ما اظنش حد كتير ح يهتم بالموضوع .... الناس ح تفضل تعرف اخبار ازمة عصام الحضري
عرض للطباعة
انا زوجتي معاها ليسانس تاريخ .. يعني متخصصة في الموضوع دة ولما سألتها عن موضوع انهيار الاهرامات ردت بكل ثقة ... الهرم ده عمره ما ح يتهد
ولما سألتها عن السبب .. قالت بمنتهي الثقة والبساطة في نفس الوقت .. لأن فيه جواه جن هو اللي بانية وهو اللي ماسكه عشان ما يقعش .. ده زمان النيل كان بيعدي قريب من الهرم ... النيل نشف والهرم لسة موجود .. هما الفراعنة دول كان ليهم في مواضيع الجن والـ بري بري والحاجات دي
وسابتني و انا مذهول وفكي السفلي متدلي .. وراحت تعمل سندوتشات بيض لمحمود وابراهيم
....
....
والله وجهة نظر برضه
ساعتها ممكن تلاقي "احمد سعيد"د الله يرحمه بصوته الجامد يقول هنا القاهرة
وبعد كده تلاقي حد تاني بيقول
صرح مصدر غير مسئول من حكومة الحزب الوطني الحاكم انه في ساعة مبكرة من صباح اليوم قد تعرض الهرم الاكبر الي انهيار مدوي قد سمع صوت هذه الانهيارات اهالي فيصل والهرم و الدقي
هذا وقد سالنا سيادة اللواء "عبدة كله في التمام"
عن مدي احتمالات وقوع حدث ارهابي
فقال سيادته : ان الشواهد الاوليه تقول ان الجماعة المحظورة هي وراء هذا الحادث
وقال : يا جماعة متخفوش الهرم هنبنيه تاني و هيبقا كله في التمام
وقد اتصلنا هاتفيا : بالدكتور زاهي حواس لنساله فيها عن الوضع الخالي
فاجاب سيادته :
الهرمين التنيين حالتهم كويسة جدا جدا بناء علي توجيهات الزعيم
وسوف يتم نقلهم كما نقل تمثال رمسيس برضو بناء علي توجيهات الزعيم -مش عارف كان قيه لزمته - بتكلفة مبدئية 8 مليار جنيه بس بناء علي توجيهات السيد الزعيم اننا ندي الاولوية لمعدومي الدخل من الفراعنة والمساخيد الصغيرين قبل الاهرامات الكبيرة
وبعدين في معلومة تاريخية احب اصححها للناس
الاهرامات تلاتة اي نعممممم
بس الهرمين اللي سلام فعلا بناهم الفراعنة
بس الهرم اللي وقع بناه عثمان احمد عثمان و تيتتتت عشان الرقابة وسلومة وفينك يا كيمو عشان تلحقني بالحلاوة
وبعد يومين نلاقي تغيير وزاري و بالبنط العريض في الجريدة الرسمية - مش عارف مين رسمية دي - اقالة حكومة نظيف
و بنط تاني بيقول اليوم محمد احمد نظيف يحلف اليمين امام سيادة الزعيم : ؟؟؟؟ تييتتت عشان الرقابة
وبعد كره تلاقي بقا الصور في الرموز بدل ما تلات اهرامات و جامع وكنبسة و برج تلاقي هرمين بس و الهرم التالت "تحت الانشاء"
كان معكم محدثكم من بلاد بلح الشام و عنب اليمن وبلاد اللي حب ولا طلشي
حمدي زكي و مش ناوي اكتب سياسية تاني وسلامي الي الحج ابويا و اهلي بشبرا و نعرفكم انا ابنكم حمدي قد دخل السجن واحب اسمع سيت الحبايب يا حنانننا انت و طخ علي .... والسلام ختام
اية رأيكم دام فضلكم ..ان الافتراضات الوهمية دى !!وردودكم الكحلى .. خلونى افكر لكم فى مشروع حلو .. والمنفعة منة اكيدة .. .. مصنع حلاوة طحينية .. يتبع المنتدى ويوزع لكل عضو علبة ..تفضل عندة احتياطى .. لحين كتابة مشاركة ..اذ ربما يحتاجها ! على ماباقى الاعضاء يتفقوا على ميعاد يجيبوا لة العيش ( لأن دة ممكن يتأخر شوية ) !!!!
موضوع الحلاوه ده مش حيمشى
يفضل تشوف صنف تانى
لأن الحلاوه بالفعل بتتقدم
انا قرأت الموضوع ده من اوله ......
اللي شدني له ..... الناس اللي كاتبة الردود
...
شيكو
نهى
حفناوي
سبعاوي
كريم منير
د احمد عبد الغني
حسن خليل
كابتن شوقي
ابيزا
حمدي
تاو تاو
د ميدو
علاء داش
محمد ابراهيم
عيشو
عماد كمال
حميدو
مجدي مينا
هيرو
محمد على
الخولي
وطبعا صاحبة الموضوع علا
والعبد الفقير لله
..
..
الناس دي فين ؟؟؟؟
90 % منهم مش موجود
انا مفتقدهم بشدة
انا مرة فكرت أفتح موضوع عن الناس اللى إختفت
و بعدين قلت بلاش جايز يكون فيه مشاكل من اى نوع و انا هعيد فتح القديم
بس فعلآ فين دكتور شيكو؟؟
و أستاذ حسن خليل؟؟