أخوانى
انا عايز اعرف الفرق بين الرينجات والعدسات والاسمووك وفائدة كل منهم والكلام ده بيتعمل فى الفوانيس
ومين اللى بيعمل الكلام ده فى شارع دمشق ؟؟؟
ومعلش كمان سؤال
لو عايز افيم الفوانيس الخلفية يحصل الكلام ده ازاى ؟؟؟
مشكوريين مقدما
عرض للطباعة
أخوانى
انا عايز اعرف الفرق بين الرينجات والعدسات والاسمووك وفائدة كل منهم والكلام ده بيتعمل فى الفوانيس
ومين اللى بيعمل الكلام ده فى شارع دمشق ؟؟؟
ومعلش كمان سؤال
لو عايز افيم الفوانيس الخلفية يحصل الكلام ده ازاى ؟؟؟
مشكوريين مقدما
انا هقولك الى اعرفوا
الرينجات منظر مش اكتر وهى عبارة عن حلقة منورة زى الى فى البى ام
العدسات فايدتها انها بتجمع الضوء وتركزة فى مكان بدل ما يتشتت فبتدى اضاءة احسن
الاسموك والله ما اعرفش بس متهيالى بردوا منظر
اى حد بتاع اكسسورات بيعمل القصة كلها واحمد سعيد مليان منهم وفى واحد فى الحرفيين متخصص فى الكلام دة
نصيحة منى كلوا فى الاخر اشتغاله يعنى الرنجات الصينى بتتحرق , العدسات مش بتركب صح فابلتالى الاضاء بتكون تعبانه
انا عامل اسموك فى افوانيس ومش شايف ليه اى لزمة
+1111111
بص يا باشا ،، الكلام بتاع الأخ طمطم صح ،، السموك عبارة عن أنك بتدهن جشم الفانوس من جوة أسود مطط ،،
و دي بتضعف الأضائة ...
و الرينجات الصيني بتتحرق ....
و العدسات باينة من أسمها ،، بتجمع الضوء .. و بتساعد اوس في الزينون عشان متأزيش اللي قدامك ..
بالنسبو للأماكن ،، أنا عملت الرينجات بنفسي ،، و ده لينك للموضوع بتاعي ،، على حظك لسه عاملها أمبارح
http://www.nilemotors.net/Nile/192092-angel-eyes.html
و السموك عملته برضه في فانوس الأشارة بنفسي و لسه حعمله إن شاء الله في فانوس الأضائة العادي .....
أما تفييم الفوانيس اللي ورا ،، عادي بتروح لأي حد بتاع أكسسوارات و عنده فاميه ،، و تنقي أفتح لون أول اللي أغمف منه سنه ،،"و ده لمصلحتك والله عشان نورك يبان أنه متفيم و في نفس الوقت يبان أساساً سواء في الصبح أو بليل" المهم تروحله و تقله فيملي الفانوس ،، خيلزق حتة الفاميه على الفانوس من بره أو لو نظيف أوي ،، حيفك الفانوس و يلزقه من جوه عشان متتشالش بسهولة ،،
لو غتوي تعملها بنفسك ،، روح له و انت معاك مقاسات الفانوس ،، و قلله عايز حتة فاميه مساحتها كذا X كذا
و خده انت لزقه بنفسك .. و تبقى عملتها بنفسك :khd:
و لو عزت أي مساعده في حاجة قللي بس و ملكش دعوة :36_1_40[1]:
باشا يستحس تفيم الفانوس عندر الراجل لانة بيستخدم استشوار او هوت اير للزق ((على فكرة ده غير الفاميه بتاع الازاز خالص لانى بيتلزق بالحرارة)))
الاسموك شكلة جامد جداا وعشان تحقق اعلى اضائة مترشش العواكس الداخلة رش بس العاكس الخارجى وهيدى برده شكل جامد
ولو العاكس الداخلى كبير زى الفرنا مثلا مترشوش خالص احسن ((ولو حابب ترشة استخدم عدسات بالخصوص مع العواكس الكبيرة)))
العاكس الخاريجى هو اللى بيبقى بعد باغة الفانوس مباشرة وده من السهل انك تشيلة وترشه بره لوحده اما العاكش الداخلى بيبقى متركب عليه اللمض ومدركب حوليد الدواية باعة اللمض وبيبقى متحرك لو فى ماتور فى الفانوس ورجلاشات
ممكن تستنى عليا شوية اريب اوى هفك الفوانيس هعمل موضوع
يااا راجل :mahf(5):
ده من زوقك بسس ...:120105~352::F_eyeb1[1]:
دنتا ما شاء الله طلعت جباار .. ده كفاية الشغل اللي قلتلي عليه في الموضوع التاني :)) :36_1_1[1]:
بس بالنسبة للرينجات ،، ميتهيأليش ،، لأن فيه عربيات بتنزل برينجات ستوك زي البي أم....... :36_1_1[1]: أما انا كان خوفي من السموك ،،
لا ده بالعكس بقى
