الموضوع: انا مدايق

المشاركة الأصلية كتبت بواسطة ahmed4000

كده تبقى انت عملت اللى عليك ونصحت حماك فعلا علشان محدش يلومك ولا يقول انت اللى دبستنا
وبعدين هما مش عرفوا مستواهم وشافوهم واكيد زاروهم فى بيتهم وشافوا كل حاجة على الطبيعة

لا هما مازروهمشى فى بيتهم
العلتين شافو بعض مرتين بس ... فى بيت العروسه فقط
مره اول مره خالص لما اتقدمو للبنت و اتفقو و قرو الفتحه
و المره التانيه لما خليت حماتى تتصل بيهم و تعزمهم علشان يدوبو الخلاف اللى حصل فى اول مره
وحماى نفسه مش عاوز زيارات لأنه حالته الصحيه ما بتخليهوش يقدر يقعد مع الناس خاصه و انهم زيارتهم تقيله اوى و رغايين اوى و مش بيمشو قبل الساعه 11 و حماى مابيقدرشى يستحمل كده

انا على فكره قولت لحماى انكم لسه ماعرفتوش اهل الولد كويس
قالى الولد مايعبهوش اهله
خلاص بقى حعمله ايه ... هو راجل طيب اوى لدرجه السذاجه

بصراحه انا ماقدرشى الوم البنت او اهلها دلوقتى
تخيلو البنت من اول لما بتتولد و هى و اهلها بيفكرو فى العريس اللى حيجيلها ( اسألونى انا عندى بنوته 6 اشهر... ماتعرفولهاش عريس ابن حلال ليها )
و بالتالى العريس اللى بيجي للبنت ده بيبقى مالهاش هى اى دور فيه غير انها توافق او لاء ولو رفضت لازم ترفض لسبب قوى لأنها مش ضامنه يجيلها احسن منه و لا لاء
وبالتالى اى عريس يجي لأى بنت بتتلكك علشان تلاقى سبب تقبل علشانه
و نفس اخت مراتى دى جالها عرسان كتير قبل كده و كانت بترفضهم كلهم لأسباب عبيطه لغايه لما وصلت لل 30 و دلوقتى اى حد ينفع بس تخلص
بجد البنات صعبانين عليا
اما بالنسبه للشباب ..... صباح الدمااااااااااااغ
عيش حياته بالطول و العرض و يقعد مش متجوز لغايه سن 40 حتى اول مايحب يتجوز حيلاقى 100 من ترضى بيه ... لأن البنات مابقتشى لاقيه اصلا
و اللى يتجوز بدرى يفضل يضرب دماغه باللى فى رجله على الوش اللى جابه بدرى لنفسه ( زى انا اتجوزت و انا 26 )
يتهيألى حل الحكايه دى تعدد الزوجات ... وهو مرفوض اجتماعيا مش عارف ليه

انت عملت اللي عليك وحماك عندالخبر والله يتتم علي خير

انت ممكن وانت قاعد مع حماك كدة بتدردشو تقول هو انتم سالتم على اهل العريس وان دة جواز فلازم يبقى كل حاجة واضحة وانتم عارفين كل حاجة عنهم
يعنى كدة يبقى انت بتقولهاله بس من غير متبينلله انك قلقان

هو قالى انه لسه حيكلم واحد ساكن فى منطقتهم علشان يسأل عليهم ( وده بعد ماقرو فتحه و خلاص حيتفقو على ان الفرح الشهر اللى جاى )
اللى انا معترض عليه ان المده الزمنيه قليله جداا
بالفعل العليتين مايعرفوش بعد
و مش معنى ان العليتين كويسن ان حيبقى فيه توافق
و بالتالى ده دور فتره الخطوبه - مش بقول الخطوبه تبقى بالسنين لكن تبقى مثلا 5 او 6 اشهر
لكن ان الموضوع كله يتلم فى شهرين .... كتير اوى من وجهه نظرى