هل الزيرو باور بيفرق في الصوت

**al_manara** · 21-12-2010 06:51 PM

السلام عليكم
هو الزيرو باور بيفرق في الصوت .انا عارف انة مش بيتصنع دلوقتي لان الكاسيت بيغني عنة . هل دة صح
مع وجود الكاسيت دلوقتي فية اكواليزر وتحكم للصب
كمان انا مالقيتش في المواقع الاجنبية حاجة اسمها زيرو باور هما بيسموة اكواليزر

السوال التاني
ما هو الكروس اوفر . وهل بيتباع جديد ؟ زي دة مثلا
http://www.clarion.com/us/en/product...804245538.html
ارجوا تصحيح معلوماتي

**Salamonti** · 22-12-2010 02:24 AM

الزيرو باور يستخدم لضبط نغمات وطبقات الصوت
مثلا تعلي الطبلة - توطي صوت المغني - ترفع صوت الرق والصاجات وهكذا
كل صوت أو كل نغمة أو كل طبقة اسمها باند
فيه زيرو باور 3 باند أو خمسة باند أو سبعو أو تسعة أو أكتر حاجة 11 باند
لحد فترة قريبة كانت كل التحكمات اللي في الكاسيتات عبارة عن 2 باند فقط
بيز و تريبل
طب احنا عاوزين نتحكم في باقي الباندات نعمل إيه ؟؟ هنا بقا ييجي دور الزيرو باور

بعد شوية اتطورت الكاسيتات وبقا فيها 3 باند
بيز وميد وتريبل (برضه مازالت الحاجة للزيرو باور موجودة للتحكم في نطاق أوسع من طبقات الصوت)
كل واحد وذوقه بقا والناس السميعة بيكون ليها متطلبات خاصة في نقاء الصوت اللي خارج

حاليا وخلال السنة اللي فاتت ابتدت تنزل موديلات جديدة من الأجهزة فيها تحكمات لسبعة باند
وده أعتقد كافي جدا لإرضاء أصحاب الذوق العالي في الصوتيات

الميزة التانية للزيرو باور هي إمكانية توصيل الصب ووفر عليه مع تحكم منفصل وكروس أوفر مختص بيه
ودي برضه مكانتش موجودة في الكاسيتات القديمة وابتدت تنزل في بعض الموديلات خلال السنتين اللي فاتوا

باختصار.. مع الوقت الناس اللي بتشتري كاسيتات جديدة ابتدت تستغنى عن الزيرو باور لأن الكاسيت أصبح يشمل هذه المميزات داخلياً ومفيش احتياج لجهاز خارجي إضافي يقوم بيها.

وحاليا تلاقي الزيرو باور متداول بين الناس اللي عندها كاسيتات موديلات قديمة أو الفابريقة الأصلي بتاع العربيات الزيرو فقط لا غير
انما أصحاب الموديلات الحديثة هم في غنى تام عن الزيرو باور لأن إمكانياته موجوده عندهم بالفعل..

الفكرة بالظبط زي الأكولايزر بتاع زمان..
كنا نشتري كاسيت سوني أو بايونيير ولازم جنبه الأكولايزر عشان يعلي الصوت ويعمل دوشة..
النهاردة أي كاسيت ماركة بتشتريه بقا بيطلع باور أعلى من اللي بيطلعه أي أكولايزر
يبقا هاتركب أولايزر ليه ؟

**beetleMOSH** · 22-12-2010 02:31 AM

الزيرو باور طبعا بيفرق فى الصوت
بس ك تنغيم فى الصوت
انما مش بيدى اى باور خالص
حتى باين من اسمه
و فعلا هو فى المواقع الاجنبيه اسمه ايكولايزر
و كان فعلا مفيش زمان التحكمات بتاعت دلوقتى فى الكاسيتات
و كان برضه بيتركب على سبيل تنغيم الصوت

اما الكروس اوفر ده ف كل شغلتع انه يقسم الترددات
يعنى الصب يديله بييز ( ترددات واطيه او منخفضه )
و التويتر يديله تربلات ( ترددات عاليه )

و هو بيجى مع بعض انواع و موديلات من السماعات

انما اللى بيتباع لوحده ده معتقدش انك ممكن تلاقيه هنا فى مصر