الموضوع: مكان للسهر بي ليلة راس السنة

المشاركة الأصلية كتبت بواسطة د.أحمد السعيد

انت ملكش حل يا صبحى ...فكرتنى بموضوع الفرخة القلاووظ!!

ربنا يستر على الضحايا الموضوع دخل فى ال red zone

ههههههههه ربنا يخليك يادكتور
متقلقش
معتقدش ان الموضوع حيزيد
انا ملاحظ ان فيه رقي المره دي في لغه الحوار حتي
غير السنه اللي فاتت
كان ضرب نار

بس مقولتش رأيك يعني


والله موضوع راس السنه ده فكرني بموقف
كنا في وقفه عيد
وانا متعود كل عيد انا واصحابي نفضل نلعب كوره بالليل
ونروح علي صلاه الفجر يدوب نلبس وننزل نصلي العيد
وكان في اوقات الفقدان والضياع مكناش لا بنصلي عيد ولا فجر

المهم اقترح علينا واحد صاحبنا اليوم ده اننا نغير
نروح كافيه

واخد بالك
كافيييييييييييييييييييييي ييييييييييه

ورحت معاهم
وركنت العربيه وطلعت

وافاجئ بقي الموضوع جوه سنكلابي بالمشروم جوه
فاكر فيلم عيال حبيبه اما راحوا لصباح بتاعت مسطرد
بالظبط هوا ده

انا بقي اول مره اشوف المنظر ده قدامي
بس تنحت
مقدرتش اقعد
كل اللي عليا مبرق ومتنح انا واتنين صحابي ملناش في الجو ده
المهم انا مقدرتش اكمل ونزلنا تحت وقفنا في الشارع

ربنا بيحبنا اصلا المكان كان بيقفل اصلا
احنا رايحين امتي بقي
رايحين الساعه 10 بالليل
فبقول للعيال ازاي مكان زي ده بيقفل 10
قاللك اصله كافيه لحد الساعه 10 وبعدها بيقفل ساعتييييين
ويقلب كباريييييييييييييييييه
الللللللللللللللللللللللل للللللللللللللللللللللللل للللللللللللللله
هوا ده النظام

هوا انا اللي شفته ده كان الكافيه
امال الكباريه عامل ازاي
هههههههههههههههههههه

طبعا بقي قعدت اضحك عالعيال اللي فضلوا قاعدين
العيال حسابهم عالنص ساعه دي 200 جنيه

العيال اول ما قعدوا نزلت عليهم البنات قعدوا جمبيهم بقي
وهئ ومئ وطبله وشخليله
العيال طلبوا مشاريب بقي
بيريل وفيروز
ياريتهم حتي طلبوا خمره ولا نيله


كانز الفيروز اتحسب ب15 جنيه
والبيريل ب20
ههههههههههههههههههههههههه ههه
والعيال بقي اتخانقوا فووووووووق
وكان يوم منيل

اه والله
ومن ساعتها
ولا وقفه ولا حتي نص ركبه
home sweet home

بس اللي قهرني يومها وتعبلي قلبي
البنات اللي فوق كلها
اما الكافيه قفل وشفتهم بعيني مروحين
كانوا نازلين بعبايات وايشاربات



كان هاين عليا اجيب جاز واولع فيهم وفي الكافيه
قال كافيه قال