واخيرا بعت النوبيرا الاوتوماتيك !!!!!!!!!!

**tnasr1** · 28-03-2008 07:09 PM

ياراجل حرام عليك!!!
كل ده علشان كلام الناس!!!

**emadno1** · 28-03-2008 07:37 PM

يا راجل حرام عليك
حد يعمل كده فى العربيه الجميلة دى كل الناس فهما ان اتوماتيك دى عيب و حاجة شتيمه لكن لو حد جربه حيضرب نفسه انو بيستخدم المانيوال اصلا

بس هى دى ثقافه الغالبيه العظمى من الشعب المصرى و هيا اللى مخليه ال 128 تتباع اغلى من عربيات احسن منها 100 مره و عربيات تانيه ملهاش اى قيمه رغم انها عربيات فوق الممتازه و عجبى

**akrameladl** · 29-03-2008 05:29 PM

ياراجل حرام عليك!!!
انت غلط مش هقوللك اكتر من كدة

**aymanaly2003** · 29-03-2008 06:29 PM

انا معايا نوبيرا اتوماتك و مش عايز ابيع على الرغم من سماعي عروض جيدة للبيع بس هي مريحاني و ان شاء الله يوم ما ابيعها مش حخسر فيها

**amr_elrashidy** · 30-03-2008 02:36 PM

فعلا النوبيرا كلها مشاكل مع الاوتوماتيك بس مش لدرجة انك تبيعها و تخسر فيها المبلغ ده كله عشان الناس بتقول و الناس بتعيد..و خصوصا ان حضرتك ملحقتش تركبها اساسا

**mhDeeb** · 15-04-2008 10:51 PM

حضرتك جلبت لنا القلق من ناحية الاتوماتيك بالرغم من ان مصر الان تحتاج إلى السيارة الاتوماتيك للزحام الموجود والتوقف الكثييييييييييير وعموما يمكن ان تكون صيانة الاتوماتيك هى السبب ويجب البحث فيها ونرجو من ادارة الموقع تبحث في هذه المشكلة

**lakany** · 15-04-2008 11:14 PM

انا عندى فى الشغل سيارات نوبيرا اوتوماتك عامله 200000 فى 3 سنين شقى و زى الفل طالما بتعمل الصيانه فى مواعيدها و اكثر السيارات ايجار فى مصر النوبيرا الاوتوماتك و هوا دا الى بوظ سمعتها عشان العيال بأجروها و هات يا كيك دون بيها

**ashrafE51** · 30-06-2008 03:33 PM

ياجماعة كلام الاشاعات الدائم ده
انا واحد صبحي كان معه عربية ( ماتريكس ) اتوماتيك وحصل مشكله في الفيتيس وهو يعاني الان
وعلي فكره العربية التويوتا الكورولا الجديدة الان فيها مشكله في التعامل مع الفيتس

وعلي فكره اعرف ان الفيتس الاوتوماتيك بتاع النوبيرا لو تحب تغيره من بورسعيد بحوالي 1300 جنيه وهذا ممكن و علي فكره العربية جميلة - واسعة جداً وسريعه جداً
وايضاً اذا نظرة لها من جميع زوايا العربية تري انها فاخمه ...

**knightmido** · 01-07-2008 07:21 PM

ايه ؟؟؟؟؟؟؟؟؟؟؟؟؟؟!!!!!!!!!!!!!!!!!!! ... اسف مش مستوعب اللى حضرتك عملته

**mummy_47** · 02-07-2008 12:49 PM

انا فعلا متعجب من اللي عملته مع احترامي الشديد انك حر تبيع بخسارة او تكسب ده رتجع لك..لكن طالما بتاخذ ارائنا فمتزعلش مني ..كان قرار البيع قرار غير موفق تماما..وبالنسبة لعملية اعادة البيع واراء الناس..طيب متشوف اراء الناس في البيجو 405 المستعمل رغم انها سيارة رائعة جدا الا ان اعادة البيع بتكون ثقيلة لكن ليها زبونها اللي بيقدرها..كذلك النوبيرا الاوتوماتيك لو كنت طولت بالك شوية كنت لقيت زبونها...انا بعت عربيتي السابقة في خلال شهر او شهر ونصف لحد ما جابت سعر محترم...وخلي بالك ان غالبية الناس دلوقتي بتفكر في الاوتوماتيك لما تيجي تشتري سواء ياباني او كوري او حتى صيني ...ومتنساش ان صيانة الاوتوماتيك اصبحت منتشرة كتير غير زمان وكمان العربيات الحديثة اصبحت تجمع بين الفتيس الاوتوماتيك والمانيوال..المهم ميكونش فيها دبرياش ..وبعدين انت مخدتش بالك ان اوتوبيسات النقل العام كلها اوتوماتيك..وبيطلع عينها ليل مع نهار ..والا كانوا جابوا اوتوبيسات مانوال افضل.....اللي بيقولك الاوتوماتيك مش حلو..بيكون مجربوش او سمع من حد مجربوش..ومتنساش ان احنا في عام 2008 والاوتوماتيك بقاله كثر من 30 سنة في العالم واصبح متطور جدا الان وخصوصا في امريكا اللي كل سياراتها تقريبا اوتوماتيك شوف الموديلات القديمة بتاعتها عاملة ازاي الكاديلك والشيفروليه وشوف الفتيس بتاعها عامل ازاي.قمة في الروعة....شوف الهوندا السيفك من ساعة ما اتولدت وهي اوتوماتيك وشغالة لحد دلوقتي زي الفل...والنوبيرا الاوتوماتيك انا اعرف ناس كتير راكبينها بقالهم 10 سنين زي الفل ..وانا نفسي راكب واحدة مو99 اوتوماتيك زي الفل ماشاء الله.. انا نفسي اسمع حد مجرب العربية الاوتوماتيك من اي ماركة وبيقول ان الاوتوماتيك وحش...