يمكن يا علا عشان الأخلاقيات دي ممكن الناس تسخر منها دلوقتي
أديكي شايفة الناس بتاكل حقوق الناس بالحرام وغيره وغيره
وده اللي خلى الفيلم ده يهزني.. السيناريو والشخصيات والموسيقى كله جميل
بس الأجمل هو إن الفيلم عجبك يا ست الكل
عرض للطباعة
للاسف مش هقدر اشوفه لانى عندى هنا موقف شويت مواقع منها youtube فمش هعرف اشوفه وطبعا الى مانعه عن الناس الى معايا مينفعش افتحه لنفسى .
الشكر ليك يا سبعاوي على تعليقك.
أنا البنت دي حسيت إني عاوز احضنها زي ما باعمل مع بنتي "ندى" وشها معبر أوي ورقيقة وكتكوتة.
الفيلم جميل عشان بيفكرنا بمشاعر إحنا بنفتقدها في تعامل الناس معانا..
أنا الفيلم ده اتفرجت عليها فوق الخمس مرات.. والغريب إن كل مرة بالاقي حاجات جديدة بتجذب انتباها وتخليني عاوز أجيب الفيلم من الأول، بعد ما يخلص.
ربنا يرزقك يا سبعاوي... ويصلح حالي وحالك.. قول آمين.
أنا مش عارف ليه عينى دمعت و أنا بشوف الفيديو ده
يمكن عشان الكلام ده بيحصل معايا كتيير جداً لدرجة إنى أصبحت على يقين تام إن أى خير بعمله بيرجعلى و لو بعد 50 سنة .... بعدما كنت أشك فى صحة ذلك و كنت أصف كل واحد يقولهولى بإنه طيب زيادة عن اللزوم و مبيفهمش الدنيا ماشية إزاى ..... بس طلعت أنا اللى مش فاهم حاجة خالص.:cool:
أو يمكن الموسيقى كانت مؤثرة جداً رغم بساطة إيقاعها و سهولتها لكن بجد تغلغلت فيا دون أن أدرى. :rolleyes:
أو يمكن البنت الصغيرة دى كانت أمورة و تحس إن إبتسامتها بيخرج منها آلاف الكلمات اللى بيعجز اللسان إنه يقولها ..... و تعطيك حكم و مواعظ .. كل يوم بتسمعها لكن مصيرها دايماً إنها بتخرج من الودن التانية .... إلا فى الحالة دى مش عارف ليه مخرجتش. :confused: