للناس إللي مركبة زينون..اتسحبت رخصتك كام مرة

**ecybrarian** · 24-12-2010 12:33 AM

أنا شايف إن الناس مش هاممها واغلب الناس مركبة زينون وكله ماشي..طيب بتعملوا ايه مع الفحص واللجان ؟؟بتطفوا النور ولا بتعملوا ايه بالظبط؟؟..وايه هي اشهر الأماكن إللي بيتسحب فيها الرخص بسبب الزينون؟؟؟ وآخر سؤال بقى..اتكل على الله واركب زينون (لرؤية افضل) ولا اخلليني في السليم احسن؟؟؟

**eldell** · 24-12-2010 01:24 AM

متااااااااااابع

**MBhead** · 24-12-2010 01:55 AM

حضرتك هوا الزينون اضاءة احسن من العادي بكتير و خصوصا لو ماركة محترمة بوش مثلا
لو ضابظ رخم حياخد الرخص انا مرة اتسحبت الرخص من عشات مركب فوانيس شبورة لونها اصفر مش زينون حتي
الزينون تقريبا لازم تشيلوا في الفحص و في اللجان في ناس بتطفي النور خالص
بس راي خليك في السليم احسن و بلاش و جع دماغي و بردو انا شايف موضوع اللجان دي مش ظريف يعني كل لجنة حد اطفي النور
و لك حريه الاختيار

**mahmoud_afifi** · 24-12-2010 01:55 AM

الحمدلله مركب زينون من اكتر من سنه ومافيش اي مشاكل الحمدلله.
بس طبعا لما بدخل طريق فيه ولو عسكري واحد بطفي الزيون وافضل على الفوج لايت اتقاءا للمشاكل و وجع الدماغ.
ماجربتش لسه موضوع الفحص, بس فعلا الزيون مفيد جدا في الشوارع المكسره خاصة لو فارش لتحت مش لفوق. منه مش هتئذي الناس ومنه هتنور تحتك.

**د.محمود صلاح** · 24-12-2010 09:32 AM

ممكن ما تحصلكش حاجة وممكن حد يرخم عليك في لجنة ... فالأفضل بلاش منه

**beetleMOSH** · 29-12-2010 04:12 AM

ههههههههههههه
فكرتنى باللذى مضى
انا مركب زينون بقالى حوالى سنتين اهو
المهم الرخصه اتسحبت منى مره واحد بس فى كمين عباس العقاد الرخم ده
المهم الامين قاللى الرخص ادتهالوا مبصش فيها
راح واخدها جرى على الظابط و لبسنى
مستناش حتى "اكرمشله" اى حاجه
المهم اتسحبت و الظابط رخم
و انا كبرت دماغى بينى و بينك
و بعدها بكام يوم روحت فيمت العربيه كلها
الرخصه اتسحبت فى شهر 10
انا جبتها فى اخر 4 عشان التجديد فى اول 5
المهم انا برضه مودتش العربيه فحص
و جبت الرخصه كوسه
بس دفعت المخالفه

المهم برضه ركب زينون بس اعرف اماكن الكماين و اوقات اللجان المروريه
و كده يبقى تمام اوى و يبقى عملت اللى فى دماغك