واحد صاحبى وقف فى لجنة عشان كان مركب رنجات بس الصينى ديه فقال للظابط ان البى ام والاودى وغرها انهم مركبين قالو دول بينزلو فى العربية بشكلهم المعروف غير شكل الرنجات العادية عشان كدة انا أوايد فكرة الرنجات المعمولة باليد عشان قريبة اى لرنجات البى ام وخصوصا لو مثبتها على جسم العاكس الداخلى ومتبقاش فى نص الفانوس يعنى حاول خليها اكنا جزء من الفانوس زى بتاعتى (((( وعلى فكرة فعلا بتاعتى لو انت واقف جنبها على بعد متر هتحس انها جزء من الفانوس لانى كونت لزقها بلزق دبل فيس واللزق كونت حاطه فى حتت المنحنيات من الصعب انك تشوف اللزق اصلا)))
اما السمكوك فانت ممكن تقوله انه نازل مع الفانوس اصلا بدليل فى مودلات من 2000 الفانوس بتعها اسموك والسيراتو والوبل ولانسر القرش وغيرها وغيرها سعتها تقوله ده فانوس اسبور
المهم انا خبرتى على اددى بس لو عايزنى فى حاجة انا موجود وتحت امرك فى اى شىء
انا الاسموك عندى حلو فى الشكل , والاضاءة زى ما هى لانى ما رشتش العواكس فحافظ على الاضاءة
الرينجات الاصلى بتعمل حوالى 800 جنيه للطقم مكون من 4 رينجات بتاعة الى بى ام
فى مكان فى الحرفيين ممكن اديلك اللينك بتاعوا على الفيس بيعمل الحوارات دى كلها واحمد سعيد وشارع دمشق ملييييان
الله يخليك الأمر لله ،، انا مش حلزقهم بلزق دابل ،، أنا حعملهم بمسدس الشمع ... :))))
عشان اللزق الدابل بيفك مع الشمس و الخرارة ،، اما الشمع حيبقى صعب يفك عنهم ،، و برده كنت ناوي أعمله في جسم الفانوس .. بحيث أني ملزقوهش أوي لأني عايز أعمل أتنين رينج جنب بعض ،، واحد في نص الفانوس ،، و التاني مش دايرة كاملة .. دايرة إلا حته حتكون
العه من ورا الرينج اللي في النص "اللي هو دايرة كاملة" بحيث أن الدايرة الكاملة لونها أبشض ثلجي ،،و الدايرة الناقصة لونها أحمر ..
تقريباً كنت حاطط صورة بدائية كده للي عايز أعمله،، بس تقريباً أبعاد الفانوس من جوا حتزعلني :((((
http://img255.imageshack.us/img255/231/dgfdgf.jpg
ده تقريباً اللي عايز أعمله
ياا نهاااااااااار ... 800 جنيييه ،، على أيه ،، صاحبي صااحبي .. أنا أعملهملك ،، و أخد فيهم 50 جنيه بسس . :))):Ob_mak1[1]::Ob_mak1[1]::36_1_37[1]:
و أنا والله أكتتتر منك :)))
بس للأسف الأمتحانات دي وحشة أوي ،، أنا النهارده عملت فجوة لمكان الليدات في الرينج .. و بقى شكلها حلو جداً الحمد لله و عملت الشقوق اللي ورا دي عشان تزود أنكسار الضوء.. و وسعتها،، عشان أكتشفت حاجة،، انت لو معملتش الشقوق دي طويلة و عملتها شق كده قضير مش لافف حولين الرينج،، مش حيبان من الجناب ،، بس مش معنى كده أنك تعمل شق على الرينج كله ،، لا تعمل حته بسيطة بس لافه مع الرينج من اليمين و الشمال ،،
عشان لما تبص من الجنب على الرينج ،، تشوف الشق ده و الضوء مكسور بسببه بينور أكتر .. و بيبقى شكله حلو جداً الحمد لله
،،
ناوي ان شاء الله أروي رينجين من اللي عملتهم نظراً لأنهم كانو أول 2 و مش قد كده ،، فعشان كده حجرب فيهم ،،
جبت برده المقاومة ال 270 أوم و الأسلاك ،، و الليدات جربتها .. ناقص بس أحطها في الرينج و أعمل التوصيلات .. و أصور فيديو و أوريكم أن شاء الله ،، أما النتيجة النهائية و هو أن الرينج يكون في الفانوس ،، فدي صعبة حالياً ،، نظراً اني مش فاضي أفك الفانوس تاني ،، لأني ركبته بعد مفكيته ،، و كمان ححتاج باغة فانوس شفافه ،، مش اللي فيها تكسيرات الضوء دي...
الله المُستعااان ،، ربنا يقوينا .. و معلش آسف اني خليتكم تستنوا كده ...
بالمناسبة حط مقامة 650 اوم عشان الليدات تعمر معاك مجرد رأى