:biggrin2:السلام عليكم
كنت حابب اعرف فين ممكن اقدر اخروج و اسهر بي ليلة راس السنة يعني عاوز اقترحاتكم عشان انا مش عاعارف اعمل ايه و اروح فين لو حد سمع عن حفلة او مكان كويس و اسعار مناسبة ياريت يقول و شكر و كل عام وانتم بخير
عرض للطباعة
:biggrin2:السلام عليكم
كنت حابب اعرف فين ممكن اقدر اخروج و اسهر بي ليلة راس السنة يعني عاوز اقترحاتكم عشان انا مش عاعارف اعمل ايه و اروح فين لو حد سمع عن حفلة او مكان كويس و اسعار مناسبة ياريت يقول و شكر و كل عام وانتم بخير
ممكن تروح المسجد او تقوم الليل في بيتكم و تبقى عبادة في وقت هرج و دي ثوابها كبير جدا جدا
ياعم وعلي ايه تكلف نفسك بالخروج والصرف
اقولك علي فكره جامده موووووووووووووووووت
عندي ليك سهره مع احلي حد ممكن تسهر معاه
في احلي حته في الدنيا كلها
الساعه 11 ونص تلم اهل بيتك كلهم
وتجيب سجاجيد الصلاه
وتقروا قران
لحد ما الساعه تقرب علي 12
تقوم تصلي ركعتين
واول ما الساعه تدق 12 بالظبط
يكون موضعك موضع السجود
وتفضل تدعي
تدعي
تدعي
واهلك كل واحد ساجد وبيدعي
وتمر اللحظات
وانتا بتدعي
واهل الارض كلهم بيجاهروا بالمعاصي
وانتا بتدعي
واهل بيتك بيدعوا
وتسلم من الركعتين
وتكمل قراءه قراءن
لحد ما تقدر
وبعدها تقوم تنام
عشان تلحق صلاه الفجر
ايه رأيك في السهره دي
ملحوظه :
اذا كنت من اخواتنا الاقباط فده عيد وكل سنه وانتو طيبين
وسنه سعيده علي مصر كلها
:) :) :)
ميخرج اي يوم يعمل كده ياسيف
اشمعني اليوم ده
؟
اليوم عيد لاخواننا الاقباط يحتفلوا بيه زي ماهما عاوزين
ده يوم ميعنيش المسلمين في شئ
وانتا عارف كويس ان المسلمين اللي بيخرجوا اليوم ده بيكونوا فين
والجرايد بتعلن عن حفلات فين ومطربين مين
فملوش لزوم الخروج منعا للشبهه مش اكتر
ايام ربنا كتير ياسيدي
:)
بصراحه احلى مكان جزيره القطن.
او الدكان بتاع الدكتور امير اللى فاتحه للسهيره.
وكل خير وانتم بعام
انا رايح شرم في كلوب جديد فتح هناك اسمه سباس بيقال انه اجمد بمراحل من لوباشا و دولشي فيتا
بس لازم تظبت حجز و كده علشان انت عارف الزحمة
و لو مش عايز شرم فأي كلوب في مصر هنا هيبقى جامد في راس السنة زي تاماراي او سنجاريا او ديلز المهندسين او بلوز
و هتلاقي افينتات جامدة في كل حتة على النت لو دوّرت بس مش هوعدك بحاجة رخيصة بصراحة
السلام عليكم رحمة الله و بركاته
أنا من رأيى أيضا زى الأخوة الأفاضل معانا هنا فى المنتدى أنه عيد خاص بالأخوة الأقباط فقط و ليس لنا نحن كمسلمين شأن بيه على الاطلاق, زى مابيكون عندنا عيدى الفطر و الأضحى و عاشوراء و خلافه , و الأخوة الأقباط لا يحتفلون بيه معنا .
و كل عام و كل أقباط مصر بخير .
أنا فعلا خاننى التعبير و أسف إنه يكون زعلك ...
أنا كان قصدى إنك قلت مشاركتك بأسلوب قاسى حبتين
إنت إفترضت إن الراجل عايز يروح ديسكو او حفلة غير محترمة ... مش ممكن يكو عايز حفلة حلوة و نضيفة ؟؟اقتباس:
سبحان الله
موضوع في نفس توقيت موضوع السنه الي فاتت
برضه عن واحد عايز يعرف مواعيد حفلات وديسكو وكلام من ده
a.yakout
على سبيل المثال حمزة نمرة مثلا أو أى ناس حفلتها حلوة مثلا ؟؟
و أسف مرة تانية لو كان التعبير خاننى شوية
والله لو كنت سالتنى السؤال ده من 10 سنين كنت هادلك لان تفكيرى كان كده لكن بما اننا حاليا فرائيى انه يوم عادى زيه زى اى يوم بالعكس يوم بيشغل تفكيرى فى مسائل كتير جدا
اولها السنه اللى فاتت دى عملت فيها ايه ؟
خسرت فيها مين ؟
وكسبت فيها مين ؟
انجزت فيها حاجه ولا لا ؟
عقدى فى الشغل هايتجدد ولا هاتعاقد مع البيت ؟
ايه الاخطاء اللى وقعت فيها السنه اللى فاتت وياترى هاصلحها ولا هاقع فيها تانى ؟
عيب عليك..مفيِش داعي للاسف اصلا
ده كان عتاب من اخ لاخ مش اكتر
A.Yakout
Waiting for the victims
:)
طب كمل جميلك ياراجل وكنت كمل بقي مميزات المكان بالمره
1- اقصر طريق تروح به النار
2- المكان كل حاجه فيه بفلوس ماعدا السيئات ببلاش وعليها offers كمان
3- minimum charge مليون سيئه اقل من كده يطلعوك بره
4- مننساش طبعا اكبر sponsor للحفله دي شركه ابليس للسيئات والذنوب
يقول صلى الله عليه وسلم : (( من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا )) ....
وعن أبي هريرة -رضي الله عنه- قال: قال رسول الله -صلى الله عليه وسلم-: من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه رواه البخاري ومسلم.
يانهار
كل ده متعرفش اسمي
طبعا لا
مينفعش
ده حق عرب
اسمي صبحي ياباشا
وانا بحبك عشان اسمك بيفكرني باحلي شوربه بحبها في حياتي
:) :)
نصيحتى الاخوية لحضرتك..لو كنت مسلم بلاش السهر فاليوم دة بجد لان كله ..؟...؟...؟ وبقولك كدا لانى بامانه مكنتش بفوت راس السنه دى قبل كدة ابداا وصدقنى كلها عك فى عك...لوحضرتك من اخوانا الاقباط فعيد سعيد وانسى حضرتك كل اللى انا قلته
قال رسول الله صلى الله عليه وسلم : من تشبه بقوم فهو منهم
قصة جورج وعيد الأضحى
جورج رجل أمريكي تجاوز الخمسين من عمره،
يعيش في واشنطن مع زوجته وابنه وابنته…
لمّا أقبل شهر ذي الحجة ..
بدأ جورج وزوجته وأولاده يتابعون الأخبار
لمعرفة يوم دخول شهر ذي الحجة…
فالزوج يستمع للإذاعات،
والزوجة تتابع القنوات الفضائية،
والابن يبحث عن المواقع الإسلامية في الإنترنتِ…
ولمّا أعلن عن تحديد أول يوم من أيام ذي الحجة ..
استعدّت العائلة لاستقبال العيد
الذي يوافق يوم العاشر من ذي الحجة .....
بعد ال وقوف على جبل عرفة في اليوم التاسع.
وفي اليوم الثاني ذهبت العائلة الى الريف ......
لشراء الخروف الحي
الذي تم اختياره حسب الشروط الشرعية للأضحية
(أن لا تكون عوراء ولا عرجاء ولا عجفاء)
لكي يذبحوه أول يوم من عيد الأضحى.
وحملوا الخروف على ظهر السيارة
وبدأ ثغاء الخروف (صوته) بالارتفاع..
وأخذت البنت الصغيرة "ذات الخمس سنوات"
تردّد معه بصوتها العذب الجميل..
وقالت لوالدها: يا أبي.. ما أجمل عيد الأضحى..
حيث ألبس فستاني الجديد وأحصل على العيدية وأشتري بها دمية جديدة ..
وأذهب مع صديقاتي الى مدينة الألعاب لنلهو هناك..
آه ما أجمل أيام عيد الأضحى ..
ليت كل أيام السنة مثل يوم العيد.
ولما وصلوا الى المنزل وتوقفت السيارة..
هتفت الزوجة: يا زوجي العزيز ..
لقد علمتُ أن من شعائر الأضحية أن يقسّم الخروف ثلاثة أثلاث..
ثلث نتصدّق به على الفقراء والمساكين،
وثلث نهديه الى جيراننا ديفيد واليزابيث ومونيكا،
والثلث الأخير نأكله نحن وندّخر الباقي الى الأسابيع القادمة.
ولمّا جاء يوم العيد ..
احتار جورج وزوجته أين اتجاه القبلة ليذبحوا الأضحية باتجاهها..
وخمّنوا أنها باتجاه السعودية.. وهذا يكفي،
أحدّ جورج سكينته ووجّه الخروف الى القبلة وذبحها وقطّع اللحم..
وقامت الزوجة بتقسيم اللحم الى ثلاثة أثلاث حسب السُنّة ..
وهنا صرخ جورج قائلاً: لقد تأخّرنا عن الكنيسة ..
فاليوم هو الأحد وسوف يفوتنا القدّاس..
وكان جورج لا يَدَع الذهاب الى الكنيسة كل يوم أحد..
بل ويحرص أن يصطحب زوجته وأولاده معه.
انتهى حديث المتحدّث وهو يروي هذه القصة عن جورج..
وسأله أحد الحضور: لقد حيّرتنا بهذه القصة !!!
هل جورج مسلم أم مسيحي ؟؟
قال المتحدّث: بل جورج وعائلته نصارى لا يؤمنون بأن الله واحد بل ثالث ثلاثة..
ولا يعتقدون بأن محمداً–صلى الله عليه وسلم- هو خاتم الأنبياء والمرسلين.
كثر الهرج في المجلس، وارتفعت الأصوات
وقال أحدهم: لا تكذب علينا يا أحمد، فمن يصدّق أن جورج وعائلته يفعلون ذلك ؟؟
فكيف بالمسيحي يقوم بشعائر الاسلام والمسلمين،
ويتابع الإذاعات والفضائيات ويحرص على معرفة يوم العيد،
ويشتري خروفاً من ماله ويقسّم الأضحية و.. و .. …!!!
قال أحمد بتعجّب وابتسامة: يا إخواني وأحبابي أكيد أنّكم لا تصدّقون قصتي و لا تعتقدون بوجود مثل هذا الفعل من عائلة مسيحية ؟؟
ولكن نحن في بلاد المسلمين .....
عبد الله ومحمد وخالد وخديجة وفاطمة نحتفل بأعياد المسيحيين واليهود نحتفل بعيد رأس السنة الميلادية،وعيدالكريسماس, وعيد الحب، وعيد الهلوين, وعيد الفصح..وعيد... ؟؟
فيفترض أنلا نستنكر على جورج هذا التصرف ؟؟
بل نستنكر على أنفسنا وعوائلنا المسلمة؟؟
هزّ أحمد يده وقال: لقد عشتُ في أمريكا أكثر من عشر سنوات..
والله ما رأيتُ أحداً من المسيحيين أو اليهود احتفل بعيد من أعيادنا ولا رأيتُ أحداً سأل عن مناسباتنا ولا أفراحناحتى احتفالي بعيد الفطر في شقتي .....
لم يُجِب أحدٌ دعوتي عندما علموا أن ما أحتفل به عيداً إسلامياً..
لقد رأيتُ ذلك عند إقامتي في الغرب ...
ولمّا عدتُ الى بلدي الإسلامي .. فإذا بنا نحتفل بأعيادهم…
فلا حول ولا قوة الا بالله
المشاركه دى بتاريخ يناير 2009 وبجد كلامها مؤثر جدااقتباس:
اسمحوا لي ان أكون حزينا الليلة ، بينما يبتهج الجميع و يحتفلون بطريقة أو بأخرى ، لا أتمنى جهنم لأحد حقا ، و لا اريد أن ارسل أحدا الى هناك بهذه المناسبة ، و اتمنى للجميع عاما أفضل و عالما أفضل حقاً.. لكن اسمحوا لي أن اكون حزيناً و ان أحتضن رأسي ليلة راس السنة الميلادية ..بدلا من أن اخبئه في الرمال كما كل سنة، اسمحوا لي ان اجعله يحلم ، في ليلة رأس السنة الميلادية ، برأس سنة هجرية يكون احتفالا كوكبيا يضم المسلمين و غيرهم ، ليس لأن غير المسلمين قد دخلوا الاسلام بالضرورة ، و لكن لأن حضارة المسلمين قد بزغت و انجزت ما تجاوز منجزات أي حضارة غربية..
أسمحوا لي الليلة ان احلم برأس سنة هجرية يحتفلون به في كل مكان ، بنخلة مزينة ، بنطاقين يحتويان زاد المعاني و القيم ، بهجرة يمكن أن نتمثلها في كل ما نقوم به ، في إصرار على الاتجاه دوما الى ما هو صواب..اسمحوا لي أن احلم بغار صغير في الطريق الى هناك ، و بحمامة و عنكبوت افتراضيين ، و بثاني اثنين إذ هما في الغار..
