 7500 كم فقط

والاصفر لما بحطه بغيره على 3000 كم بالكتير

زيت الفتيس ايضا بغيره شل ولكن بغيره كل 30000 كم مش 40000 كم زي المصنع مابيقول

- الصيانات كلها بعملها زي ماقال المصنع في معادها ولكن بعد ال 60000 كم بدأت اعملها في ورشة فيصل بقطع غيار اصليه

زي مثلا فلتر الينزين بجيب الاصلي بتاع النوبيرا

البوجيهات اخر مره جبت الدينسو وكنت بجيب الان جي كيه

التيل جربت كل الانواع واسؤهم الريمسا واحسنهم الي في التوكيل ب 240 جنيه
ولكنه مش توب بردو

الطنابير عندي احيانا بتعمل ريجه خفيفه ولكن بتروح تاني لما بغسل العربيه

-قطع الغيار اللي تغيرتلي في الضمان .

مفتاح مرايه في صيانة 1000 كم لانه كان تقيل شويه

كوبلن يمين وجلدة توازن ( الكوبلن لان الفني وهو بيركب جلدة التوازن اللي كانت جايه ناقصه في العربيه اصلا بوظ الكوبلن ) والكلام ده كان في صيانة ال 10000 كم

رشيت الكبوت بوهيه في صيانة ال 20000 كم عشان كان بيقشر وحده

رمان بلي خلفي والسره بتاعته في صيانة 3000 كم

مساعد امامي يمين في صيانة ال 40000 كم

مواتير فوانيس اماميه في صيانة ال 40000 كم

مفتاح زجاج رباعي في صيانة ال 60000 كم

وشكرا للضمان اللي انتهى مني لحد كده

كان نافعني طبعا

بعد الضمان مشيت على جدول الصيانه لحد يومنا ده زي مابيقول

- حالة السياره الان في تاريخ 20 / 12 / 2010

يعني بعد استعمال سنتين واربع شهور

السياره زي ماهي صدقوني

الحمد لله

اللهم بارك لي فيها واعطني خيرها واكفني شرها ويبعد عنها وعني اي سوء

اتمنى تدعولي

- عموما انا كنت متعمد اني اجرب السياره دي واعتماديتها لاني فعلا اخترتها مع اني كان قدامي اختيارات اغلى واضمن على كلام الناس

معلومات تانيه يمكن تفيد حد

انا مش مأمن على عربيتي

انا اول ماشتريت العربيه ذبحت حاجه لوجه الله ووزعتها

واخيرا انا بحب الجن 2

ولكن كان ينقصها تلافي العيوب اللي فاتت

ويزودولها

فتحة السقف

خامات احلى من الداخل

بوهيه افضل للسياره

فرامل اقوى من دي مع ان دي مش وحشه ويعيبها التيل الموجود حاليا

فوجات اجمل واجمد

مرايات جانبيه رؤيتها افضل

فرش جلد

ولاعة سجاير وطفايه لاني مدخن

قطع غيار اصليه وارخص من كده ومتوفره اكتر من كده

اخيرا

ربنا يباركلكم في عربياتكم ويديكم خيرها ويكفيكم شرها

تحياتي للجميع

**ayman_83** · 21-12-2010 01:51 AM

ربنا يباركلك فيها ويديك خيرها ويكفيك شرها وعلي فكره انا بكره باذن الله هجيب اختها في الرضاعه 2008 برضه وكنت عايز اعرف منك لو ليها عيوب او مميزات عن اللي بعدها حاجات اخد بالي منها يعني اي نصيحه منك ربنا يجازيك خير وانت اكتر واحد هتقدر تفيدني في الموضوع ده فمتبخلش علي الله يكرمك اكتب علي قد ماتقدر واكون شاكر اف شكر
ولو تتمنهالي كمان يبقئ 100 100 انا كنت سايب موضوع اسمه بشوات الجين 2 بص عليه بصه

**ahmad alshaaer** · 21-12-2010 02:28 AM

احب اضيف شوية نصائح كمان

- كاسيت الجن 2 بيفضل السي دي الاصلي ولو مش الاصلي وهتنسخ اسطواه يكون نوعها

برينكو

او جيجا ماكس

لان اي نوع من المشاهير بيقطع وبيعلق في الكاسيت

وانت بتنسخ السي دي كمان خليك على سرعه قليله في النسخ يفضل 24 عشان تتقري بسهوله في كاسيت الجن 2

- ماتخليش العربيه تنقص عن النصف في البنزين لان طرمبة البنزين في الجن 2 حساسه زياده عن اللزوم وده كلام فني من التوكيل

-ماتاحاولش تقرص على العربيه في السرعات لو اتجاه الهواء ضد العربيه لانك بكده بتجهد الموتور وبتخلي كمان العربيه تاكل بنزين اكتر

-احلى زيت للموتور والفتيس شل الترا وغيره بدري ماطولش عليه لان الزيوت دي روح الموتور

-مياه الريداتير بتاع موبيل كويسه اوي
-زيت الفرامل كمان انا بجيبه من موبيل

-قبل ماتوقف العربيه على ال p يجب انك تقف على ال n ومن ثم تدوس فرامل وتفضل دايس وترفع فرامل اليد وتجيب ال p وبعد كده تشيل رجلك من على الفرامل عشان مايبقاش حمل العربيه كله وهي راكنه على التروس ولكن بالحركه دي بيبقى على الفرامل ( بالمناسبه الحركه دي في اي عربيه اوتوماتيك مش في البروتون فقط )

كمان في حاجه تانيه لو هيركب معاك اكتر من حد في العربيه هات العربيه على ال n قبل مايركبوا لنفس السبب لانهم بيحملوا زياده والعربيه بتريح على الترس p بردو

-انا بغير الكاوتش كل 50000 كم وبجيب كومهو وفي مره من المرات غيرت المقاس للاعرض ماحسيتش بثبات زياده
بالعكس العربيه بأت تال بنزين زياده وكمان سعر الكاوتش كان اغلى

فقط شكل العربيه كان احلى

-وانت بتغسل العربيه ماتكونش الطنابير سخنه عشان ماتبوظش منك

- حذاري تغسل الموتور لاي سبب وبأي طريقه

فقط بالهواء

طبعا دي حاجات ممكن يكون اغلبنا عارفها ولكن من باب العلم بالشيء للاعضاء الجدد كمان

تحياتي للجميع

**eng.m7md.ali** · 21-12-2010 02:48 AM

ربنا يباركلك فيها ويكفيك شرها

المشاركة الأصلية كتبت بواسطة tweety26980

-قبل ماتوقف العربيه على ال p يجب انك تقف على ال n ومن ثم تدوس فرامل وتفضل دايس وترفع فرامل اليد وتجيب ال p وبعد كده تشيل رجلك من على الفرامل عشان مايبقاش حمل العربيه كله وهي راكنه على التروس ولكن بالحركه دي بيبقى على الفرامل ( بالمناسبه الحركه دي في اي عربيه اوتوماتيك مش في البروتون فقط )

المهندس سيد الجامد اوي بينفي المعلومة دي وبيقول عادي لو حملت على ال p