توكيل القطامية وصيانة من وراء الخيال - عتريس :)

صباح الفل علي رجالة الكيا

تقريري اليوم عن صيانة كيا سيراتو في فرع القطامية لاول مرة بعد تجربة ابو رواش وروكسي ومارينا :))))

انا حكون حيادي جدا لاني فعلا مش حقول غير اللي شوفته وتابعتة بنفسي دقيقة بدقيقة

اولا الحجز عن طريق الوكيل لاني وكيل - الميعاد 2 ظهرا ودة مناسب ليا جدا جدا

- وصلت المركز وعلي الاستقبال مخدتش اكتر من 3 دقايق والعربية كانت في الورشة - ( ربنا يباركلنا في التوصية الخيالية والاهتمام التحفة في الاستقبال والشغل اللي اتعمل ( طبعا انتو عارفين مين ) - ههههههههه ربنا يخليلنا ال Support

- اول ما دخلت قالولي تحب تتفرج علي الصيانة وتتابع قولتهم اه طبعا ( عشان اول مرة اروحلهم ) - نزلت الورشة :)))))
- طبعا كان عندي بعض المشاكل الاساسية وحقولكم عليها بعدي وتم ذكرها في ملاحظات الشغل

- مشاكلي كانت كالاتي :

ريحة حرق العربية دايما نيئ ووحش جدا
سحب العربية قل عن الاول بشكل ملحوظ
تربيط العفشة :( كالعادة مع ال 17
وحبة الحاجات العدية زي الهاند بريك

- المركز من تحت نظيف جدا جدا والعمال شكلها نظيف والاجهزة نظيفة ومترتبة - الشغل في هدوء وكل واحد شغال في حاجتة ومركز -- الجو العام 100% بجد

- مهندسين الاستقبال والمتابعة مقولكمش - ناس تحب يكونوا اصحابك بجد - علماً وخلقاً - منهم اتنين مهندسين عاملين ماستر تخيلوا :) ناس بتتكلم معاك وبتسمعك وعمرك ما تسمع كلمة لا دة طبيعي او بيتهيالك ( المشهورة ) لا تهيؤات مع الفرع دة - ههههه

- لو اديت تقيم للفرع عامه حديلوا 90% وبالتوصية 130% :)
- نيجي بقي للشغل اللي اتعمل :

1- تربيط العفشة ممتاز وطلعنا جربنا - العربية اختلفت تماما - 95%
2- مراجعة السوائل 100% ما سابوش حاجة الا وفكوها وبصوا عليها
3 - المشكلة اللي كانت عندي ان العربية ريحة الحرق بتاعها وحش جدا وسحبها بقي وحش وكنت متخيل انه شيئ طبيعي في السيراتو بس طلع مش صحيح خالص واليكم التفاصيل

العربية اتحطت علي الكومبيوتر للفحص - ايه التكنولوجيا دي :)))))))) - راجعنا انا والمهندس قرايه كل حساس ومؤشر في العربية ومقارنتها بالاستاندرد - والله بند بند - من نسب اوكسجين ومعدلات حرق ونسبة بخ كل بستم انجكشن - والايديال - مع التحميل وبدونه ونسب خروج الاكسجين مع العادم والكربون وبنود تانية كتير مش فاكرها من كترها - والمهندس احمد عمال يكتب في الورقة اللي معاه - كل نسبة ورقم - لحد ما زهقت - ههههه

خد الارقام دي وقعد يقارن ويقولي متقلقش وراح جاب عربية تانية وقعد يقرا فياها ويقارن الارقام وكانت فارقة عند عندي 0.1% بالكتير عن التانية وعن المطلوب الصح

وبدا الشغل - فك الفلاتر وبص اول حاجة انا صعقت - الفلاتر اكنها متفكش قبل كدة - يانهار مش فايت ؟؟؟؟؟ مش مصدق - مش ممكن دة يكون فلتر عربية ابدا ماشية 5000 كم ؟؟؟؟؟؟- وجي كانت اول نقطة - طيب والصيانات اللي فاتت ؟؟؟؟؟

فك البوجيهات - وكانت المفاجئة التانية - البوجيهات مكربنة ولا كاني ماشي 100 الف بيها - طالعة سوداءءءءءءءءء
المهندس قالي انت بتجط بنزين كام - انا تنحت - انا بحط 95 لحد من 6 شهور وبعدين دلوقتي 92 - قالي طيب حطيت بنزين وحش منين - قولتلو مش فاكر :(

