الموضوع: مـــروحة الماروتــــــــــــى

صباحو يا اصحابى

فى السريع كده فى حوار عندى مش مرتاحلة خالـــــــــــص

يوم السبت اللى فات رحت عملت صيانة 45 الف عقبال عندكوا ههههههه

وانا هناك اشتكيت ان عندى العربية سعات بترعش رعشة غريبة كده زى رعشة البنى ادم فى عز البرد

المهم قالى اتعملت فك الابلتين ونظف وركبة تانى. خت العربية وروحت وعادى جدا (مفيش رعش خالص دلوقتى)


يوم الاحد الصبح نازل من البيت الساعة قول 7 الصبح فى عزززززززززززز البرد يا خونا سخنت ومسكت الاتوتستراد والاقيلك مفيش دقيقة مروحة الرادياتير بتشتغل احط عينى على الحرارة الاقيها فى النص !! (ده عاداتا الحمد لله عندى مش بشوفها اصلا فى عز الحر الا لما اكون واقف فى اشارة كتير غير كده مش بشوفها)

قولت يا وااااااد طنش خاااااااااالص... المهم شوية وبعدها 10 دقايق اشتغلت تانى وهكذا لحد ما روحت الشغل

الاختبار الحقيقى بقى وانا مروح فى الزحمة بقى . مثلا فى اشارة رابعة فى مدينة نصر اشتغلت المروحة 4 مرات !!! وانا عينى على الامبير يطلع النص تشتغل نص دقيقة المروحة ينزل الامبير تفصل يطلع تشتغل

وعلى الحال ده لحد النهاردة صوت المروحة بقى مزيكة فى ودانى مع انى مش متعود على صوتها خالص!!

انا مستغرب الموضوع ده جدا جدا وزى ما بقولكوا خصوصا انى الحمد لله يا رب عمرى ما اشتكيت من سخونية ولا اى حاجة حتى فى عز الصيف. الخلاصة ان العربية بتسخن بسرعة لحد النص (هى مش بتعدى النص)

اه نسيت اقولكوا انى بقى متابع الماية الخضر . المقاس مظبوط ومفيش مشكلة

السؤال بقى :: انا متوقع ان الموضوع ده اصلا من انى حاسس انهم علو كهربة العربية ولما بدور صوت الماتور اعلى من اللى متعود علية . الكلام ده مممكن ولا انا بشتغل نفسى ولا اروح اعملهم مجنون ولا اية مش عارف

انا بكلم نفسى من الحوار ده

لاء ما ينفعش كدة يا ايهاب شوف لنا موضوع السخونة دة ايه انت قلقتنى كدة