ماذا لو انهارت الأهرامات؟
قرأت النهاردة خبر على النت مفاده ان وزير الثقافة يطلب قرار سياسي للتدخل في حل مشكلة المياة الجوفية اللي بتهدد الأهرامات و أبو الهول و دار في راسي سؤال: ماذا لو انهارت الأهرامات؟ تعالوا نتخيل سيناريوهات الأحداث و ردود الفعل لو حصلت حاجة زي دي - لا قدر الله طبعا و بالتأكيد بعض منها هاتكون سياريوهات مطرقعة.. يعني هانطلق لخيالنا العنان و نشوف بأه الإبداعات :rolleyes:
و مقدما للي هايسأل عن جدوى او هدف موضوع زي ده هاقول له انه مش حاجة معينة غير البعد عن الكلام في النكد و الكآبات اللي احنا منقوعين فيها ليل نهار في كل حتة نروحها :o
انيهار الاهرامات غير ممكن عمليا
فى الحقيقه انا فكرت فى الموضوع ودرسته جيدا ونظرا لان درست جيولوجيا وهندسه انشائيه اقدر اقول ان الاهرامات من اكثر الابنيه ثباتا فى العالم ومن الصعب للغايه ان تنهار حتى مع وجود منسوب عالى للمياه الجوفيه لانها مكونه من صخور عاليه الصلابه
ولكن المهم اننا فى مصر المحروسه ولله الحمد عندنا خطه استراتيجيه بديله لو حصل لا قدر الله نهيار للاهرامات الا وهى اننا نجيب رمز كبير جدا من رموز مصر قادر على الصمود فى وجه الزمن ويمكن ان يكون عامل جذب للسياح لانه عجيب فى تكوينه ومتفرد ونحطه فوق اطلال الاهرامات وانا متاكد انه بحق حيكون الهرم الرابع لمصر وده لازم يكون مضمون ويكون امضى 25 سنه على الاقل فى خدمه الوطن ويكون تاريخ صلاحيته هو او ذريته ممتد اى اى اقصى وقت ممكن وده طبعا حيكون بالاتنخاب لاننا بلد ديموقراطى وعجبى