قالي عموما البنزين الوحش ممكن يكربن البوجيهات بسرعة اكبر بس مش كدة !!!!- ولفت نظري لحادجة مهمو جدا - موضوع الاوكتين - قالي دة بيبهدل العربية - رجاءا يا جماعم محدش يحطوا ( اصل انا لو ملقتش 95 بحط 92 ومعاة اوكتين ) قالي دة ممكن يكون سبب مهم برضوا

المهم ظبطوا الكلام دة كلوا وقرينا تاني مفيش تغير ملحوظ بس ريحة الحرق راحت تماما - يعني العربية فعلا ماكانتش بتحرق البنزين كلة بسبب الفلتر المسدود والبوجيهات

طلعنا جربنا - المهندس فحت العربية - وانا بصراحة مبصوط - هههههه عربيتي بتعمل الحاجات دي ؟؟؟؟

وصلنا ل 180 والطريق خلص :( - طيب يا عم هات ال 220 وفرحني - ههههههههه قالي لا لسة :)

المهم وصل العربية علي الكوبيتر تاني وبدا السحر - ههههههههههههههههههه ( ومش حقول عمل اية )

المهم بعد ما خلص قالي ندرب العربية بقي علي السواقة ( التفتيح يعني )

العربية فيها Self Adapt System لوحدة الكومبيوتر المحرك والفتيس ودي حاجة تحفة - طبعا ماكانش في وقت نطلع نجرب تاني لكن المهندس قالي الترتيب لتمرين السيارة علي سواقة رياضية ازاي ( ما تاخدش اكتر من 15 دقيقة ومواظبة علي الموضوع بتاع اسبوع لو امكن - هههههه ( ومش حقول برضوا )


العربية فاقت بغباوة - ربنا يحرسها يا رببببببببببببببببببب

عموما المركز اديلو 99% للطاقم والمهندسين
85 % لحجم المكان
85 % للنظافة والنظام
85% للسرعة
95 % للاتقان والخدمة والعمل علي حل المشكلات وسماع العميل
20% للغسيل - هههههههههه ( بس معاهم عذرهم لانهم مش كار كير يعني ) وبعدين كدة كدة حتاخدها تغسلها يعني هما غسلوا الوتور تحفة بجد بس بعد ما غسلو العربية والصالون مفيش تنشيف وطبعا كل حاجة ملطشة - هههههههههه

التوصية ربنا يبارك فيها - 130% - بجد التوصية بانية وفي الاخر مشيت من غير ما ادفع 1 جنية تيبس حتي والله ما دفعت جنية

اللي لاحظتوا هناك ودة بجد يا ريت يبقي في كل حتة - ان مفيش كروته واقلب والاحلي ان الناس هناك بتتناقش وتراجع مع الباقيين ومع المديرين وجو تحفة بين الناس -


مشيت وانا سعيد جدا - وملحقتش اجرب ولا افتح العربية زي ما المهندس قالي عشان كنت محتاج ااااااااااااااااااااااااك ل :)



وانا تحت امركم في اي استفسارات


شكرا بجد للاهتمام بملاك كيا في توكيل كيا - وال Support ههههههههه

مبروك الصيانة ...

والحمد لله طلع حظك حلو

والف شكر للسبورت العالى :-)

انما حكاية مش هقول دى مش عجبانى ...هنا مافيش اسرار

اقتباس:

---

المشاركة الأصلية كتبت بواسطة ahmed_su

مبروك الصيانة ...

والحمد لله طلع حظك حلو

والف شكر للسبورت العالى :-)

انما حكاية مش هقول دى مش عجبانى ...هنا مافيش اسرار

---

هههههههههههههه - لا والله بس عايز اتاكد من فاعليتها الاول - انا شوفت الجزء الاول منها واللي هيا التظبيط - بس عايز اشوف بقي الفعل - يعني حفرمها الاول زل ما بعمل واشوف لو في فرق فعلا ولا لاء - بعدين لازم الاحظ استهلاك البنزين كمان عشان قاللي احتمال يزيد شوية لحد ما العربية تتمرن :))))

