معلومة

**abed56** · 24-12-2010 12:25 PM

السلام عليكم ورحمة الله وبركاته

يا جماعة للمعلومية انا كان عندى استهلاك بنزين عالى فى الf3 وروحت توكيل لاسكندريةولا عملو حاجة وبعدين روحت لواحد اسمة اولاد سند فى اخر شارع ملاهى السندباد امام الكلية الحربية وضبطوهالى فى ربع ساعة لانة كان عيب كومبيوتر وهما عندهم برنامج السيارة 4g18 وماشاء اللة والحمد للة انا مشيت مع المثل اللى بيقول هين قرشك ولا تهين نفسك مع اللى زى الامل على فكرة اولاد سند بيشتغلو بس فى اليبانى والامريكى فقط من 20سنة بجد صنيعية معلمين اللى جاب الكومبيوتر وكشف وحدد العيب واحد لا يتعدى عمرة 23 سنة ربنا يباركلة اللة لا يسامح بتوع الامل بجد بجد اللى خلاهم يشتغلو فى عربيات ظلمهم وظلمنى معاهم بجد روحت للتوكيل بقو عمالين فتحين الكابوت ويبصو لبعض وبينى وبينكو انا خوفت لا يخربوها اكتر وقولت الحمد للة كفاية كدة

**bassem.naguib** · 24-12-2010 01:36 PM

طب الحمد لله أنك عرفت العيب فين وقدرت تصلح العربية .. وربنا يوفقك إن شاء الله .. أهم حاجة تكون ماشي بالعربية وأنت راضي عنها سواء بتعمل صيانتها في التوكيل او بره التوكيل .

بس يا ريت تقول العربية بتعمل معاك كام كيلو سواء في الزحام أو في الطرق السريعة لتعميم الاستفادة .

**abed56** · 24-12-2010 02:29 PM

من الكومبيوتر كان بيقرا فى التوكيل قراءات خاطئة لان مهندس اولاد سند قاللى انة فية حاجة اسمها معايرة لاجهزة الكومبيوتر تتم كل فترة والتوكيل مقضيها قياسات خاطئة بدون معايرة اجهزتة

**elmanahry** · 24-12-2010 02:32 PM

اللى جاب الكومبيوتر وكشف وحدد العيب واحد لا يتعدى عمرة 23 سنة
ممكن نعرف اسمه اذا سمحت

**abed56** · 24-12-2010 02:37 PM

والله تقدر تروح اولاد سند وتسال عن المسئول عن ضبط الكومبيوتر لانى مسالتش عن اسمة لانى مش حناسبة
الحمدلله الراجل لم يقصر معى الا اذا كنت حضرتك زعلت انى اتعاملت مع احد غير توكيل الامل اسف لو ضايقك ما فعلتة ولكنى لن اتعامل مع هذا التوكيل حتى فى تغير الزيوت

**adel418** · 24-12-2010 03:14 PM

المشاركة الأصلية كتبت بواسطة abed56

والله تقدر تروح اولاد سند وتسال عن المسئول عن ضبط الكومبيوتر لانى مسالتش عن اسمة لانى مش حناسبة
الحمدلله الراجل لم يقصر معى الا اذا كنت حضرتك زعلت انى اتعاملت مع احد غير توكيل الامل اسف لو ضايقك ما فعلتة ولكنى لن اتعامل مع هذا التوكيل حتى فى تغير الزيوت

السلام عليكم ورحمه الله وبركاتة
قال تعالى - وجادلهم باللتى هى احسن
وقال سبحانة - فبما رحمه من الله لنت لهم ولو كنت فظا غليظ القلب لأنفضوا من حولك صدق الله العظيم

اخى العزيز بارك الله فيك / الدكتور المناهرى لم يقصد اى سؤ من سؤالة والسؤال مجرد استفسار ليس اكثر احنا نتمنالك الخير دايما ان شاء الله ليك ولينا ولغيرنا وطالما المشكلة اتحلت فى التوكيل او خارج التوكيل يبقا الحمد لله

**Emad Habib** · 24-12-2010 03:38 PM

المشاركة الأصلية كتبت بواسطة abed56

السلام عليكم ورحمة الله وبركاته

يا جماعة للمعلومية انا كان عندى استهلاك بنزين عالى فى الf3 وروحت توكيل لاسكندريةولا عملو حاجة وبعدين روحت لواحد اسمة اولاد سند فى اخر شارع ملاهى السندباد امام الكلية الحربية وضبطوهالى فى ربع ساعة لانة كان عيب كومبيوتر وهما عندهم برنامج السيارة 4g18 وماشاء الله والحمد لله انا مشيت مع المثل اللى بيقول هين قرشك ولا تهين نفسك مع اللى زى الامل على فكرة اولاد سند بيشتغلو بس فى اليبانى والامريكى فقط من 20سنة بجد صنيعية معلمين اللى جاب الكومبيوتر وكشف وحدد العيب واحد لا يتعدى عمرة 23 سنة ربنا يباركلة الله لا يسامح بتوع الامل بجد بجد اللى خلاهم يشتغلو فى عربيات ظلمهم وظلمنى معاهم بجد روحت للتوكيل بقو عمالين فتحين الكابوت ويبصو لبعض وبينى وبينكو انا خوفت لا يخربوها اكتر وقولت الحمد لله كفاية كدة

:b4_033::b4_033:

777

**bassem.naguib** · 24-12-2010 05:41 PM

المشاركة الأصلية كتبت بواسطة abed56

والله تقدر تروح اولاد سند وتسال عن المسئول عن ضبط الكومبيوتر لانى مسالتش عن اسمة لانى مش حناسبة
الحمدلله الراجل لم يقصر معى الا اذا كنت حضرتك زعلت انى اتعاملت مع احد غير توكيل الامل اسف لو ضايقك ما فعلتة ولكنى لن اتعامل مع هذا التوكيل حتى فى تغير الزيوت

شكراً يا باشا على نقل تجربتك في حل المشكلات التي واجهتك .. وفعلاً ميزة العربية دي أنها مفهومة ومعروفة وزي ما بيقولوا بالبلدي كدة معجونة ومخبوزة وأي حد ممكن يشتغل فيها .

وتأكد تماماً ان مفيش حد اتضايق ولا أبدى تزمره أنك صلحت بره التوكيل لأن كل واحد حر في عربيته .. المهم الصالح العام .. وعلى رأي المثل الرجل تدب مطرح ما تحب .

ومجاوبتش على سؤالي أستهلاك العربية أد أيه بعد ظبط العربية .