د/علاء ....فى انتظار اسئلتكم فى الجلدية والتناسلية

**EGYPTIANDR** · 21-12-2010 07:38 PM

السلام عليكم يا شباب المنتدى الكرام.......انا بصراحة بحب المنتدى ده جدا وكل اعضائة لتعاونهم وخدماتهم المتبادلة ونفسى اخدمهم بجد .......لكن طبعا مش هقدر افيدكم الا فى تخصصى!!! انا اخصائى الجلدية والذكورة والعقم...جامعة عين شمس....واعمل بمستشفى الحوض المرصود بالقاهرة وتحت امركم فى اى استشارة جلدية وتناسلية
وشكرا لكم

**dr.hazem** · 21-12-2010 08:27 PM

طيب يادكتور معلش انا هستشيرك في حاجه

مرت عليا كذا مره اشوف عند ناس اعرفهم ألاقي عندهم على الارداف خراج كبير
subcutanous abcsess

فياترى ده سببه ايه؟
وهوا مش ناصور عصعصي
هوا زي متقول دمل كبير شويه
والشخص اللي اعرفه ده تكرر عننده الموضوع اكثر من مره بس كل مره بيكون في مكان غير اللي قبلها
وطبعا بعد ما تتفتح بتترك مكانها اثر كبير

هل عندك فكره ده ايه وايه الحل معاه عشان نمنع ظهوره؟؟؟
تحياتي

**dr.hazem** · 21-12-2010 09:38 PM

المشاركة الأصلية كتبت بواسطة egyptiondr

اهلا وسهلا بيك يا دوك.....
طبعا ظهور التهابات جلدية وخراريج بصورة مستمرة بتفكر فى مريض مناعتة ضعيفةimmunocomp.
وطبعا السكر من اهم الامراض اللى تضعف المناعة وايضا الامراض المزمنة مثل تليف الكبد والفشل الكلوى والصدرى فلازم تعمل صورة دم كاملة وتحليل سكر صايم وفاطر للمريض وبالتاريخ المرضى والكشف على المريض طبعا حضرتك بتحدد وجود امراض مزمنة او لا ....
تانى حاجة ال hygieneبتاع العيان طبعا دة لوحدة كفايه لحدوث
folliculitis and abscessواعمل التحاليل للمريض وانا معاك وارجو انى اكون افدتك

كلام حضرتك مظوط وانا قلت سكر برضو بس للاسف مفيش عنده سكر والهايجين على كلامه كويس
المشكله ان الخراج بيبقى فعلا كبير

عموما
هل تنصح بانه يخلي دكتور يفتحله الخراج ده ويفضيه ولا يتساب لحد اما يفرقع لوحده؟؟
وهل ممكن لو جرب ياخد مضاد حيوي ممكن يجيب نتيجه؟؟ وتنصح بايه كمضاد؟؟ سواءا مرهم او بالفم
مع العلم انه بيكون موجود على شكل كوره ملتهبه بس لمده اسبوع او 10 ايام ومن ثم بتدأ علامات انها هتفرقع وبتخلي العيان ده مش عارف يقعد ولا ينام بسببها
هوا راح قبل كده لدكتور وقاله انه ده حاجه عاديه بس قاله يهتم بموضوع الهايجين وبس
والراجل مهتم وده اللي مخليه متضايق

تحياتي

**shadygalal669** · 22-12-2010 09:31 PM

انا والدتى اخدت علاج اسمه هاى بيوتك hibiotic

وده مكتوب في الروشته بتاعته انه من الاثار الجانبيه ليه انه بيعمل طفح جلدي و ده اللي حصل لوالدتي

مع العلم ان والدتي عندها السكر و رحت المستشفي الدكتور اداها حقنة كورتيزون تقريبا و ارتاحت شويه و رجعت تاني يوم الطفح و منتشر جداااااااا رحنا تانى المستشفي برضو نفس الوضع و حقنه كمان و مراهم و مفيش ااااااااااي نتيجه