السلام عليكم
ازيك يا حاج عتريس
و الف مبروك علي الصيانة
و ان شاء الله عقبال صيانة المليون كم
بس لي عتاب اوي عليك مع ان معروف عنك انك مقاتل كبير و لا يهمك اي احد طالما في الحق
العتاب اننا يجب ان نعطي لكل ذي حق حقه
و السبورت اللي انتا شكرته علي موقفه هنا بدون التنويه عن اسمه و كأنه شئ يجب ان نخفيه
و لكي لا اكون مشارك في الاخفاء فأتوقع ان اول حرف من السبورت اللي دائما في ظهر اعضاء كثيرين من قسم كيا في توكيل (( القطامية )) هو الاخت الفاضلة (( lolly 136 )) الحاضرة الغائبه
و لو هي فعلا فلها كل الشكر و انا رجل محايد معايا تريوس للي لا يعرف يعني مش كياوي حتي لا يفهم احد اي شئ غلط
لك مني الف تحية و لو مش هيا هيا يبقي مين يا تري ؟؟؟؟؟؟؟

م.حاتم السباعي

مبروووووووك يا عتريس وعقبال صيانة ال500000 :d قول ياررب
واضح فعلا ان موضوع البنزين دة ماشى مع ناس كتير ومنهم انا الله يخرب بيوتهم بوظولنا عربياتنا
وبتحس فعلا انك مخنوق من العربية و مش طايقها وبلذات لما تكسفك فى شدة كدة مع حد على الطريق(ياريس يا ناس ال1300) انا مش هنسى الموقف دة

المهم لازم تقولنا على السر بدل ما احنا بنسوق غلط وممكن نخرب العربية فا الاحسن تقولنا وخطوة خطوة :)

الف مبروووووك يا عتريس باشا

مبروك يباشا بس بصراحه وانا بقرا تقريرك معجبنش حتت مش هقول ديه ملهاش لازمه خالص احكى عادى ونتناقش

مبروك يا معلم عتريس وقولنا بقى التفصيل اللى انت مخبيها دى :)

اقتباس:

---

المشاركة الأصلية كتبت بواسطة waleedelpiloot

مبروووووووك يا عتريس وعقبال صيانة ال500000 :d قول ياررب
واضح فعلا ان موضوع البنزين دة ماشى مع ناس كتير ومنهم انا الله يخرب بيوتهم بوظولنا عربياتنا
وبتحس فعلا انك مخنوق من العربية و مش طايقها وبلذات لما تكسفك فى شدة كدة مع حد على الطريق(ياريس يا ناس ال1300) انا مش هنسى الموقف دة

المهم لازم تقولنا على السر بدل ما احنا بنسوق غلط وممكن نخرب العربية فا الاحسن تقولنا وخطوة خطوة :)

---

على فكرة انت العربية كدا عندك فيها مشكلة وحاول تروح تكشف عليها قريب

الف مبروك على الصيانة

وشكرا على التقرير الوافي دا وربنا يباركلك في العربية ان شاء الله

و قوللي هوا السبورت دا للسيراتو فقط ولا ايييييييه ؟؟؟

ازيك يا عتريس ويارب تكون بخير

الحمد لله انك طلعت مبسوط من الصيانة ويارب دايما كده .

مركز القطامية يعتبر مختلف شويه عن مركز ابو رواش لان ادراته مش تبع التوكيل

علشان كده تلاقى الناس فيه يهمهم جدا سمعه المكان ودى حاجه كويسه جدا

انما ابورواش من كتر الضغط اللى عليه عيوبه ظهرت

واى حد بيخدم الاعضاء يبقى شخصيه محترمة سواء موجود معانا فى المنتدى ام لا .

يا جماعة فى ميكانيكى كويس رحتله الجمعه اللى فاتت عملى صيانة العربيه احسن ما بتتعمل فى التوكيل وبسعر قليل جدا
انا غيرت (طقم السيور والكاتينه وبلى الكاتينه والفلاتر والبوجيهات وتيل الفرامل وربط العفشه) فى التوكيل كانوا هياخدوا 1700 انا كلفونى 830 قطع الغيار الاصليه من التوكيل والراجل خد 100 جنيه وبس

وبيعمل الشغل بنضافه ودقة واحسن من التوكيل وعلى الاقل قدام عينك

وعلى فكره هو شغال فى ابو الفتوح اسبيرانزا وكان شغال فى ابو غالى دايو وهيونداى وكان شغال فى فولكس واجن وبيفتح الورشه بتاعته جديد وبيشترى زباين

وهو فنى موتورست ومتخصص فى الفتايس الأتوماتيك

اللى عاوز يرحله فى اى حاجه يكلمه

اسمه محمود
0103321692
0116958676

اقتباس:

---

المشاركة الأصلية كتبت بواسطة abouleila

ازيك يا عتريس ويارب تكون بخير

الحمد لله انك طلعت مبسوط من الصيانة ويارب دايما كده .

مركز القطامية يعتبر مختلف شويه عن مركز ابو رواش لان ادراته مش تبع التوكيل

علشان كده تلاقى الناس فيه يهمهم جدا سمعه المكان ودى حاجه كويسه جدا

انما ابورواش من كتر الضغط اللى عليه عيوبه ظهرت

واى حد بيخدم الاعضاء يبقى شخصيه محترمة سواء موجود معانا فى المنتدى ام لا .

---

مركز القطامية ( محمد زكى )
ادارته هو وروكسى وابو رواش والعامرية وسموحة ادارة المصرية العالمية للتجارة والتوكيلات
بس الفرق ان الشركة لا تملك القطامية بس هى اللى بتدير والموظفين اللى هناك كلهم موظفين eit

اقتباس:

---

المشاركة الأصلية كتبت بواسطة shawkat2005

يا جماعة فى ميكانيكى كويس رحتله الجمعه اللى فاتت عملى صيانة العربيه احسن ما بتتعمل فى التوكيل وبسعر قليل جدا
انا غيرت (طقم السيور والكاتينه وبلى الكاتينه والفلاتر والبوجيهات وتيل الفرامل وربط العفشه) فى التوكيل كانوا هياخدوا 1700 انا كلفونى 830 قطع الغيار الاصليه من التوكيل والراجل خد 100 جنيه وبس

وبيعمل الشغل بنضافه ودقة واحسن من التوكيل وعلى الاقل قدام عينك

وعلى فكره هو شغال فى ابو الفتوح اسبيرانزا وكان شغال فى ابو غالى دايو وهيونداى وكان شغال فى فولكس واجن وبيفتح الورشه بتاعته جديد وبيشترى زباين

وهو فنى موتورست ومتخصص فى الفتايس الأتوماتيك

اللى عاوز يرحله فى اى حاجه يكلمه

اسمه محمود
0103321692
0116958676

---

مكانه فين؟

هي العربية ليها صيانة في الــ 5000 ؟

اقتباس:

---

المشاركة الأصلية كتبت بواسطة yasserelsayad

مبروك يا معلم عتريس وقولنا بقى التفصيل اللى انت مخبيها دى :)



على فكرة انت العربية كدا عندك فيها مشكلة وحاول تروح تكشف عليها قريب

---

تفتكر يكون اية السبب؟؟
انا الكلام دة حصلى بعد ما مونت من البنزينة الى جنب جاردنيا فى المقابلة الى انتا مجتهاش:d اعديت بعدها على الخنقة دى لحد ما البنزين الى كنت حطة خلص وبدات تفوق شوية الايام دى

اقتباس:

---

المشاركة الأصلية كتبت بواسطة kdosoki

مركز القطامية ( محمد زكى )
ادارته هو وروكسى وابو رواش والعامرية وسموحة ادارة المصرية العالمية للتجارة والتوكيلات
بس الفرق ان الشركة لا تملك القطامية بس هى اللى بتدير والموظفين اللى هناك كلهم موظفين eit

---

القطامية بيبتع سياسة التوكيل فقط دى معلوماتى

لو حضرتك عندك معلومات موثوق منها صححلى المعلومة .

اقتباس:

---

المشاركة الأصلية كتبت بواسطة waleedelpiloot

تفتكر يكون اية السبب؟؟
انا الكلام دة حصلى بعد ما مونت من البنزينة الى جنب جاردنيا فى المقابلة الى انتا مجتهاش:d اعديت بعدها على الخنقة دى لحد ما البنزين الى كنت حطة خلص وبدات تفوق شوية الايام دى

---

افترى بقى على البنزينة ما انا قدام عنيك حطييت 90 على 92 والعربية محصلش فيها حاجه

ثم البنزين هيفضل موجود من وقت المقابلة لحد دلوقتى .

( فاكر غبى منه فيه :8954[1]: )

اقتباس:

---

المشاركة الأصلية كتبت بواسطة abouleila

القطامية بيبتع سياسة التوكيل فقط دى معلوماتى

لو حضرتك عندك معلومات موثوق منها صححلى المعلومة .

