الموضوع: صدااااااااااااع جبته لنفسى ساعدونى عاوز اوطى صوت الديفل

المشاركة الأصلية كتبت بواسطة smsm_nabawy

طيب أنت لو شيلت العلبة اللي في النص بس ،، تعرف تدور على علبة تانية أوسع شوية ؟!!

أو ديفيل أقل صوت من ده ممكن حتى تبدله مع الشركة و تدفع فرق التمن ،، هو الأصلي ده أتسيراد مستعمل ولا جديد

و هل الراجل جربهولك الأول و راك صوته ؟!

لاياعم شركه ايه ده جديد يعمل بالميت 600 جنيه واكتر انا واخده مستعمل من صاحبنا هنا فى المنتدى كان مركبه فى عربيته وكان صوته اوطى من كده بس فيه فرق بين عربيته وعربيتى

المشاركة الأصلية كتبت بواسطة funnymickey

اه ده عضو هنا معانا في المنتدي
والصوت كان علي عربيته جولف 1
ما شاء الله جميل

يااما يامسيو الواد مامادو موتوره مفوت عشان كده مكنش الديفل بيعمل صوت اساسا
لان مفيش موتور من اصله
هههههههههههههههههههههههه

مانتا شفت عامل ايه في العربيه

اه وانت حتقوللى ده كان عاجبه العربيه وهى ماشيه من غير جكمان لا و وفعلا كان صوتها حلو من غير جكمان هههههههههه

المشاركة الأصلية كتبت بواسطة nabaster

سيبه طيب اسبوع كمان

انا كنت زيك كده لما اشتريت العربيه كان فيها ديفل

وكنت ناوي اشيله لما ارجع البيت

بس بعدها اتعودت عليه

لدرجة اني لما بركب عربيه تاني بحس بحاجه ناقصه :)

a.yakout

طب تصدق فعلا يا ياقوت انهارده ركبت العربيه حسيت انى ابتديت اخد عليه وحزعل لو وطيت الصوت لكن برضه انا مش مستغنى عن ودنى ده الزنه بتاعته بترج الشارع لما بحرق على الغيار غصب عنى لازم اوطى صوته
لا وحظى كنت معدى من ادام ونش انهارده والظابط كان عمال يبصللى لولا ان الغله كانت حلوه معاه وكان قافش يجى 4 عربيات كان ظبطنى

المشاركة الأصلية كتبت بواسطة محمد فريد

لا يا باشا ازاى تمشى بالديفل فقط
انا فاكر صاحبى قبل ميبيع عربيته ال128 كان عنده ديفل عمولة وكان راكب حتة واحده برضه بدون علب فى النص والصوت كان عالى جدا ولما ركب علبة فى النص ايطالى ب 40 جنيه الصوت كان حلو والصوت بيبان برضه بس مع القرص وده المطلوب والاداء كان زى الفل طبعا وماتور ريجاتا 1300 برضه
بالنسبة للاداء بالديفل هو احساس بس عشان الصوت مغرى وكده - انا كمان حصلت معايا ان ماسورة الشكمان اتكسرت من تحت الفتيس بالظبط بس الحمد لله كنت لسه متحركتش بالعربية ولقيت الصوت ايد ده ازعاااااااااااااج طبعا واضطريت اروح بالعربية والصوت بالمنظر ده وصحيت 3/4 سكان الحتة بتاعتى :)
الف مبرووووووووووك يا كبير أوىىىىى وعقبالى انا كمان :)

الله يبارك فيك يا معلم وعقبال مشوفك عامل توبك زيى كده بتقول انقذونى من الديفل ههههههههههه

يعنى دلوقتى اطمن لو حطيت العلبه الاصلى الى كانت فى النص السحب مش حيقل ولا هى علبه معينه هو ركبها فى النص

اصلى سمعت عن حاجه اسمها فلتر او مصفه تقريبا دى عشان تكتم الصوت بتركب قبل الديفل
الكلام ده صح ولا هجص انا عاوز اخد كل الاراء قبل معمل حاجه تانيه واغير تانى

في حاجه اسمها Silencer بتركب في الديفل بتوطي الصوت ... روح عند Tuning zone اللي قولتلك عليه قبل كده هتلاقيه عنده

المشاركة الأصلية كتبت بواسطة ali.mahmoud

هو الديفل انواعه حسب الصوت يعنى لو عايز اجيب حاجة هادية بس صوت نضيف اجيب ايه ؟

مفيش ديفل حتعرف صوته ايه قبل متركبه كلها بتبقى تخمينات الا لو شوفته فى عربيه زى عربيتك وجبت زييه بالظبط

يعنى انا اهو اخدته من عربيه كان صوته مش عالى فيها وطلع عندى عالى او بالنسبالى انا عالى ممكن بالنسبه لناس بشوهم ماشين فى الشارع الصوت عندهم اعلى من عندى

فاهمنى
ده غير طريقه التركيب حتعمل زى ما انا عملت ولا حتسيب العلبه الى فى النص