الموضوع: اكتر 5 حاجات مضايقاني من هوندا سيتي

السلام عليكم

بعد موضوع اكتر خمس حاجات بحبها في هوندا سيتي 2009
http://www.nilemotors.net/Nile/190680-5.html

حبيت اعمل موضوع عن اكتر 5 حاجات مضايقاني من العربيه - هوندا سيتي 2009 - ومع اني بحب العربيه جدا بس هتكلم بكل حياديه



أولا: استرخاص الوكيل في ابسط الكماليات:
عربيه تمنها فوق ال120 الف مينفعش الوكيل يسترخص في شويه كماليات ميكملوش 1000 جنيه - الموديل المصري بينزل من غير الاتي:
1- الشماسات مفهاش مرايات
2- مفيش علاقات شماعات فوق الباب من جوه
3- مفيش نور خريطه في السقف - اللي بيكون بين الشماستين
4- مفيش ريموت كونترول
5- مفيش غير سماعتين في البابين الاماميين - والبابين اللي ورا لا
6- مفيش كشافات شبوره - فوجات
















ثانيا: كاوتشات العربيه:
العربيه بتنزل جنط 15 وعرض الكاوتش 175 - وده بيعتبر عرض قليل جدا بالنسبه لمقاس الجنط وحجم العربيه - لو العربيه اتركب فيها كاوتشات 195 مثلا على نفس الجنط اكيد ده هيحسن من ثباتها مليون مره






ثالثا: الاريال:
الاريال بتاعها بيتفك وده يخليه عرضه للسرقه - انتو عارفين بقه مصر - بضطر اشيله كل مره وانا نازل من العربيه - كان نفسي يكون ثابت - او حجمه صغير عن كده





رابعا: اسعار قطع الغيار
اسعار قطع غيارها تقريبا زي السيفيك 2010 مع انها مفروض فئه اقل منها - مفروض تكون قطع الغيار اقل من السيفيك ولو بحاجه بسيطه



خامسا: الفرش الداخلي
مع ان الكراسي مريحه جدا - بس الفرش الموجود قماش مش جلد ولونه فاتح اوي وبيتوسخ بسهوله جدا - في جزء في الباب برضه من نفس الفرش وده بقه اللي صعب الواحد يعمله جلده ولازم يسيبه وسخ زي ماهو

فكرة الومضوع رائعة وياريت كل واحد يهما موضوع عن احسن واسواء 5 حاجات فى عربيتة

طبعا انا معاك ان بعض الحاجات اللى انت قولتها كانت مفروض تبقى موجودة ، بس اللى فعلا ينرفذ موضوع الاريال ده ، الفكرة دى محدش بقى بيعملها من زمان .
بس عمموما ممكن اقترح عليك اقتراح ، تروح عند حد بتاع كماليات وتجيب الاريال الاليكترونى ، ود بيتثبت على الزجاج وتلغى موضوع الاريال اللى فوق السقف ده حالص .

المشاركة الأصلية كتبت بواسطة mahlove

ياجماعة ده مش عيب هوندا .. موضوع الاريال ده مش عيب اصلا ده عيب السوق عندنا, مفيش بلد محترمة الناس فيها ممكن

تسرق اريال عربية, موضوع الصالون وفرش الابواب ده برضه عيب منطقة الالوان والخامات دى ممكن ماتكنش مناسبة عندنا

علشان كمية الاتربة والدخان والوساخة اللى فى كل مكان, ده برضه مش عيب هوندا, اما باقى الحاجات اللى قلت عليها

يابشمهندس ف ده عيب وكيل بئة ومش هوا لوحده لأ المستهلك كمان ليه دور مباشر, انا لما اشترى عربية ب 120 الف لازم يكون

فيها كل اللى انا عايزه مش اشترى اللى موجود وخلاص.. لأنه الوكيل بيلبى حاجة المستهلك لكن ميقدرش يفرض عليه حاجة..

كلامك سليم 100 100 ... السوق حاليا بقى هو اللى بيفرض علينا الموجود وخلاص وللأسف الناس عندنا برضوا بيشتروا وخلاص منغير تفكير كأن العربيات لو خلصت مش هتنزل تانى!!!!!

[gdwl]تروح عند حد بتاع كماليات وتجيب الاريال الاليكترونى[/gdwl]
انا كده هحس اني راكب تاكسي



[gdwl]ياجماعة ده مش عيب هوندا[/gdwl]
معظم المشاكل ده مشاكل توكيل عايز يرخص السعر او مشكله ثقافه شعب اللي بيسرق ايريال عربيه



[gdwl]بصراحة اكتر حاجات مضايقاني في اللي حضرتك قلتها هي عرض الكاوتش[/gdwl]
فعلا واللي مضايقني اوي انها برده بتنزل كده برضه
وانا فعلا بحس باثار المشكله ده في الكرفات الجامده

المشاركة الأصلية كتبت بواسطة haythamkmal

فكرة الومضوع رائعة وياريت كل واحد يهما موضوع عن احسن واسواء 5 حاجات فى عربيتة

طبعا انا معاك ان بعض الحاجات اللى انت قولتها كانت مفروض تبقى موجودة ، بس اللى فعلا ينرفذ موضوع الاريال ده ، الفكرة دى محدش بقى بيعملها من زمان .
بس عمموما ممكن اقترح عليك اقتراح ، تروح عند حد بتاع كماليات و[OVERLINE]تجيب الاريال الاليكترونى ، ود بيتثبت على الزجاج[/OVERLINE] وتلغى موضوع الاريال اللى فوق السقف ده حالص .

المشاركة الأصلية كتبت بواسطة eng_maged

[gdwl]تروح عند حد بتاع كماليات وتجيب الاريال الاليكترونى[/gdwl]
انا كده هحس اني راكب تاكسي

السلام عليكم,
فكرة الإيريال إللي بيتلزق على زجاج السيارة الخلفي دي فكرة ممتازة فعلا و ده الإيريال إللي على السيفيك من 2007 - 2011 ,,, ده عامل زي الاستيكر مش telescopic.

المشاركة الأصلية كتبت بواسطة horsepower

السلام عليكم,
فكرة الإيريال إللي بيتلزق على زجاج السيارة الخلفي دي فكرة ممتازة فعلا و ده الإيريال إللي على السيفيك من 2007 - 2011 ,,, ده عامل زي الاستيكر مش telescopic.

الاول حمدالله على سلامتك

الاريال ده بقه هتبقى مشكلته في السلوك والتوصيلات مش عارف اخاف العب في كهربا العربيه

الموضوع مفيهوش لعب خالص انت هتشيل فيشة من ظهر الكاسيت وتحط فيشة الاريال الجديد ، حتى الكهرباء بتاعتة بتيجى من الكاسيت مش من ضفيرة العربية

وبصراحة موضوع الضمان ده كان مجننى ، مش عارف اعمل حاجة فى العربية ، وفى الاخر اخذت القرار وركبت كل الاوبشنز اللى انا عايزه وقولت استمتع بالعربية احسن ، واللى شجعنى طبعا على كده ان الهوندا ما شاء الله مفيهاش مشاكل يعنى الضمان شبه مالوش لازمة.

المشاركة الأصلية كتبت بواسطة eng_maged

الاول حمدالله على سلامتك

الاريال ده بقه هتبقى مشكلته في السلوك والتوصيلات مش عارف اخاف العب في كهربا العربيه