---

المعلومات مؤكدة اكيدة تأكيدا
:colsmil:

يا صباح الفل علي الرجالة - وحشتوني والله :)))


انا لسة مش عارف اعمل اقتباس متععد عشان ارد علي كل واحد فا اعذروني :(


العربية ما شاء الله فرقت مووووت عن الاول ودة انا حاسة في التكيف اولا والسحب ثانيا - موضوع البنزين دة بجد بيفرق وخللو بالكم جدا لان فعلا العربية حساسة جدا لجودة البنزين ونظافتة والتاثير تركمي - يعني ممكن تمون مرة وتحس العربية مخنوقة وبعد ما تغير المحطة تفوق شوية بس الضرر علي البوجيهات بيكون مستمر وتفضل تكربن بصورة زبالة - وبلااااااااااااااش الاوكتين لانة ضد تصميم المحرك وممكن يخرجها من الضمان


البنزين 95 افضل اختيار لكنة مكلف وبيطير بسرعة - فممكن تحطه مرة كل 3 مرات 92 لتفادي الكربون العالي


انا بكرر المعلومة العربية فيها Self Adapt يعني حتفضل تعادل نسب الحرق ونسب الاوكسجين مع نوع البنزين - وبالاضافة لانها بتتمرن علي طريقة السواقة ودة بيتسجل في (الس بي يو) للموتور والفتيس


بالنسبة بقي للمعلومات المستخبية انا مستني اجربها لمدة يومين تلاتة لحد ما اتاكد من فاعليتها - انا غيرت طريقة السواقة عن العادي بتاعي لاسلوب مجنون شوية - وحشوف هل العربية بتستجيب اسرع من الاول ولا لاء


بجد انا اتعمل معايا واجب تحفة - رغم اني مكنتش مستني اي زيادة عن الصيانة العادية - بس الاهتمام والتفاهم وان الناس بتسمعلك من غير ما يقولك ده طبيعي ( العادي يعني ) شيئ كنت اول مرة اشوفة في كيا

شكرا بجد ليكم كلكم وشكرا لاخلاق الناس هناك وتعاونهم واهتمامهم لمجرد اننا اصحاب هنا :)

اقتباس:

---

المشاركة الأصلية كتبت بواسطة kdosoki

المعلومات مؤكدة اكيدة تأكيدا
:colsmil:

---

كلام سليم تماما
المكان متأجر من محمد زكى لكن الاداره و المهندسين و النظام كله من eit

اقتباس:

---

المشاركة الأصلية كتبت بواسطة abouleila

افترى بقى على البنزينة ما انا قدام عنيك حطييت 90 على 92 والعربية محصلش فيها حاجه

ثم البنزين هيفضل موجود من وقت المقابلة لحد دلوقتى .

( فاكر غبى منه فيه :8954[1]: )

---

لا يا ابو ليلى طبعا مش لحد دلوقتى الكلام دة لحد اسبوع بعد المقابلة
بس لحد دلوقتى بردوا مش مظبوطة اوى ان شاء الله اشوف موضوع دة فى صيانة :36_1_40[1]:ال15000 فاضلى 2000 عليها

اقتباس:

---

المشاركة الأصلية كتبت بواسطة waleedelpiloot

لا يا ابو ليلى طبعا مش لحد دلوقتى الكلام دة لحد اسبوع بعد المقابلة
بس لحد دلوقتى بردوا مش مظبوطة اوى ان شاء الله اشوف موضوع دة فى صيانة :36_1_40[1]:ال15000 فاضلى 2000 عليها

---

جرب ياوليد نضف فلتر الهوا وفيه سبراى بتيباع كده بينضف فلاتر الهوا من التراب وكده هتلاقى العربيه فاقت اووووووى وانا بعمل كده كل 15 يوم اديها بخه بالبلاور

مبروك يا عتريس على الصيانه
ومستنين السر الخطير :)

مبروك يا أبو عتريس على الصيانة، وفى انتظار سر الخلطة. :b4_048:

مبروك يا عتريس على الصيانه و الحمد لله مخابش ظننا . الحمد لله

وانا بشكر نهله انها حتى وهيه بره المنتدى بتخدم اعضاء المنتدى وده بيدل انها انسانه محترمه

ربنا يبارك لها ويبارك فيها

وانا بشكر اي حد بيخدم بجد اعضاء نايل موتورز اي من كان

ومنظرين السر الخطير يا عتريس علشان نعمل زيك

والف مبروك يا عتريس مره تانيه

اقتباس:

---

المشاركة الأصلية كتبت بواسطة kdosoki

المعلومات مؤكدة اكيدة تأكيدا
:colsmil:

---

اقتباس:

---

المشاركة الأصلية كتبت بواسطة kdosoki

مركز القطامية ( محمد زكى )
ادارته هو وروكسى وابو رواش والعامرية وسموحة ادارة المصرية العالمية للتجارة والتوكيلات
بس الفرق ان الشركة لا تملك القطامية بس هى اللى بتدير والموظفين اللى هناك كلهم موظفين eit

---

اقتباس:

---

المشاركة الأصلية كتبت بواسطة mohamed_selim

كلام سليم تماما
المكان متأجر من محمد زكى لكن الاداره و المهندسين و النظام كله من eit

---

فعلا الخبر صحيح يا ابو ليلى لمكان متأجر من محمد زكى لكن الاداره و المهندسين و النظام كله من eit

اقتباس:

---

المشاركة الأصلية كتبت بواسطة yasso0101

فعلا الخبر صحيح يا ابو ليلى لمكان متأجر من محمد زكى لكن الاداره و المهندسين و النظام كله من eit

---

ان كان كده مااااااشى

والمعلومة اتصححت

الف مبروك .. تقرير مميز ومشجع

اقتباس:

---

المشاركة الأصلية كتبت بواسطة shawkat2005

يا جماعة فى ميكانيكى كويس رحتله الجمعه اللى فاتت عملى صيانة العربيه احسن ما بتتعمل فى التوكيل وبسعر قليل جدا

---

اقتباس:

---

المشاركة الأصلية كتبت بواسطة shawkat2005

انا غيرت (طقم السيور والكاتينه وبلى الكاتينه والفلاتر والبوجيهات وتيل الفرامل وربط العفشه) فى التوكيل كانوا هياخدوا 1700 انا كلفونى 830 قطع الغيار الاصليه من التوكيل والراجل خد 100 جنيه وبس

وبيعمل الشغل بنضافه ودقة واحسن من التوكيل وعلى الاقل قدام عينك

وعلى فكره هو شغال فى ابو الفتوح اسبيرانزا وكان شغال فى ابو غالى دايو وهيونداى وكان شغال فى فولكس واجن وبيفتح الورشه بتاعته جديد وبيشترى زباين

وهو فنى موتورست ومتخصص فى الفتايس الأتوماتيك

اللى عاوز يرحله فى اى حاجه يكلمه

اسمه محمود
0103321692
0116958676

---

ياسيدي خنقتنا بمحمود بتاعك ده ... وشكلك انت محمود وماشي تحط المشاركة في أي موضوع حد عمل صيانة
أرحمونا بقى من الذكاء الفظيع ده

مبروك يا باشا علي الصيانه والحمد لله انك طلعت راضي عن الصيانه والتوكيل
وكمان الاخت نهله بصراحه ماتتوصاش وبتعمل الواجب وزياده ربنا يجزاها كل خير

عتريش باشا انتا مهاجر ولا ايييية ولا العربية الsport mode فيها عجبك ونسيتنى :DD
قولنا المهندس قاللك اية فى التوكييييييييييل

و بصراحه انا لو عربيتى وكيل كنت اروح القطاميه بسبب الاهتمام و النظام و الاحترام اللى انت قلته يا عتريس
و فت نظرنا لحجات كتير اوى ,و يا ريت تكمل وجبك و تكتب التفاصيل.
و شكرا على الموضوع الجميل ده و شكرا للسبورت و الدعم على كل حاجه

صباحك فل يا باشا وكل الرجالة النمور :)


معلش انا اتاخرت عليكم شوية بس كان لازم ادي الاختبار وقتة واتاكد من كل حاجة وحبداء بالعيوب اللي شوفتها بعد عملية السوفت وير :)


العيوب :

معدل استهلاك البنزين بقي اعلي شوية يعني كان في الاول من 10 الي 11,5 في المتوسط - دلوقتي بقي في حدود ال 12 دايما - ممكن دة يكون بسبب البنزين ال 95 لانة بيطير اسرع بس جنجرب 92 تاني ونشوف


وهو دة العيب الوحيد :)


المميزات :

- سحب العربية اختلف تماما للاحسن
- النقلات في الدرايف العادي بقي موزون اكتر يعني حسب الدوسة ينزل نقلة او نقلتين ( لازم تبقي حساس علي الدواسة )
- التسارع افضل بالذات RPM من 3 الي 4 - حامي جدا
- الاستيب ترونك بقي غريب - بحس ان الموضوع مبقاش نقلات مانيوال - لا دة بقي سبورت مود !!!! انا مستغرب


العملية الجراحية اللي تمت كانت من مرحلتين عشان اشرحهم لازم نتفق علي مبدا

اولا كلنا لما جبنا العربية كنا خايفين عليها جدا وحتي لما حاولنا نفتحها كنا يا اما اتاخرنا في عملية التفتيح يا اما كنا حريصين عشان منحرقش علي الموتور - وبالتالي السوفت وير بتاع ال ECU كان عمل Self Adjust لطريقة سواقتنا - يعني مثلا بقي ينقل في حالة الحرق علي 6000 RPM مثلا - وبالتالي عزم العربية الكامل علي 6200 !!!!!! يعني مش بناخد عزمها الكامل


الفتيس كمان بقي وحدة السينسور بتاعة مظبوط علي حاجة معينة وبالتالي اعادة تدريب السوفت وير حتبقي اصعب وكمان ممكن لا تنجح العملية


الخدعة :))))))))))))))))))))))))))))))))

لو توفرتلك الفرصة انك ترجع العربية وكل الحساسات والكومبيوتر لحالة المصنع تعمل اية ؟؟؟؟؟؟؟؟
يعني بالبلدي كدة نرجعها علي الزيرو - من غير تاثير سواقتك وبنزينك وبلاوي البلد عندنا :))))

هيه دي الخدعة :) ALL SYSTEM RESET - موتور وفتيس وسينسورز :)))))

ودي اول مرحلة في التيونينج :)

تاني مرحلة انت بتقوم بيها وهية تدريب السيارة علي سواقة رياضية اول ما تعمل الريسيت علي طول بدون تاخير - يعني تخرج من عندهم تفحت العربية باللي انت شايف انة سواقة رياضية :))))

العربية حتسجل الطريقة ونظام حرقك علي النقلات وكل حاجة ( يفضل استخدام بنزين 95 :colsmil:

طريقة القيادة الرياضية لتعليم السيارة

- ستيب ترونك فقط :( النقلة الثانية فقط ) - حرق كامل لاقصي نقطة RPM وقبل ما ينقل لوحدة ( سيفتي )
عند الوصول لاقصي نقطة نبدا في التباطوء لعدد لفت 2000 وتكرار العملية لعدد 5 او 6 مرات - وننتقل بعدها للتالت :) ونفس النظام :)


الكوميديا اني لما كنت بدربها علي طريق ال N/A كان فية فرنا افتكرني بشد معاة هههههههههه ويكبس وانا اقاوم - يكبس وانا اقاوم - هههههههههه

بس عيب عليكم ( الراجل تراجع بعد ما سمع زئير الاسد وعلي النقلة التانية كنت بفرق مووووووووووت )


وهي دي حكايتي مع السنيورة ( قولوا بقي ما شاء الله ) :E_braces[1]:

بسم الله ما شاء الله

انا كنت عايز أقول حاجة بخصوص self adapt
انا لما بسوق العربية بأسلوب هادىء او لما ولدى بيسوق العربية مدة
بحس ان العربية مستكينة و مش سامع صوت الموتور

لما ببقى مستعجل او أقرص عليها بحسها بتبقى حساسة أكتر لدواسة البنزين و أحيانآ بتعمل kick down و انا مش قاصد و بتفضل على كده مدة

فحسيت ان عملية self adapt مش محتاجة بتعمل reset للسيستم كده عشان يحصل

هل الكلام ده مظبوط و لا اللى حصل معاك حاجة مختلفة؟؟

أتمنى انك تقدر تحط الموتور على الكمبيوتر مرة أخرى بعد التجربة الأخيرة بتاعتك و تشوف هل فعلآ فيه إختلافات فى قيم الحساسات و لا لأ؟؟

ربنا يباركلك فيها
و طبعآ مش هوصي ان السيراتو موتورها مغرى جدآ فى الجرى

الف مبروك على الصيانة عتريس بيه :))

الف مبروك و 100%

الف مبروك على الصيانة ومركز القطامية لية احترامة وعن تجربة