كاتاليزر وsensorشكمان307 ارجو الافاده

**maclaren722** · 21-12-2010 08:43 PM

انا معايا بيجو307موديل2006 وف لمبة مانع التلوث نورت ف العربية والكمبيوتر بيكتلى depollution system faulty ورحت التوكيل مره قالولى سنسور الشكمان عايز يتغير ومره قالولى عايزه كاتاليزر ب9000جنيه وانا مش عارف اعمل ايه بس ف الحرفيين قالولى امشى بالعربية عادى ومش يحصل حاجة غير بس هتصرف لتر بنزين زياده بس بس انا خايف ومش عارف اعمل ايه ياريت اعضاء قسم بيجو يفيدونى ارجو الرد ضرورى واسف على الاطالة وشكرا

**MuhamedNabil** · 22-12-2010 04:27 AM

متقلقش ده اكتر و اشهر رسالة فى 307 & C4 سببها حاجة من اتنين
- الحرق بتاع البنزين مش كويس
- السنسور البيقيس العادم باظ و الحالة دى ملهاش تاثير على العربية غير الرسالة بس و مش لازم تغير السنسور ممكن تجرب تنضفه ب سبرتو او شبية بس مش بجاز

حالة بقى ان الحرق بتاع البنزين مش كويس دى كالاتى

- بوجيهات محتاجة تتغير و دى اشهر حاجة
- ممكن البوبينا البتدى كهرباء للبوجيهات
- بنزين تعبان داخل فيه جاز ولا حاجة

http://www.nilemotors.net/Nile/190410-307.html
اللينك ده برده عن نفس الموضوع

**maclaren722** · 23-12-2010 01:41 AM

الف شكر يامحمد على الرد وانا هاكشف على البوجيهات وارد عليك بس السنسور مكانه فين واسف على الاطالة

**MuhamedNabil** · 23-12-2010 09:57 PM

المشاركة الأصلية كتبت بواسطة maclaren722

الف شكر يامحمد على الرد وانا هاكشف على البوجيهات وارد عليك بس السنسور مكانه فين واسف على الاطالة

ولا يهمك , هو السنسور بيتشاف من تحت العربية مش فاكر بضبط بس هو غالبان كان عند مخرج الشكمان من الموتور هو مكانش فيه غيره لما ترفع العربية حتشوفو على طول قدام اسفل الموتور
و على فكرة انا لقيت واحد بتاع قطع غيار اسعاره هايلة تيل امامى valeo جم 135 فى حين انى كنت حشترى من نافع الفى شارع دمشق 200 جم و بردو قارنت شوية حجات لقيته اسعاره كويسة جدا هو فى شارع جسر السويس بعد الكنيسة على طول اسمه خالد كولومبو. انا للاسف سبت الكارت بتاعه فالعربية كنت حديلك رقمه.