استفسار عن كام حاجة عايز اظبط لوجي شوية

**nono533223** · 21-12-2010 10:32 AM

السلام عليكم لو سمحتم كنت عايز اسال عن كام حاجة ان شاء الله اظبط لوجي شوية

اولا : الدلايات هل مهمة ؟ انا شوفتها في الاكسيسوريس بتاعت السانديروا بس مش موجودة مع لوجي فهل المفروض اركبهم؟ و لو كده سعرهم كام و هل اركبهم في التوكيل ولا برة و هل في انواع ؟

ثانيا : الزجاج كنت بفكر اركب ستاير ورا في واحد قالي عليها مخالفة فبفكر اعمل فاميه كل الزجاج الخلفي لان اعتقد هيساعد شوية في السفر بليل و كله ضارب انور العالي غير انه شكله لذيذ بس هل ده عليه مخالفة ؟ و تقريبا سعره كام و افضل مكان في الاسكندرية "شوفت واحد معاه لوجي نبيتي مفيمها كلها و مركي سبويلر !! و شكلها تحفة انا معرفتهاش !! "

ثالثا : في ناس قالتلي على ستيكر بيركب علي الفوانيس و العتب فده تقريبا سعره كام علشان ميضحكش عليا

انا اسف معلش طولت عليكم و اسئلتي كتير منتظر ردكم جزاكم الله خيرا ولو حد عنده اقتراح ياريت يفيدني انا لحد دلوقتي اللي عملته غيرت الفرش بس نويت اهتم بيها اليومين دول

**MOUSTAFA_SAAD** · 21-12-2010 07:45 PM

متابع

**Dr.Karim Emam** · 21-12-2010 09:14 PM

1-الدلايات كويسه جدا و خصوصا في المطر و الطينه اليومين دول
مش عارف سعرهم كام بس ممكن تركبهم بره التوكيل عادي يعني

2-الستاير و الفيميه الاتنين مخالفيـــــــــــــــن

3-الستيكر ده ماعنديش معلومات عنه

**Super_Star_h** · 22-12-2010 05:16 AM

خد بالك مش اي دلايات تركب على اللوجان تحديدآ
انا كنت مركب الدلايات الفيبر الصغيره دى فى الاول
بعد كده اتكسرت قومت شايلها خالص
وجبت دلايات طويله جلد ونضيفه جدآ جدآ
بتركب من ورا وكأنها متفصله عليها بضبط
بس قدام لازم السيخ الحديد اللى تحت العتب وواصل عند الكفر ده
لازم تقطع حته بتاع 2 سم من الدلايه عشان تعملها مجرى وتخش فيه
فاهم قصدى ؟
واي دلايه لازم يتعملها الحوار ده فى اللوجان
وهتبقى القطعه الصغيره دى من تحت عند السيخ ومش هتبان نهائى
طيب عايز بقى تشترى الدلايه ؟
انا مش عارف اوصفهالك بضبط اصلها صينى طبعآ ومالهاش اسم معين
على العموم هى اسمها يونيفرسل
دلايات طويله كده وشبه دلايات الاسكودا الخلفيه بضبط
انا اللى ركبتهم بنفسى فى الكفر اخدو وقت اه بس الحمد لله ركبتهم مضبوط
وطلعو 10 / 10 وكأنهم جايين فابريكه فى العربيه
بص بقى لموضوع الستاره الخلفيه دى عندى ومركبها من زمان
حاليآ المرور بيدقق عليها اوووى اي لجنه هتوقفك والضابط هيلمح الستاره
هيغرمك فلوس يا اما هيقولك شيلها
حصلت معايا بتاع 3 مرات
وتفييم الفوانيس اتمسكت بيه مره والضابط قالى يا تشيله دلوقتى يا هاخد الرخص
قومت شايله طبعآ
يعنى لو عايز تجيب ستاره جبها وشيلها وخليها للسفر فقط
وبلاش تفييم الازاز عشان اللجان شده حيلها اوى اليومين دول بالذات فى مصر كلها
يعنى مش هتلحق تتهنى بيه 24 ساعه وهتتمسك وهتشيلو تانى
الاستيكر اللى على العتب
اي حد بيفيم ازاز قوله عايز اغطى العتب
هيعملهولك لزق اسود او اللون اللى تحبه ويليق ع العربيه
هيعملك ال 4 عتبات من كل باب
ورخيص مش غالى يعنى كبيره 10 ولا 15 جنيه وهيبقى كسبان اضعاف اضعاف كمان لان البتاع ده رخيص

