المشاركة الأصلية كتبت بواسطة amir
كلام سليم و ان كان معدل تدفق الدوا له علاقه مباشره بالمضاعفات
هو تخصصه مش جراحه, و لما حكي لينا القصه دي كنا لسه طلبه, و فادتنا طبعا اننا نقدر خطوره الموقف و نكون مستعدين ليه
و معاك حق ان المفروض و الواجب الواحد يكون هادي و ماسك اعصابه علشان يقدر يفيد المريض لكن الراجل كان بيجكي عن شعوره الداخلي من الموقف ده
انا عن نفسي اخدت دوره اسعافات اوليه و قضيت فتره تدريب في مستشفي معهد ناصر اتاحت ليا الاحتكاك بجو المستشفي و العمليات و الحوادث و مع انها فتره قصيره الا اني حزين ان الخبره و المعرفه دي اتحرمنا منها في الكليه و كان من المفروض ان تدريب اطباء الاسنان يشمل جوانب خاصه بالتعامل الفعلي مع الحالات اللي من النوع ده
اما بخصوص كيفيه التعامل مع ال anaphylactic shock فالمفروض ان في شقين للموضوع
الاول ادرينالين (و ممكن قبله استخدام ماحوله التنشيط عن طريق الوخذ)
و الشق التاني متعلق بالجزء الخاص بال delayed reaction و اللي بيحصل من 8-12 ساعه بعد ال anaphylactic shock نفسها و للاسف معلومه زي كده علي قدر ما هي بسيطه و سهله الا ان تجاهلها ممكن يؤدي لمضاعفات لا تقل خطوره عن ال immediate presentation of anaphylactic shock itself
و ده بيتاخد ليه steriods & antihistamincs
و ارجو ان النقاش عن الموضوع يكون مبسط علشان بس الاعضاء ميحسوش بالذعر او يتكون عندهم مفاهيم خاطئه
و طبعا ال basic life support و ال a b c واجب ان اي طبيب بيحتك بالمريض يكون علي درايه بيهم
اما وجود اسطوانه اوكسجين في العيادات الخاصه فهو علي اهميته موضوع تاني و ليه تعقيدات خاصه بطبيعه الحال
امراض سيوله الدم و مشاكل الكبد دي نقره و في حالات مرضيه اخري لها مضاعفات لو الدكتور ملم بيها هيقدر يتعامل معاها زي مثلا ال areteriovenous malformations و بعض الامراض اللي بيكون النزيف فيها عموما له درجه عاليه من الخطوره زي paget's disease of bone ( اللي بالمناسبه انا و بعض الزملا شاكين انه كان عند سعاد حسني في الفتره قبل وفاتها و لينا اسبابنا طبعا)
و من الامراض اللي برضو بيكون ليها مضاعفات ناتجه عن جهل المريض بمرضه او عدم وجود علامات داله علي المرض او موجوده و الطبيب المعالج اغفل ملاحظتها مشاكل الغده الدرقيه
و موضوع التهابات اغشيه القلب و المضادات الحيويه طبعا فيه كلام متخصص كتير جدا جدا
و مش حابب ان الكلام يتقال كده لأن ناس كتير بيتولد عندها ذعر بيوصل لمحاكاه المرض و الاعراض نفسها الاصليه لما بيتعرفو عليها
فبلاش نوسع الموضوع زياده عن حد الفايده العامه منه
الفرق في وجود ال vassoconstrictor من عدمه و كل واحد فيهم ليه استخدامات و محاذير