اسمحوا لي الليلة ان أحتضن رأسي و انا أسمع الصوت قادما من الغار ، يتردد عبر القرون ..” لا تحزن ، إن الله معنا “..فأجده يخاطبني أنا المسلم الحزين في ليلة رأس السنة الميلادية..بل أجدها الجملة الاكثر مناسبة بين كل ما يقال في مناسبات كهذه..”لا تحزن ، ان الله معنا “…كما لو اننا نحتاج الى “هجرة” من جديد ، من كل ما نحن فيه و عليه ، من أجل ان نخرج من هذا الدرك الحضاري الذي سقطنا فيه …
Tamarai مطعم كويس و ده الموقع بتاعهم http://tamarai-egypt.com/ و مكانهم http://www.yellowpages.com.eg/profil...l#MapDivAnchor
و عندك برضه Blue's و ده مكانهم http://www.yellowpages.com.eg/profil...l#MapDivAnchor جنب السفارة الإسرائيلية على طول :O_o:.. يعنى أأمن مكان فى مصر :2guns:.. ربنا يستر :biggrin:
و فيه مكان حلو أوى أنا بحبه فى المهندسين و هادى عالنيل :innocent:إسمه Sequoia و ده مكانه http://www.yellowpages.com.eg/profil...estaurant.html
حفلات بقى دور عالنت و كله ما بيصدق يعمل حفلات فى راس السنة أصلاً فهتلاقى فى كل حتة.:10D5C8w1107:
بس أنا عن نفسى بفضل ليلة رأس السنة الجديدة أقضية فى البيت مع أهلى بنقعد نزين الشقة :030104_emM7_prv:و نقعد قعدة عائلية كده .. لو جت فرصة أنزل شوية بعدها بنزل. :friends:
من اجمل الجمل اللى قريتها في الموضوع ده
انت بتقعد نفس القعدة بتاعتي ولا ايه ؟؟؟؟
انا متعود اقعد القعدة دي من سنين في اليوم ده
واهم حاجة اني لازم اقبل والدي الله يديه الصحة في الدقيقة الاخيرة وبداية السنة الجديدة لو كان في القاهرة
اتفق معاك تماما
ميزا الموضوع لم يكن الغرض منه الخوض في العقيدة المسيحية بل هي قصة منقولة لتوصيل معلومة معينة
وكل سنة وانت طيب يا ميزا
وكل سنة واخواننا المسلمين والنصاري في مصر بخير
بلاش الشبه " مش قصدي حاجة عليك والله "و الخروج في اليوم دة
انا كبيري اوووي في اليوم دة اتلم انا و شوية اصحابي نقعد عند اي حد فينا نلعب ps و شكرا
بوجه كلامي لإخواني المسلمين الذين يفكرون بالخروج في ليلة رأس السنة
ليلة رأس السنة من أكبر مميزاتها شرب الخمور وظاهرة التزاحم على محلات الخمور والعياذ بالله والتساهل في المحرمات وغير ذلك مما هو محرم عند المسلمين وليس معنى كلامي أنه ليس فيها من يحافظ على نفسه ودينة
لكني أصف الفعل الغالب
فنصيحة أن لا تخرج في هذه الليلة أبداً
حتى لو كنت ناوي على أمور عادية
لأنه طالما غلب الشر على فعل معين وجب الإبتعاد عنه قدر الإمكان
فالراعي يرعى حول الحمى يوشك أن يقع فيه
يعني الراعي يأخذ خرافه ويرعى بها حول أرض ملك آخرين فلا يسلم أن تقع غنمة من غنماته في تلك الأرض وتأكل منها فيصبح قد أكل ما لا يحل له
وبالنسبة للمسلمين
هناك قاعدة هامة في الأوقات التي يكثر فيها الهرج والفسوق وشرب الخمور
قول النبي صلى الله عليه وسلم:
(عبادة في الهرج كهجرة إلي)
يعني عندا تكثر المعاصي في ليالي معينة يكون أجر الطائع فيها مضاعف أضعاف
وأحذر أخي المسلم من خاتمة السوء ومن أن تموت على معصية
علي فكره يا جماعه
مش كل سهره لازم يكون فيها معصيه
ومش كل احتفال اساسه الخمور والمحرمات
الخمور والحشيش والفجور عموما ليه ناسه
ودي حاجه ملهاش علاقه بالديانه
بغض النظر عن الشخص ده مسلم ولا مسيحي ولا يهودي ولا بوذي حتي
كل واحد وليه عاداته في الاحتفال
زي ما يكونوا ما بيصدقوا يسمعوا كلمه وقفه عيد
