شكرا ليك يا استاذ احمد دائما سباق للخير --- فعلا انا كنت ناوى اتدى ب 110 و اوصل ل 115 و ان شاء الله اخلص فيها و طبعا حوديها للتوكيل كشف كامل عليها ب 165 ج عند الدراسة
شكرا ليك تانى يا استاذ احمد و لخدماتك معانا
عرض للطباعة
ربنا يوفقك فى أى سيارة تجيبها بس بص اليابانى مجرب فى مصر من فترة وأثبت كفاءة إنما المكسيكى أول مرة ينزل وبعدين محدش جربه.
يعنى لو تفتكر الفولكس واجن (الخنفسة) كان بيتقفل فى ألمانيا ثم المكسيك برضه والفرق هاسيبك إنت تقول عليه، ومرة أخرى ربنا يوفقك
انا رأيى تخلص فى دى على 120 و بلاش تجيب المكسيكى لانى مفهاش اى حاجة جديدة من 2010 بل العكس الموديل 2009 و 2010 شكلها اجدد من جوة و من برة و يبانى كمان و على فكرة لو قارنت المكسيكى و اول موديل للتيدا هاتلاقى هوة هوة مع الفرق الصغير فى الشبكة و الفوانيس.
انا اتمنالك كل خير و توفيق فى اختيار عربيتك
التقفيل اليابانى و الصناعة اليابانى بصفة عامة هى الأفضل على مستوى العالم و لو متوفر أمامك تقفيل يابانى لا تتردد نهائياً و توكل على الله و أنت مطمئن تماماً و بالتوفيق إن شاء الله
[mark=#fff9b5]
واضح إن الأغلبية بتأيد الياباني أولاً لأنها ياباني.. وثانياً لأن المكسيكي ما حدش يعرف عنها حاجة وثالثاً لأنالياباني أفضل كمان في الكماليات الموجودة بها..
وأعتقد زي ما قلت لحضرتك في بداية الموضوع.. 120 ألف مش كتير عليها.. بل بالعكس ده مناسب جدا.. طبعا لو نجحت مع صاحبها في أقل من كدة يبقى ممتاز.. لكن القصد إنك مش هاتكون مظلوم لو أخدتها بالسعر ده.. لكن هو برضه مش هايكون مظلوم لو باعها لك بـ 117 وأنا أتوقع إنه يوافق مباشرة على 120 وبعد شوية فصال وشطارة لو على 117.. اقل من كدة أعتقد هو هايحس إنه خسر فيها أكثر مما استهلك في 5 شهور.. ولا تنس أن الرسول نصحنا بألا نبخس الناس أشياءهم يعني لا نقلل ثمن شراء البضاعة عما تستحقه فعلاً..
والمعيار العادل في هذه الحالة هو أن يسأل الواحد منا نفسه.. لو أنا اللي بابيع ياترى هاقبل أبيع بكام؟
وفي كل الأحوال رحم الله رجلا سمحا إذا باع سمحا إذا اشترى..[/mark]
شكرا ليكم كلكم يا جماعة
انا سالت عليها فى السوق بره لقتها فى حدود من 110 الف الى 115 الف بنفس الحاله اللى انا وصفتها واستشرت الراجل اللى عامل خدمة تقيم للعربيات فى المنتدى هنا قالى نفس الكلام 110 الف
اتصل بيه ما بيردش خالص على التلفون فين لما رد
لما كلمته قالى 120 الف قلت فى بالى مش مشكله طب نشوف العربية
وقالى معلش انا اصلى كنت مشغول نتقابل اليوم الفلانى --- خلاص ماشى --- لقيته اتصل بيه واعتذر عن الموعد واجله ليوم تانى --- قعدت مستنى واتصلت بيه قالى معلش اصل كنت مسافر و مشغول وجاى بكرة وحكلمك و حجيب العربية لحد البيت عندك ( الكلام ده المفروض انه يتم اول امبارح) قعدت اليوم كله مفيش حد اتصل
قلت خلاص فكك منه ده واحد بيدلع -- وانا بصراحة مستعجل عاوز اجيب العربية لظروف خاصة بيه صحية - فنزلت تانى امبارح اتفرج على التيدا الهاف اوبشن ( اللى هى مش بلاس)
بصراحة روعه 2 ايرباج و فوانيس شبورة و abs-ebd-bs - تكيف بكر
بس مافيهاش جنوط اسبور ولا مساند ايد ولا نور فى السقف ناحيه المراية الامامية و مفيش تحكم فى الطارة والفرش قطيفة حلو مش وحش والواحد كده كده بيركب فرش بس كده و الكرسى السواق مابيوطاش ولا بيعلى ( كل ده فرقه فى حدود 12 الف بينها و بين البلس)
الريموت هو الريموت والشكل هو الشكل والعزم هو العزم
وبسعر 115الف وممكن المعرض يعمل عرض فى السعر فانا قررت اجبها
بس اخويا لعب فى دماغى وقالى هات السوبر صالون اوفر 15 الف و عربية جباره وثبات و تسارع وجنوط و عليها سحب فعلا بالعبيط
لان الراجل فى المعرض قالى ان التيدا اجبهالك الصبح انما الصنى بالحجز فى حدود اسبوع
وهو فعلا مجرب العربية الصنى وانا سقتها منه و فعلا عجبانى
ايه رايكم
اجيب التيد بالشكل اللى انا وصفته ولا اجيب السوبر صالون و اوفر 15 الف ( انا اللى يفرق معايا فى العربية الفتيس الاوتو و الثبات على السرعات و التسارع الرهيب -- اصل انا سوقتى عنيفة حبتين ) افيدونى عشان انا نازل احجزها اليومين دول ان شاء الله
طالما دخلت فى مقارنة بين الاتنين حيكون صعب
لان دى التيدا فئة والصنى فئة تانية
وانا من ملاك التيدا ولو على ال15 الف الفرق اقدر اقولك انهم يستهلوا جداااا , ولكن
لو بتتكلم على الثبات يبقا مش حينفعك التيدا , لان الثبات بعد ال140 بيضعف ,
بس العربية تسارعها قوى وحتى على السرعات العالية واستجابتها قوية جدا فى السرعات المنخفضة وفى ا لسرعات العالية
وفتيس وسحب التيدا اقوى من الصنى
وتقفيل التيدا وماتورها اقوى من وافضل منها حتى المكسيكى تقفيله افضل من الصنى والتقفيل المصرى
ووسع فى الصالون من الداخل
استهلاك بنزين افضل من الصنى بسبب البوجيهات البلاتنيوم , اللى كمان بتعطيك جنب توفير الاستهلاك قوة فى الاداء
قريب جدا حنتقابل فى فى مقابلة نيسان
وجرب الاتنين واكيد حيكون فى المقابلة ملاك التيدا وملاك الصنى وشوف اللى يريحيك وجربه
او اعمل تيست دريف فى اتو ايجيبت او السبع وجرب الصنى والتيدا لو انت مستعجل
بس رائى انتظر لغاية ما يجى المعرض واستغل احيانا العروض والخصومات وهات وقت المعرض
ولو بتدور على توفير بردوا وحاجة عملية سعر قليل مقابل داء جيد بردوا يبقا الصنى
خلينا نرتب المسألة بالراحة.. أولاً التيدا بتاعة الراجل ده هي الاختيار الأساسي.. فلازم تقفل بابها نهائي الأول قبل ما تفكر في غيرها بدل ما تروح تشتري وبعدين تفاجأ بيه بيتصل بيك وترجع تقول ياريتني استنيت.. لذا أنصحك تتصل بيه مرة أخيرة أو تبعت له رسالة على الموبايل تقول فيها إنك عاوز تخلص في العربية خلال يومين مثلاً هل هو ناوي يبيع ولا تشوف غيرها؟
بعد كدة لو ما لكش نصيب فيها.. نفكر بقى تجيب الفئة الأقل ولا تنقل التفكير كله إلى الصني؟؟؟
رأي الشخصي كما يلي: الفرق كان واضح قوي في حالة التيدا البلاس.. أما مع الفئةالأقل فالمقارنة صعبة.. واللي هايحسمها طبيعة أولوياتك.. بمعنى إنك لو عاوز عربية عائلية واسعة تبقى التيدا.. عاوز تصنيع وتقفيل وإتقان عالي مفيهوش غلطة تبقى التيدا.. عاوز تسارع رهيب وسحب خرافي ونعومة غير عادية في النقلات وموتور تتعب لغاية ما تسمع صوته تبقى التيدا..
أما لو عاوز ثبات أعلى تبقى الصني.. لو عاوز شياكة وفخامة في المظهر الخارجي (ودي وجهات نظر) تبقى الصني.. لو عاوز عربية مضمونة في سعر إعادة البيع وكمان في قدرة الميكانيكية على التعامل معاها بعد فترة الضمان تبقى الصني.. وطبعاً لو عاوز توفر 15 ألف تبقى الصني
وزي ما انت شايف.. المقارنة بتقول إجمالا إنك بتشتري إمكانات وكفاءة وإتقان واتساع مقابل ثبات وانتشار وفرق 15 ألف.. والاختيار لك.. بس في الحالتين تمسك بالأوتو مش المانوال..
لو بتطلب الرأي ونصيحة.. دور على التيدا الكاملة.. شوف في المعارض أو اسأل في التوكيل.. أعتقد مش صعب تلاقي تيدا 2010 زيرو.. وممكن تاخد عليها تخفيض كبير حسب شطارتك.. ولو عاوز طريقة سحرية تحسم لك الاختيار.. اعمل استخارة.. وستجد ما يريده الله لك يتيسر ويتحبب إليك..