عايز اركب وحده رفع هل ده فيه مشكله من ناحيه الضمان ولو فيه مشكله هل ممكن الضمان يركبه ليا ارجو الافاده
عرض للطباعة
عايز اركب وحده رفع هل ده فيه مشكله من ناحيه الضمان ولو فيه مشكله هل ممكن الضمان يركبه ليا ارجو الافاده
بحثت هذا الموضوع بحثا طويلا فى مختلف الأتجاهات ..
سألت اكبر محلات بيع وتركيب الكماليات
سالت التوكيل فى القاهرة وأسكندرية
سألت زملاء أفاضل لنا فى المنتدى .. حاولوا من قبل تركيب وحدات رفع
وللأسف تبين أن وحدات الرفع غير متوافقة مع برنامج السيارة
وكل من قام بتركيبها ألغاها بعد ذلك . بعد أن سببت مشاكل كبيرة بالسيارة .
فوصلت فى النهاية لنتيجة واحدة
مستحيل تركيب وحدات رفع فى byd f3
:B4_611:
ولكن حتى نبقى على الأمل
أرجو أذا كان أحد الزملاء ركبها ونجحت معة
أن يتفضل بأخبارنا بتجربتة
هل المشاكل حدثت بعد تركيب وحدات الرفع نتيجة عدم تحمل ضفيرة العربية ، أم تركيبها بشكل خاطئ .
ولا المشاكل راجعة للتعارض (Conflict) مع نظام الأمان في السيارة (قفل السنتر بعد سرعة 20كم) .. أنا مش عاوز أفتي بس أعتقد أن حل المشكلة يكمن في هذه الجزئية .. ومحتاجة فني خبير لتركيبها .. لأنه من طبيعة وحدة الرفع أنها تعمل مع السنتر لوك .. وممكن وحدة الرفع تأخذ الكهرباء الخاصة بها بسلك من البطارية مباشرة بعيداً عن ضفيرة الكهرباء .. وبعد ذلك توصيل سلك تاني مع السنتر لوك لتعمل معه .
وهل يمكن للوكيل توفير وحدات رفع تتوافق مع السيارة بحيث لا تعمل مشاكل معها .
المشاكل التى حدثت تدل على أن هناك تداخل حدث مع البرنامج الأساسى للسيارة .
مثال لما حدث مع البعض بعد تركيب وحدات الرفع :
- أذا ضغطت الفرامل يرتفع الزجاج وفشلت جميع محاولاتهم فى علاج ذلك .
- حدث مع البعض شئ مختلف .. أذا فتح أى زجاج يفتح الأربعة وكذلك فى حالة الأغلاق .
وباقى الحالات من هذا النوع .. ولكن المشكلة أن لا أحد سألتة ووجدت أنة نجح فى أيجاد حل وكانت النتيجة فى النهاية ألغاء وحدات الرفع .
أعتقد أنة لابد من سؤال شركة byd فى الصين . وأعتقد لو هناك حل أو جهاز رفع متوافق مع السيارة . فلابد أن يكون عن طريقهم .
شكرا جزيلا استاذنا abojessy على هذه المعلومة التى لم اكن ادرى بها لانى كنت ناوى اضع وحدات الرفع بعد الخروج من الضمان مثلما فعلت مع اللانوس وشكرا استاذ باسم لمحاولة التفسير وايجاد الحل
جميع أرائي في هذه المشاركة بناء على اجتهادات وليس حقائق ، ولو في تصحيح لأي حاجة أرجو توضيحها.
المسألة محتاجة واحد يكون بيفهم في الإلكترونيات .. أو فني على دراية وخبرة كبيرة بعمله .. ليمنع التعارض بين وحدات الرفع وبين نظام غلق السنتر لوك .
بمعنى أخر من الممكن لو تم إلغاء أو تخطي نظام غلق السنتر لوك عند سرعة معينة أو مع دوسه الفرامل .. أعتقد المشكلة حتتحل .
الموضوع عاوز دراسة من مهندس الكترونيات للخريطة الإلكترونية بتاعة الزجاج الكهربا ونظام غلق السنتر لوك .. ومن السهل إيجاد الحل .
شاكر لمروكم الكريم بس الموضوع زي ماقال باسم محتاج حد بتاع الكتورنيات
ربنا يخليك يا د. مناهري .. بس فعلاً الموضوع يغيظ .. وأنا بحب المشكلات اللي فيها تحدى لإيجاد حلول لها .. ويا رتني كنت بفهم في الإلكترونيات كنت حطيت دماغي فيه ووجدت الحل .. بس للأسف ده مش مجالي .
طب مسألتش حضرتك نفسك المشكلة دي محصلتش في اللانوس ليه لما ركبتلها وحدات رفع .. الحاجة الوحيدة المختلفة بين العربيتين هي قفل السنتر عند الوصول لسرعة معينة أو عند دوس الفرامل .. مش كدة برضه ؟!! إذاً المشكلة منحصرة في السنتر لوك (سواء بقى نوعيته أو نظامه وفي الأغلب نظام الغلق ليه للأمان اللي بيعمل كدة) .
يا ريت لو مهندس إلكترونيات أو بيفهم في الإلكترونيات في المنتدى .. يوجد حل علمي للمشكلة دي .
مع خالص احترامى للجميع الموضوع دا فى غاية البساطة جدا لأن لى واحد زميل ركب وحدة رفع فى العربية بتاعتة بعد خروجة من الضمان وشغال معاة بشكل ممتاااااااااااز ومشفتش معاة اى مشكلة من اللى حضراتكم بتتكلموا عنها وانا عن نفسى ركبت معاة وجربت وحدة الرفع بنفسومحصلش اى حاجة غير طبيعية -
العربية بتقفل عادى جدا بعد ما بتنزل منها ويرتفع الزجاج - وانا ماشى ضغطت على الفرامل والزجاج مرتفعش
كل شى طبيعى جدا
وسألتة انت عملت الشغل دا فين دلنى على الراجل اللى عملهولة هنا عندنا فى السويس
العربية اللي ركب فيها وحدة الرفع دي .. تقفيل مصري ولا تقفيل صيني ؟
هل كان فيها نظام الأمان بتاع غلق السنتر لوك عند الوصول لسرعة معينة أو الدوس على الفرامل ولا لآه ؟
لو فيها النظام ده ممكن حضرتك تسأل الفني ده عمل أيه للتغلب على المشكلة ... واللي أعتقده أنه لاغى نظام الأمان ده .
وهناك اقتراح لشركة الأمل عند تجميع السيارة بتعديل نظام السنتر لوك أو تغيير نوعه ليتوافق مع وحدات الرفع .