اعمل ايه ؟؟؟؟؟؟؟؟

**EGYPTIANDR** · 22-12-2010 09:32 PM

اهلا بيك يا استاذ محمد.......الحبوب المسطحة التى بلون الجلد بتكون غالبا رؤوس حب الشباب فى بداية ظهورها ودة طبعا مع اقتراب سن البلوغ ويكون علاجها بكريم acnetin 0.05%ويوضع مساء قبل النوم مباشرة وهو يسبب احمرار فى البشرة بسيط فى اول اسبوع......لكن لو الحبوب دى لونها ابيض شوية بتكون انسداد الغدد العرقية ودى علاجها بسيط جدا بواسطة سرنجة انسولين وتفتح النقطة البيضاء دى برفق حتى تخرج المادة البيضاء ....وممكن تظهر فى اى سن ومكانها المشهور حول العين وبالأخص تحت الجفن السفلى...ارجو اكون افدتك

**shadygalal669** · 22-12-2010 09:51 PM

المشاركة الأصلية كتبت بواسطة shadygalal669

انا والدتى اخدت علاج اسمه هاى بيوتك hibiotic

وده مكتوب في الروشته بتاعته انه من الاثار الجانبيه ليه انه بيعمل طفح جلدي و ده اللي حصل لوالدتي

مع العلم ان والدتي عندها السكر و رحت المستشفي الدكتور اداها حقنة كورتيزون تقريبا و ارتاحت شويه و رجعت تاني يوم الطفح و منتشر جداااااااا رحنا تانى المستشفي برضو نفس الوضع و حقنه كمان و مراهم و مفيش ااااااااااي نتيجه

اعمل ايه ؟؟؟؟؟؟؟؟

مع العلم ان والدتي بتاخد ادويه اخري معاه منذ 20 يوم

capotril 25mg
جلوكوفاج glucophage
neurovit
amaryl 2mg
واخيرا العلاج اللي خادته لان الدكتوره قالتلها انها عندها صديد على الكلي و هو Hibiotic

و موجود ورق بتحاليل مزرعة بول و سكر صايم وفاطر و تحليل بول عادي لو حضرتك تحب تطلع عليه يعني

**shery103** · 23-12-2010 03:29 AM

انا كنت عايزة اسأل عن ال discolorations فى البشرة الناتجة عن ال hyperpigmentation after laser treatments
التعامل معاها بيكون ازاى ، و لو عالجناها مترجعش تانى ازاى مع استمرار الليزر

كمان سؤال تانى ، بالنسبة للجلد الزائد فى مناطق الذراع و الفخدين بعد فقدان وزن كبير ، هل ليه حل ( غير الجراحة طبعا ) ، هل فى اى حاجة ممكن تساعد ان الجلد ده ينكمش و يبقى حجمه طبيعى ؟؟

و شكراااااااااا

**هيثم المنياوى** · 23-12-2010 03:49 AM

السلام عليكم ورحمة الله وبركاته
جزاكم الله خيراً يادكتور على مجهودك الطيب
ياريت حضرتك تقولى ايه اسباب ضعف فروة الرأس وظهور بعض الحبوب فيها من وقت لأخر
وكمان يادكتور فى حبوب بتظهر فى الوجه على هيئة أكياس دهنيه وياترى ايه الحل النهائى لموضوع الحبوب بصفه عامه هل الليزر زى مابنسمع
وياترى موضوع ازالة الشعر الزائد فى الوجه وتقشير البشرة ده تخصص حضرتك ولا تجميل
بارك الله فيك

-

الموضوع: د/علاء ....فى انتظار اسئلتكم فى الجلدية والتناسلية

LinkBack

أدوات الموضوع

عرض

-

-

-

-

المواضيع المتشابهه

طال انتظار ال fsv ??????

علاج الأمراض الجلدية و التناسلية و أمراض الذكورة

الزوائد الجلدية فى الرقبة ؟ طلب من اطباء الجلدية !!!!

عيادة الجلدية والتناسلية " للاستشارة"

علاء مبارك لـ"البيت بيتك": بالفيديو..علاء مبارك: لن نقبل أى اعتذار جزائرى

الكلمات الدلالية لهذا الموضوع

المفضلات

المفضلات

ضوابط المشاركة