اوشكت اجازتى على الانتهاء وكانت byd نعم الرفيق على الطريق بكل امانة
امس اتصل بى احد الزملاء من السعودية وبالمناسبة هو مهندس سيارات وانا كنت كلمته عن شرائى لهذه السيارة واعجابى بها فسالنى امس ايه رايك بعد لما استخدمتها طوال الاجازة فاخبرته عن انطباعى الجيد ورضائى الكامل عنها وبالمناسبة تخيلوا هذا الشخص كان واحد من 3 اشخاص سالونى عن السيارة والاثنين الاخرين احد الاطباء من زملائى كان فى اجازة من عمان وكان عايز يشترى سيارة زيرو وفرجته عليها واقتنع بيها تماما والاخر كان صاحب محل باشترى منه حاجة وشاف السيارة وسالنى عليها لانه سيارته اوبل فيكترا 2003 خلاص فتحت صيانة معاه وصيانتها غالية جدا واعجب بيها جدا
المهم الاخ اللى فى السعودية نازل اجازة بعد شهر وعايزنى احجز له سيارة من شركة الامل باسمه وادفع له عربون وهو هيستلمها ان شاء الله لما ينزل مصر
فسؤالى الان للاخ عماد هل هذا ممكن ؟ اقصد انى احجز سيارة باسم شخص تانى واذا كان كده اروح بكرة الشركة بسرعة واحجز له لانى مسافر يوم الاثنين ان شاء الله