الموضوع: يا اهل الخبرة فيات سيينا ولا لا

لا مش صيني و ان شاء الله حتبقي كويسه و مش حتقرفك بس ال 43 دول حاول تنزل منهم الف و لا اتنين و بشرط الحاااااااااله النضيفه علشان ما تتعبكش

على فكرة السيارة 1600 سي سي ورشة برة نضافة في التوكيل بس عايزة بطارية وردياتير والباقي زي الفل

المشاركة الأصلية كتبت بواسطة Akram

شوف لو كوري في نفس السعر ده هتبقى كويسة .

+100000000

الاخ العزيز من تجربتى مع السيارات الفيات واخرهم اونو اقدر اقولك ان الفيات قطع غياره مشكلتها انك مش بتلاقى قطع غيار اصليه ولو لقيتها مش هتللاقيها غير فى التوكيل وطبعا هتكون غاليه جدا جدا ولو اشتريتها من بره التوكيل عمرها ما هتكون اصليه لكن فى قطع غيار استيراد كتير كويسه وسعرها مناسب بتمشى الحال بس انت وحظك فيها ده بالنسبه لقطع الغيار
اما من نحية اداء العربيه هى بتعيش كويس البودى قوى واشاسيه قوى والعفشه قويه
لكن كل كمالياتها اى كلام تكييف مش قوى نعومه مش قوى
نيجى للسعر انا شايف ان 43000 يشترو لانوس2 موديل2000 فابريقه بره وجوه ممتازه وانا فعلا عملت كده واشتريت لانوس وعارض الاونو للبيع حاليا
على فكره اسبراتير الاونو تمنه بره التوكيل 700 جنيه وفى التوكيل اكتر من 1000 جنيه وانا اشتريته من عزبة شلبى استيراد ب 150 جنيه ولما المشط باظ رحت توكيل اوماترا قالولى نصلحلك الاسبراتير
ب 850 جنيه ضحكت وقلتلهم ازاى اسبراتير انا شاريه ب 150 جنيه اصلحه ب 850 جنيه وطبعا سبتهم ومشيت بعد ما دفعت حق الكشف
خلاصة الكلام لو ناوى تجيب فيات يبقى لازم تبقى حالتها شاذه متكونش مشيت اكتر من 60000 كم وتكون حالتها ممتازه ويكون العداد حقيقى مش ملعوب فيه

زي الفل وسعر كمان قليل والسيينا معايا عربيه مش بتكسفك