الموضوع: عايز اركب وحده رفع

المشاركة الأصلية كتبت بواسطة abojessy

بحثت هذا الموضوع بحثا طويلا فى مختلف الأتجاهات ..
سألت اكبر محلات بيع وتركيب الكماليات
سالت التوكيل فى القاهرة وأسكندرية
سألت زملاء أفاضل لنا فى المنتدى .. حاولوا من قبل تركيب وحدات رفع
وللأسف تبين أن وحدات الرفع غير متوافقة مع برنامج السيارة
وكل من قام بتركيبها ألغاها بعد ذلك . بعد أن سببت مشاكل كبيرة بالسيارة .
مشاكل من نوعية أيه يا أستاذ / أبو جيسي
فوصلت فى النهاية لنتيجة واحدة

مستحيل تركيب وحدات رفع فى byd f3

خسارة كبيرة ..

ولكن حتى نبقى على الأمل
أرجو أذا كان أحد الزملاء ركبها ونجحت معة
أن يتفضل بأخبارنا بتجربتة

هل المشاكل حدثت بعد تركيب وحدات الرفع نتيجة عدم تحمل ضفيرة العربية ، أم تركيبها بشكل خاطئ .

ولا المشاكل راجعة للتعارض (Conflict) مع نظام الأمان في السيارة (قفل السنتر بعد سرعة 20كم) .. أنا مش عاوز أفتي بس أعتقد أن حل المشكلة يكمن في هذه الجزئية .. ومحتاجة فني خبير لتركيبها .. لأنه من طبيعة وحدة الرفع أنها تعمل مع السنتر لوك .. وممكن وحدة الرفع تأخذ الكهرباء الخاصة بها بسلك من البطارية مباشرة بعيداً عن ضفيرة الكهرباء .. وبعد ذلك توصيل سلك تاني مع السنتر لوك لتعمل معه .

وهل يمكن للوكيل توفير وحدات رفع تتوافق مع السيارة بحيث لا تعمل مشاكل معها .

جميع أرائي في هذه المشاركة بناء على اجتهادات وليس حقائق ، ولو في تصحيح لأي حاجة أرجو توضيحها.

المشاركة الأصلية كتبت بواسطة abojessy

المشاكل التى حدثت تدل على أن هناك تداخل حدث مع البرنامج الأساسى للسيارة .
أعتقد أن برنامج السيارة يكون عمله في التحكم في السينسورز والبوابات بتاعة الموتور فقط ومن الممكن دواسة البنزين أو الفرامل لو كانت تعمل بالكهرباء (وده مش موجود في الأف ثري).. وليس في المكونات التي تعمل بالكهرباء مثل الزجاج الكهربا أو المصابيح .... إلخ
مثال لما حدث مع البعض بعد تركيب وحدات الرفع :
- أذا ضغطت الفرامل يرتفع الزجاج وفشلت جميع محاولاتهم فى علاج ذلك .
ده راجع لنظام الأمان الموجود في السيارة .. اللي لما توصل لسرعة معينة أو تدوس فرامل السنتر لوك يقفل وبالتالي تعمل وحدات الرفع .
- حدث مع البعض شئ مختلف .. أذا فتح أى زجاج يفتح الأربعة وكذلك فى حالة الأغلاق .
ده نتيجة خطأ واضح في توصيل وحدات الرفع مع الزجاج الكهربا .
وباقى الحالات من هذا النوع .. ولكن المشكلة أن لا أحد سألتة ووجدت أنة نجح فى أيجاد حل وكانت النتيجة فى النهاية ألغاء وحدات الرفع .
أعتقد أنة لابد من سؤال شركة byd فى الصين . وأعتقد لو هناك حل أو جهاز رفع متوافق مع السيارة . فلابد أن يكون عن طريقهم .
ودمغة المهندسين المصريين فين .. لو حد حط دماغه في الموضوع ده حيحل المشكلة .

المسألة محتاجة واحد يكون بيفهم في الإلكترونيات .. أو فني على دراية وخبرة كبيرة بعمله .. ليمنع التعارض بين وحدات الرفع وبين نظام غلق السنتر لوك .

بمعنى أخر من الممكن لو تم إلغاء أو تخطي نظام غلق السنتر لوك عند سرعة معينة أو مع دوسه الفرامل .. أعتقد المشكلة حتتحل .

الموضوع عاوز دراسة من مهندس الكترونيات للخريطة الإلكترونية بتاعة الزجاج الكهربا ونظام غلق السنتر لوك .. ومن السهل إيجاد الحل .

المشاركة الأصلية كتبت بواسطة elmanahry

شكرا جزيلا استاذنا abojessy على هذه المعلومة التى لم اكن ادرى بها لانى كنت ناوى اضع وحدات الرفع بعد الخروج من الضمان مثلما فعلت مع اللانوس وشكرا استاذ باسم لمحاولة التفسير وايجاد الحل

ربنا يخليك يا د. مناهري .. بس فعلاً الموضوع يغيظ .. وأنا بحب المشكلات اللي فيها تحدى لإيجاد حلول لها .. ويا رتني كنت بفهم في الإلكترونيات كنت حطيت دماغي فيه ووجدت الحل .. بس للأسف ده مش مجالي .

طب مسألتش حضرتك نفسك المشكلة دي محصلتش في اللانوس ليه لما ركبتلها وحدات رفع .. الحاجة الوحيدة المختلفة بين العربيتين هي قفل السنتر عند الوصول لسرعة معينة أو عند دوس الفرامل .. مش كدة برضه ؟!! إذاً المشكلة منحصرة في السنتر لوك (سواء بقى نوعيته أو نظامه وفي الأغلب نظام الغلق ليه للأمان اللي بيعمل كدة) .

يا ريت لو مهندس إلكترونيات أو بيفهم في الإلكترونيات في المنتدى .. يوجد حل علمي للمشكلة دي .