**Super_Star_h** · 22-12-2010 05:18 AM

صحيح انت من اسكندريه يا باشا
انزل على عزبة سعد عن سعيد نصار والجماعه دول
اسأل فى المحلات دى عشان انا جايبها من هناك
هتلاقى عندهم كتير

**tamer61** · 22-12-2010 09:37 AM

المشاركة الأصلية كتبت بواسطة super_star_h

صحيح انت من اسكندريه يا باشا
انزل على عزبة سعد عن سعيد نصار والجماعه دول
اسأل فى المحلات دى عشان انا جايبها من هناك
هتلاقى عندهم كتير

شكرا يا سوبر على موضوع الدلايات .... بس لو في صوره حلوه كده حيبقى تمام.

**hobby10** · 22-12-2010 10:55 AM

المشاركة الأصلية كتبت بواسطة Super_Star_h

صحيح انت من اسكندريه يا باشا
انزل على عزبة سعد عن سعيد نصار والجماعه دول
اسأل فى المحلات دى عشان انا جايبها من هناك
هتلاقى عندهم كتير

شكرا ياسوبر

**nono533223** · 22-12-2010 11:35 AM

المشاركة الأصلية كتبت بواسطة super_star_h

خد بالك مش اي دلايات تركب على اللوجان تحديدآ
انا كنت مركب الدلايات الفيبر الصغيره دى فى الاول
بعد كده اتكسرت قومت شايلها خالص
وجبت دلايات طويله جلد ونضيفه جدآ جدآ
بتركب من ورا وكأنها متفصله عليها بضبط
بس قدام لازم السيخ الحديد اللى تحت العتب وواصل عند الكفر ده
لازم تقطع حته بتاع 2 سم من الدلايه عشان تعملها مجرى وتخش فيه
فاهم قصدى ؟
واي دلايه لازم يتعملها الحوار ده فى اللوجان
وهتبقى القطعه الصغيره دى من تحت عند السيخ ومش هتبان نهائى
طيب عايز بقى تشترى الدلايه ؟
انا مش عارف اوصفهالك بضبط اصلها صينى طبعآ ومالهاش اسم معين
على العموم هى اسمها يونيفرسل
دلايات طويله كده وشبه دلايات الاسكودا الخلفيه بضبط
انا اللى ركبتهم بنفسى فى الكفر اخدو وقت اه بس الحمد لله ركبتهم مضبوط
وطلعو 10 / 10 وكأنهم جايين فابريكه فى العربيه
بص بقى لموضوع الستاره الخلفيه دى عندى ومركبها من زمان
حاليآ المرور بيدقق عليها اوووى اي لجنه هتوقفك والضابط هيلمح الستاره
هيغرمك فلوس يا اما هيقولك شيلها
حصلت معايا بتاع 3 مرات
وتفييم الفوانيس اتمسكت بيه مره والضابط قالى يا تشيله دلوقتى يا هاخد الرخص
قومت شايله طبعآ
يعنى لو عايز تجيب ستاره جبها وشيلها وخليها للسفر فقط
وبلاش تفييم الازاز عشان اللجان شده حيلها اوى اليومين دول بالذات فى مصر كلها
يعنى مش هتلحق تتهنى بيه 24 ساعه وهتتمسك وهتشيلو تانى
الاستيكر اللى على العتب
اي حد بيفيم ازاز قوله عايز اغطى العتب
هيعملهولك لزق اسود او اللون اللى تحبه ويليق ع العربيه
هيعملك ال 4 عتبات من كل باب
ورخيص مش غالى يعنى كبيره 10 ولا 15 جنيه وهيبقى كسبان اضعاف اضعاف كمان لان البتاع ده رخيص

المشاركة الأصلية كتبت بواسطة super_star_h

صحيح انت من اسكندريه يا باشا
انزل على عزبة سعد عن سعيد نصار والجماعه دول
اسأل فى المحلات دى عشان انا جايبها من هناك
هتلاقى عندهم كتير

بجد الفففف شكرا علي الرد الوافي !! مش عارف اقولك ايه يا باشا ما شاء الله حضرتك فصصت كل نقطة حتي طريقة تركيب الدلايات والنوع و المكان !! الف شكر ان شاء الله هروح سعيد نصار و اجيبه الدلايات و الستاير وستيكر العتب :) و بلاش فاميه مع ان كان نفسي متشكر جدا ان حضرتك قولتلي لاني اكتر حاجة بكرها انه حد يرزل عليا تبع الحكومة ديه و يبقي له حاجة عندي بس اللي نفسي اعرف اللي مفيم اللوجان النبيتي ده كلها ازاي!!

