تيدا يبانى ولا التيدا المكسيكى

**egypt0777** · 23-12-2010 07:01 AM

اصدقائى فى منتدى النيسان

طبعا انتم عارفين انا انا عاوز اغير عربيتى الاولنية وبصراحة شكل الصنى الجديده و مقساتها حاسس انها خفيفة و صغيره

عشان كده نويت على التيدا

المهم وانا فى احدى معارض الموزعين المعتمدين من نيسان

قالى انه عنده عميل كان شارى التيدا 2010 فول اوبشن ( اعلى كتجرى) و يبانى من 5 شهور وعامله 5000 كيلو بس وعاوز يبعها و يجيب ال السلفى

وهو عرضها للبيع هو جبها ب 125 الف وممكن يبنزل فى سعرها

ايه رايكم ايه هو سعرها العادل بالمواصفات ده ؟؟

وهل اجبها ولا اجيب التقفيل المكسيكى ؟؟

برجاء النصيحة فى السؤلين دول

**askoda** · 23-12-2010 07:57 AM

I think if this car is Just Like Zero it'll be better than 2011 not for being Mexican No but for the Options removed from the 2011

Please tell me in case you'll not take this car i may think about it if the price is suitable

I think the suitable price will be around 120

**egypt0777** · 23-12-2010 06:27 PM

المشاركة الأصلية كتبت بواسطة askoda

I think if this car is Just Like Zero it'll be better than 2011 not for being Mexican No but for the Options removed from the 2011

Please tell me in case you'll not take this car i may think about it if the price is suitable

I think the suitable price will be around 120

شكرا على الرد ان سالت فى مركز خدمه يونايتد ان ممكن اعمل كشف كامل للعربية و اعتقد ان ده افضل حاجة لمعرفة حاله العربية

المشكله دلوقتى فى السعر لانى دخلت على موقع عربيات متخصص فى المستعمل لقيت التيدا 2008 ب 85000 ج امال ال 2010 تعمل كام مع العلم انه زيرو كانت ب 125000 ج يبقى

ياريت حد عنده خبره بالتيدا و سقها يفدنى

**AbuHusam** · 24-12-2010 01:51 AM

[mark=#faf9e3]أولاً اختيارك للتيدا موقف وإن شاء الله ربنا يوفقك فيها..
ثانياً التيدا الياباني أفضل من المكسيكي في كل شيء.. وبالتالي تشتري الياباني اللي عاملة 5000 ك أحسن كتير من المكسيكي الزيرو اللي إمكاناتها أقل وسعرها أعلى!

يتبقى حاجتين.. السعر والحالة.. الكشف عليها هايحدد حالتها.. ولو حالتها كويسة يعني مفيش أي عيوب أو هلك ينقص من العمر الافتراضي للقطع الرئيسية.. يبقى تتوكلعلى الله..
بالنسبة للسعر.. التيدا سعرها بينزل كتير عند إعادة البيع.. وده بسبب عدم انتشارها ولأنها بدأت تبقى معروفة وتكتسب الثقة مؤخراً يعني من سنة أو اثنين بس.. والعربية 2008 اللي نزل سعرها حوالي 40 ألف انت ما تعرفش حالتها عاملة إزاي..
أما المعروضة عليك.. فلو نزلت 5000 أعتقد ده مناسب جدا وسعر عادل لك وللبائع.. خمسة شهور استهلاك بخمسة آلاف جنيه.. خصوصاً إن الزيرو المكسيكي هاتخلي الياباني المستعملة سعرها يعلى!
يعني لما تشتريها دلوقتي بـ 120 ألف وتحب تبيعها بعد سنة هاتبيعها برضه بـ 120 ألف لأنها ياباني وإمكاناتها أعلى من الجديدة!
اكشف عليها ولما تطمئن اعمل استخارة وتوكل على الله وربنا يرزقك خيرها ويكفيك شرها وابقى طمنا عملت إيه..[/mark]

**Ahmed.TV** · 24-12-2010 04:30 PM

السعر المناسب ليها 115 الف

وعلى فكرة
انا عجبنى المكسيكى جدا
لكن
سعرها بس اللى مش عجبنى
لان بردوا
سعر التيدا من زمان غالى ومش عجبنى , فكان عندى امل ان سعرها ينزل فى الموديلات الجديدة
العربية المعروضة عليك ده لو تخلصها بالسعر ده يبقا تحفة جدااا

**egypt0777** · 24-12-2010 05:57 PM

شكرا ليك يا استاذ احمد

انا حاحاول مع الراجل

فى حاجة تحب تنصحنى بيها و اخد بالى منها و انا بتفرج على العربية - بما ان حضرتك من ملاك التيدا - حاجة مثلا تكون عيب فى التيدا او حاجة زى كده ؟

شكرا ليك تانى لاهتمامك

**egypt0777** · 24-12-2010 06:01 PM

المشاركة الأصلية كتبت بواسطة AbuHusam

[mark=#faf9e3]أولاً اختيارك للتيدا موقف وإن شاء الله ربنا يوفقك فيها..
ثانياً التيدا الياباني أفضل من المكسيكي في كل شيء.. وبالتالي تشتري الياباني اللي عاملة 5000 ك أحسن كتير من المكسيكي الزيرو اللي إمكاناتها أقل وسعرها أعلى!

يتبقى حاجتين.. السعر والحالة.. الكشف عليها هايحدد حالتها.. ولو حالتها كويسة يعني مفيش أي عيوب أو هلك ينقص من العمر الافتراضي للقطع الرئيسية.. يبقى تتوكلعلى الله..
بالنسبة للسعر.. التيدا سعرها بينزل كتير عند إعادة البيع.. وده بسبب عدم انتشارها ولأنها بدأت تبقى معروفة وتكتسب الثقة مؤخراً يعني من سنة أو اثنين بس.. والعربية 2008 اللي نزل سعرها حوالي 40 ألف انت ما تعرفش حالتها عاملة إزاي..
أما المعروضة عليك.. فلو نزلت 5000 أعتقد ده مناسب جدا وسعر عادل لك وللبائع.. خمسة شهور استهلاك بخمسة آلاف جنيه.. خصوصاً إن الزيرو المكسيكي هاتخلي الياباني المستعملة سعرها يعلى!
يعني لما تشتريها دلوقتي بـ 120 ألف وتحب تبيعها بعد سنة هاتبيعها برضه بـ 120 ألف لأنها ياباني وإمكاناتها أعلى من الجديدة!
اكشف عليها ولما تطمئن اعمل استخارة وتوكل على الله وربنا يرزقك خيرها ويكفيك شرها وابقى طمنا عملت إيه..[/mark]

شكرا لحضرتك فعلا انا بقول اليبانى يبانى برده

خصوصا وانا بتفرج على المكسيكى فى المعرض لقيت بوية العربية مسيله عن الباب و طبعا عشان العماله مكسيكى

**Ahmed.TV** · 24-12-2010 09:30 PM

وارد اى عربية وحتى لو يابانى تلاقى فيها تسيلة بوية

العربيات المكسيكى بتروح امريكااااااااا ياجماعةةةةةةةةةةة , فهمين يعنى ايه

يعنى لو العملاء هناك مش عجباهم العربية , كان الدنيا اتقلبت

هو بس اللى مش عجبنى فيها 5 حاجات للامانة

1- السعر
2 -كان نفسى يكون فيها جنوط 16
3 -كان نفسى يكون فيها مثبت سرعة
4 -كان نفسى يكون فيها عازل حرارة فى الكابوت
5-كان نفسى يكون فى كل الموديلات فتحتة سقف وسبويلر , مش فى موديلات ودموديلات

واذا كانت العربية زى ما قولتلك كويسة ولقطة خالصها ب115 الف وانت الكسبان , فيها ترخيص سارى 3 سنين اذا كان عاملها كدا

وكمان ماشية 5000

المهم بس افحص العربية فى التوكيل وبص عليها كويس من تحت ومن على الصاج عشان ميكنش فيها اى خطبة ومرشوشة

واذا كان اتفقت على السعر ونويت ولو عايز اكون معاك انا تحت امرك

بس ياريت تتكلم معاه فى 110 الف فى الاول وتشوف الدنيا حتوديك معاه لايه

انا عربيتى صاحبها قبل منى كان جايبها ب127 الف وكانت عاملة 18الف ونص كيلو , وموديل 2009 وفيها ترخيص 3 سنين وفى الضمان , وكل صياناته فى التوكيل واخدتها منه ب105 الف

فالعربية دى لو ب125 جديدة وقت لما جابها وكمان ماشية 5000 ومفهاش الهواء يبقا العدالة تخلص ب115 بالكتير

وربنا يوفقك

وتحت امرك فى اى خدمة