العربية الماروتى بتبقى مش عايزة تدور ألا بصعوبة وبعد عدة محاولات لما أركنها وأنزل أشترى حاجة لمدة خمس - عشر دقايق ، أنما لما تبرد خالص أو الصبح بسم الله ماشاء الله من أول مرة
ياترى السبب أيه ؟ أخوكم أبيض فى الميكانيكا والكهرباء
عرض للطباعة
العربية الماروتى بتبقى مش عايزة تدور ألا بصعوبة وبعد عدة محاولات لما أركنها وأنزل أشترى حاجة لمدة خمس - عشر دقايق ، أنما لما تبرد خالص أو الصبح بسم الله ماشاء الله من أول مرة
ياترى السبب أيه ؟ أخوكم أبيض فى الميكانيكا والكهرباء
ممكن يكون الثرموثتات بتاع التبريد كانت مشكله زمان في العربيات الادا مش عارف في الماروتي ايه الاخبار
راجع البطاريه ممكن يكون الشحن بتعها ناقص او الميه
هي كاربراتير ولاأنجكشن لو كاربراتير ممكن يكون باب الكاربراتير مبيقفلش كويس فبتشرق ونفس الموضوع لو رشاشات
شوف الموبينه
قلنا هي موديل كام
سؤال
العربية عاملة كام الف كيلومتر، وهل زيتها بينقص وللا لأ وهل العربية سخونتها طبيعية وللا بتسخن زيادة
يا جماعه انا عندي نفس المشكلة .. اسمحلي يا استاذ خالد اشاركك في سؤالك ...
يا بشمهندس سبعاوي ... العربية الصبح بتلقط على طول وتشتغل .. . انما لما اعمل مشوار وتسخن بتدور بعدها بصعوبة فعلا
العربية دايهاتسو شارمنت 83 اوتوماتيك ... وبتسخن في الزحمه فقط لا غير ... انما لما اكون ماشي يكاد مؤشر الحرارة مابيتحركش من مكانه ( اعتقد ان الموضوع ده بيدل على مشكلة برضو )
ارجو المساعده
العربية موديل 2007 يدوب بقالها 6 شهور من شهر 9 / 2007
وعاملة 4050 كم والزيت زى الفل مش بينقص ولا حاجة ، ومش بتسخن والمؤشر بتاعها فى المدى الطبيعى
كدة يبقى احتمال كبير جدا ان مشكلتنا فى الكربراتير ، وان كنت مش قادر اجزم انها 100% كاربراتير، لكن مبدأيا اقترح عليك تجرب تكارك لها بنزين خفيف لما تيجى تدورها وهى سخنة، لو ده خفف من حدة المشكلة يبقى الكربراتير محتاج ظبط
يا خالدانا كان عندي مشكلة قريبة من مشكلتك
انا حشرحلك اللي حصل معايا و انت قارنها بمشكلتك
1 - العربية كانت بدور الصبح كويس
2 - العربية بتفصل مني و انا ماشي
3 - ادورها تانى احيانا تشتغل على طول واحيانا تشتغل بعد فترة
( طبعا خلال الفترة ده اكون فتحت الكبوت و عملت فيها المكانيكي الفصيح اللي فاهم كل حاجه )
4 روحت الميكانيكي سألني سؤال و طلب مني آخد بالي منه لما بتفصل مني
( هل لمبات الكونتاكت الزيت البطارية بينورو لا بتفصل )
5 المهم طلع العيب مشهور و معروف و هو عبارة عن شئ يسمى مشط كهرباء مثبت اسفل المبينه
في الدوجان كان تمنه 90 جنيه تقريبا
و ربنا يوفقك
أستاذى الفاضل/ محمد الشيخ
الوضع عندى كالاتى:
العربية بتدور الصبح كويس جداً من أول مرة
بس العربية مابتفصلش منى وأنا ماشى ، أنا ببطلها لغاية أخلص مشوارى وأرجع مثلاً أمبارح أقربها فى شارع جامعة الدول العربية نزلت أشترى حاجة من رضوان العجيل لمدة 10ق ورجعت ، ألا رأسها وأف جزمة قديمة مش عايزة تدور ، فتحت الكبوت وأنتظرت حوالى 10 ق لما تبرد ودارت بعدها والحمد لله بس كنت حاطط أيدى على قلبى وخايف مووووت لحسن ماتدورش ونتبهدل أنا والعيال لكن الحمد لله ربنا ستر
عمنا الكبير / سبعاوى
أخوكم أبيض خالص فى الميكانيكا لأن أصلاً أنا ماعرفش شكل الكربراتير أيه؟!
المهم أنا فعلاً بكارك لها لما بتكون سخنة ولكن المشكلة كما هى ومابتدورش بسهولة
الأخ/ Volvo man
زى ماقلت أنا ماععرفش شكل ولامكان الكربراتير فين أصلاً
بس طبعاً بفتح الكبوت وأعمل أبو العريف وأقعد أتأكد من كل سلك أو غطاء أنه يكون متثبت كويس ولا لأ وكتير بلاقى ، مثلاً سلك الكلاكس كان مش متثبت فى مكانه مظبوط وكان عامل ضعف شديد فى صوت الكلاكس ، وأحد الأخوة الأفاضل فى المنتدى الرائع نصحنى بالكشف عليه وفعلاً حليت المشكلة ، وأمبارح الصبح لقيت غطاء صغير فيبر مش مقفول كويس ومهوى موجود على جزء كبير معدنى ألمونيوم عامل زر الموتور ومقفل كله ( تقريباً هوة ده الكربراتير ولا أيه؟)ربطته ولكن برضه المشكلة حصلت تانى بالليل ! أعذرونى ياجماعة أخوكم صفر كبييييييييييييييييييييير فى الميكانيكا والكهرباء بس عايز أتعلم
يا جماعة انا عندى نفس المشكلة فى ماروتى 2008 عاملة 1800 كم ممكن يكون فى حاجة فى المارش ؟