انتا حتقولي
ده يوم بحه الراجل كان حيجيب البرميل كله يحطه جمبك
اصلك ممديتش ايدك ولا علي السلطه ولا المخلل ياحرام
عرض للطباعة
funnymickey
هههههههههههههههههههه والله أنت شجعتني كدا على الجواز اكتر واكتر امال ايه :D :D
واكيد هي لو تعرف عضويتي هنا مكنتش هقول الكلام دا ابدا...مش خوف لاسمح الله انت عارف الرجالة المصري مبيخافوش خالص وبالذات من حريمهم :D :D ولكن احترام احترام احترام :D
برضو محادش فادنا بمكان محترم في حتة شاعرية ولكن ميكنش فيها مشروبات روحية ولا خلايجة.....لان اكتر حاجة بتعصبني اني بقيت كل مدخل مكان محترم الاقي نص اللي جواه خلايجة و عرب...مع الاحترام ليهم
ومش شرط يكون المكان مناسب لرأس السنة الميلادية..ولكن يعني مكان ليلي عموما؟
بص انا يوم كتب كتابي رحت البرج
المكان رائع جدا
والفيو تحفه
بس اللي محبيتهوش فيه انه بيقدم خمور
يوم ميتنسيش صراحه
بس الاكل عندهم زفففففففففففففففت
وحاجات عجيبه كده
يومها مشبعتش صراحه خالص
بس اهو اليوم اتقضي وروحت اتعشيت في البيت
كعيت بتاع 400 جنيه
ومتقلقش
ولا انتا ولا هيا حتنسي اليوم ده خاااااااااااااااااااااالص
ههههههههههههههه
بس فيه خمور هناك
ده المكان الوحيد اللي حسيت اني عملت حاجه جديده
كفايه المطعم اللي بيلف
بس لازم حجز طبعا
عليك نوووور
أنا مستغرب يا جماعة إنكم لحد دلوقتى فاكرين إن ليلة رأس السنة ده عيد عندنا؟؟؟!
العيد بيبقى عند الكاثوليك 25 ديسمبر و الأرثوذكس 7 يناير و ده اللى بنسميه الكريسماس أو عيد الميلاد ... إنما ليلة رأس السنة ده مش عيد المفروض ده إحتفال ببداية سنة جديدة ..و كل واحد بيحتفل بطريقته بقى و زى ما قال الأخ شنورى فيه ناس ما بتصدق تشبط فى أى حاجة كده و يعملوا الكلام الفاضى ده عمّال على بطّال لكن مش ده الأساس فى الإحتفال ... بالعكس الواحد مع أول يوم فى السنة بيتمنى إنه ميكررش غلطات السنة اللى عدت و تبقى سنة أحلى و أجمل و يعتبر بداية السنة دى بداية "صفحة جديدة" و فرصة جديدة يبقى أحسن.
المهم هى أه بداية السنة الميلادية و السنة الميلادية بتتحسب على ميلاد السيد المسيح بس الحسبة دى غلط فلكياً و من زمان و كل العالم عارفين كده بس لسه برضوا بيسموها السنة الميلادية
الحسبة الصحيحة بتاعة العيد المفروض إنها توافق 7 يناير و بنزود يوم و يبقى 8 يناير كل أربع سنين .. و الموضوع ده كله بسبب إختلافات فى حساب التقويم بس.
الكلام ده مشروح كتير أوى عالنت ... أنا لقيت الموضوع مشروح فى الدستور هنا http://dostor.org/weekly/reportage/10/january/7/2279 و لقيت شرح مستفيض هنا
المهم فى كل الحالات يوم 1/1 ده مش هو يوم ميلاد السيد المسيح .. يعنى مش عيد عندنا .. لكن هو بداية سنة جديدة فى كل العالم بدون أى فرق بين جنس أو عرق أو دين لأن الموضوع دلوقتى ملهوش علاقة بكده .... و كل واحد بيحتفل بطريقته.
ههههههههههههههههههه تصدق إنت دخلت موضوع الديك الرومى المشوى ده فى دماغى:B4_007:... عمرنا ما عملناها ولا مع بداية سنة و لا مع نهاية سنة حتى
:prove: بس المشكلة إن عيدنا يوم 7 يعنى يوم 1 هنكون لسه صايمين و مينفعش ديوك ولا أرانب :surprise: .... طيب إحم إحم ... الحمد لله أعتقد كده أنا فلت من العزومة دى :seeya::scooter::sifone:
يا باشا ربنا يخليييييييييييييييييك
يا جدعان صدقونى كان بودى أعزمكم بس إنتوا عارفين بقى الكلام ده مبيحصلش غير فى أوروبا و الدول المتقدمة على رأى شنورى باشا :sifone:
ههههههههههههههههههه دى كده نقدر نسميها تدبيسة العمر اللى هتضيع تحويشة العمر كله ... أنا ايه اللى جابنى هنا :36_1_1[1]:
اقتباس:
والله انت راجل زى الفل ههههههههه
متنسانيش فى العزومه دى
ازاى بس أنساك يا باشا ؟!! :vctry:... كلكم تأنسوا و تنوروا:friends: ... بس معلش هنمشيها فول و طعمية مؤقتاً لحد ما تُفرج :biggrin: :star1:
ياباشا
فول وطعيمة وكله ماشى
مدام على حساب صاخب المخل
طالما انت مصر اننا نقعد عندكم من يوم 1 لحد يوم 7 خلاص انا والرجاله معندناش مانع
وبالنسبه للصيام متخافش احنا مش حنضايقكم
انت اطلب لنا الدلفري واحنا حناخده من علي الباب
او ممكن تتفق مع مطعم قريب منك وتديله اسامينا واحنا ناكل وانت تحاسب
وبكده نبقي ماثرناش علي صيامك ومجرحناش شعورك
لحد ما ييجي يوم 7 وتيجي الديوك والمحمر