**Super_Star_h** · 22-12-2010 06:17 PM

هجيب صور للعربيه بكره ان شاء الله وهنزلها هنا عشان تشوفها
يا باشا لا شكر على واجب احنا كلنا بنساعد بعضنا باللى نقدر عليه
بص حكايه اللوجان اللى شوفتها مفيمه قبل كده دى
وانا مره برضو شوفت لوجان متفيمه كانت بتغسل معايا فى البنزينه
دول يا حاجه من الاتنين
يا مش فاهمين حاجه ومش عارفين انه هيبقى وجع دماغ عليهم كل شويه
يا اما الناس دى واصله
اللى تلاقى قريبه وكيل نيابه ولا جوز مش عارف مين فى المرور
لهم دهر يعنى
وهكذا كل حال البلد
المهم انت كبر دماغك من الفاميه صدقنى هتتعب هتتعب هتتعب اوى مع اللجان والمرور كل شويه
وانت كمان اسكندرانى زي حالاتى
خد عندك كل شويه لجنه تقابلها وانت وماشى
كبرى المندره ده اساسى ساعات عند الملف اللى على البحر يا اما قبل الكبرى يا بعد الكبرى
خد عندك لجنه فى المعموره
خد عندك لجنه تقريبآ شبه ثابته فى بحرى عند الدوران فى مدخل القلعه
خد عندك على البحر سان استيفانو وقصاد شارع الاقبال
وخد عندك لجنه فى شارع سوريا
وخد عندك قصاد جرين بلازا
وعندك الصينيه بتاعه سموحه
والطريق السريع وانت ونازل على كوبرى العوايد
وكتير جدآ داخل البلد مش هقدر اتذكر اللجان دى كلها
وعندك طبعآ الطريق الصحراوى
ردارات على لجان على مباحث مرور على كله
وانت وراجع بقى من القاهره ووصلت بوابه اسكندريه بالسلامه
بعد ما تعدى البوابه مباشرتآ لجنه هناك شبه ثابته
يا راجل والله لو هقعد اقولك اماكن اللجان اللى بقابلها مش هخلص النهارده
واحد صحبى والله معاه نوبيرا
وركب دماغه وقالى هفيم هفيم
مع ان بن عمه ضابط مرور
من كتر ما بيقابل لجان ويستنجد بيه كل شويه قاله انا ماليش دعوه بيك بعد كده
قام شايل التفييم تانى ورجله فوق رقبته

**saidbakr** · 22-12-2010 09:44 PM

المشاركة الأصلية كتبت بواسطة super_star_h

صحيح انت من اسكندريه يا باشا
انزل على عزبة سعد عن سعيد نصار والجماعه دول
اسأل فى المحلات دى عشان انا جايبها من هناك
هتلاقى عندهم كتير

يا سلام لو تعرف تتحفنا بصورة للدلايات الموجودة على العجل الورا و القدام، تبقى عملت خير.

الموضوع: استفسار عن كام حاجة عايز اظبط لوجي شوية

LinkBack

أدوات الموضوع

عرض

استفسار عن كام حاجة عايز اظبط لوجي شوية - انشر الموضوع فى :

-

-

-

-

-

-

-

-

المواضيع المتشابهه

انا عايز اجيب لوجي وخايف

استفسار عن دواسة الفرامل لوجي

امكانية تركيب انذار و كاميرا للوجان ؟ و استفسار عن تسارع لوجي

عايز شترى حاجة تكييف و بوور فى حدود 40 و ممكن أكتر شوية لو العربية تستاهل(الحالة)

عايز اظبط عربتي لانسر2007خليجي عايز افكركم معايا

الكلمات الدلالية لهذا الموضوع

المفضلات

المفضلات

ضوابط المشاركة