ايا كان العيد ده بتاع مين
فطر ولا اضحي ولا قيامه
المهم ان المخدرات حتشتغل والدماغ حتعلي
فكل واحد يحتفل بالطريقه اللي تسمحله بيها اخلاقه وعاداته
لان محدش حيتحاسب مكان حد
طبعا اليوم دة لة سهرة خاصة و الاماكن مش بعيدة يا جزيرة القطن يا لحاف هاوس و كوفرتة بارتى ههههههههههه طبعا أنا بهزر مع الجميع و بصراحة الخروج فى اليوم دة أنا مش بفضلة علشان شيىء معين يا جماعة بعض الشباب ممكن يكونو سهرو و الدنيا معاهم باظت شوية يجرى بالعربية زى السهم مش شايف أدامة الحوادث بتبقى كتير جدا و بعض الناس و ليس كلهم طبعا من الشباب بيتعاطو بعض المخدرات أحتفالية مع ان دة غلط و النتيجة حوادث يا خناقات بصراحة البيت افضل مكان
ههههههههه ربنا يخليك يادكتور
متقلقش
معتقدش ان الموضوع حيزيد
انا ملاحظ ان فيه رقي المره دي في لغه الحوار حتي
غير السنه اللي فاتت
كان ضرب نار
بس مقولتش رأيك يعني
والله موضوع راس السنه ده فكرني بموقف
كنا في وقفه عيد
وانا متعود كل عيد انا واصحابي نفضل نلعب كوره بالليل
ونروح علي صلاه الفجر يدوب نلبس وننزل نصلي العيد
وكان في اوقات الفقدان والضياع مكناش لا بنصلي عيد ولا فجر
المهم اقترح علينا واحد صاحبنا اليوم ده اننا نغير
نروح كافيه
واخد بالك
كافيييييييييييييييييييييي ييييييييييه
ورحت معاهم
وركنت العربيه وطلعت
وافاجئ بقي الموضوع جوه سنكلابي بالمشروم جوه
فاكر فيلم عيال حبيبه اما راحوا لصباح بتاعت مسطرد
بالظبط هوا ده
انا بقي اول مره اشوف المنظر ده قدامي
بس تنحت
مقدرتش اقعد
كل اللي عليا مبرق ومتنح انا واتنين صحابي ملناش في الجو ده
المهم انا مقدرتش اكمل ونزلنا تحت وقفنا في الشارع
ربنا بيحبنا اصلا المكان كان بيقفل اصلا
احنا رايحين امتي بقي
رايحين الساعه 10 بالليل
فبقول للعيال ازاي مكان زي ده بيقفل 10
قاللك اصله كافيه لحد الساعه 10 وبعدها بيقفل ساعتييييين
ويقلب كباريييييييييييييييييه
الللللللللللللللللللللللل للللللللللللللللللللللللل للللللللللللللله
هوا ده النظام
هوا انا اللي شفته ده كان الكافيه
امال الكباريه عامل ازاي
هههههههههههههههههههه
طبعا بقي قعدت اضحك عالعيال اللي فضلوا قاعدين
العيال حسابهم عالنص ساعه دي 200 جنيه
العيال اول ما قعدوا نزلت عليهم البنات قعدوا جمبيهم بقي
وهئ ومئ وطبله وشخليله
العيال طلبوا مشاريب بقي
بيريل وفيروز
ياريتهم حتي طلبوا خمره ولا نيله
كانز الفيروز اتحسب ب15 جنيه
والبيريل ب20
ههههههههههههههههههههههههه ههه
والعيال بقي اتخانقوا فووووووووق
وكان يوم منيل
اه والله
ومن ساعتها
ولا وقفه ولا حتي نص ركبه
home sweet home
بس اللي قهرني يومها وتعبلي قلبي
البنات اللي فوق كلها
اما الكافيه قفل وشفتهم بعيني مروحين
كانوا نازلين بعبايات وايشاربات
:120146b:120146b:120146b:120146b
كان هاين عليا اجيب جاز واولع فيهم وفي الكافيه
قال كافيه قال
هو ايه الكلوب ده لامؤاخذه؟
shnory ايه رايك نعمل غزوة
ياريت ياجماعة تقولو لنا اقتراحاتكم لو واحد خارج مع خطيبته وهيرجع قبل 10 بالكتير.
حاجة تكون محترمة ومفيهاش خمور ولا الكلام دا..يعني مجرد عشاء نضيف و قعدة هادية وتتحدف في العربية تروح وتحلف اني خرجتها مرة عشان متقوليش بعد الجواز انت عمرك ماخرجتني :d
اقوم جاي قايلها..مش خرجتك مرة يابيبي :d
http://www.nilemotors.net/Nile/189650-a.html
:10D5C8w1107: