نيييييييهعهع .. لاء يا بوب انا اعتزلت قطع الغيار .. باقي العيله هم اللي شغالين لسه ههههعهع .. تقريباُ كده تقريباُ انا اعرف الراجل ده .. و ان مكنتش اعرفه انا باقي العيله اكيد هايعرفوه .. لأن احنا في قطع الغيار من 20 ولا 25 سنه ههههعهع
عرض للطباعة
نيييييييهعهع .. لاء يا بوب انا اعتزلت قطع الغيار .. باقي العيله هم اللي شغالين لسه ههههعهع .. تقريباُ كده تقريباُ انا اعرف الراجل ده .. و ان مكنتش اعرفه انا باقي العيله اكيد هايعرفوه .. لأن احنا في قطع الغيار من 20 ولا 25 سنه ههههعهع
ههههعهع
اشطه يا بوب
انا كمان قلت اكيد بتوع قطع الغيار بيكونو عارفين بعض خصوصا الناس اللى سمعتها كويسة و على مستوى بيكونوا عارفين بعض كويس
يا سيدى اهى فرصة الناس اللى تقراء الموضوع تستفيد.
و اهو منك بردو نستفيد :)
عربية هايلة وتعديلات بمزاج - بس على رايك هيا م شهتعيش أكتر من كدة - ربنا يعوضك بأحسن منها
مانا عارف انه مش موجود .. و الكاوتش اسمه Trx و كاكاوتش مش موجود .. كان اختراع فاشل من ميشلان :d
انا عندي سؤال ليك
عربيتي 504 برده الدركسيون عندي تقيل و دايمان بشحم بس مفيش فايده و فيه رجرجه جامده علي السرعات العاليه و مع الفرامل برده و زوايا العجل عندي مش مظبوطه
انا بحاول اوصف ليك
بس ازاي اخلي الدركسيون خفيف شويه
و انا ان شاء الله ناوي اغير قريب و بجد العربيه دي اصيله اللي بيبعها بيزعل جامد بعدها
انا معايا 504 gl
موديل 77
اولا بالنسبة للارتجاج
فده سببه الترصيص.... اول ما تجد نفسك سيبت ال 80 و بتلعب ف ال90 تلاقى الدركسيون بيرقص فى ايدك
روح اعمل ترصيص للعجل الامامى( و اذا كانت العربية بتحدف منك فى اتجاه معين اعمل ظبط زوايا كمان)
و بعد ما تعمل الترصيص الارتجاج هايروح. و بعد
ما تظبط زوايا ال حدف على الطريق هايروح.
بس اذا كانت لسه بتحدف مع الفرامل ( العربية بتلف شوية لما تفرمل) فده معناه ان فيه ناحية بتقفش اكتر من التانية.
شيك على التيل و الماستر بتاع الفرامل ( فيه خراطيم ممكن تكون مسدودة او عايزة تتغبر)
و غير الزيت اللى عنك بزيت dot4 من موبل
و بعد الميكانيكى ما يغيرلك الزيت و يعمل دورة زيت كاملة. تقعد تكارك و هو يفرغ الهواء الزائد عند كل فردة. و بعد كام مشوار تجيله تانى و تفرغ هوا تانى من الفرامل بتاعة كل عجلة
لغاية ما تبطل تجيب هوا.
ثانيا بالنسبة لثقل الدركسيون
العربيه دى دركسيونها ثقيل فعلا و تحس انك بتحارب لما تكون بتركن العربية
لكن على الطريق لا تحس بمجهود
و بعيدا عن الباور، تجد ان بعض العربيات
1-دركسيونها تقييل جدا طول الوقت
2-و اخرى دركسيونها عادى ( لكن بردو متعب فى الركنات)
3-و نوع اخر تسوقه تقول دا باور و هو لا باور ولا حاجة
الحالة الاولى: بيكون بسبب الاسكتره ( و ده معناه ان فيه مشكلة فى الاسكترة و فى الغالب بتتغير و اظن ثمنها 60-70 مستعملة و 200 لو جديدة)
الحالة الثانية: مافيش اى مشاكل اثناء القيادة هو بس الدركسيون بيبقى عايز قوة زيادة لما تهدى السرعة اوتركن و العربية واقفة (و هى دى فائدة الباور)
ولحد امبارح دى كانت حالة عربيتى و لم يكن هناك عيب بها
الحالة الثالثة: لاحظت فى سيارة اخرى حالتها اسوء كتير من عربيتى لكن كان الاستجابة عند الدورانات و الركن جيدة برغم سوء حالة العربية.
و بحثت عن السر و اكتشفته و نفذته فى عربيتى و لان حالة الاسكتره عندى اصلا تمام اصبحت و كانك مركب باور.
السر يا سادة فى اخر حاجة ممكن تتوقعوها " طارة الدركسيون" "عجلة القيادة" اكتشفت ان برغم التشابه الشنيع فى شكل الدركسيون لكن فيه انواع منه( او لنقل اصدارات منه) اخف فى الوزن و الفيبر بتاعها ارفع و انشف ( تدوس عليه بصباعك مايغرزش لجوه) لكن مافيش فرق فى الشكل العام هو بس الفرق البسيط فى سمك الدركسيون
لكن انا امبارح خلعت الاتنين و مسكتهم فرق الوزن رهيب.....
لم اجد منه جديد و الجديد تقليد و ليست به نفس المواصفات.. ذهبت الى عزبة شلبى و لقيت الدركسيون بتاعى التقيل بينباع ب 250 و لقيت تركى و بالعافيه لقيت واحد تالت هو اللى انا كنت بكلمكم عليه. اخدته على 220 بعد الفصال و التجار مش عارفين الفرق ده بدليل ان التلات طارات اللى لقيتهم كان مطلوب فيهم نفس السعر 250
و ركبته و تخيلو معايا انك تقدر بمجهود قليل تلف الدركسيون بتاع ال504 بيد واحدة و هى واقفة مابتتحركش
و هتستغنا عن جراب الدركسيون اللى بيجعل الدركسيون سميك جدا و طرى فا ماتعرفش تمسكه كويت و بيجعل التحكم اصعب ( لاحظ ان ده دركسيون عادى محتاج انه يجون رفيع و تعرف تقفش فيه مش زى الباورسميك لانك بتحركه باللمس)
اولا شكرا يا باشا علي ردك و لم اتوقع هذا بس باين عليك فاهم
المهم
ان شاء الله انا هروح مركز بريد جستون في بنزينه كلتكس مكانها تقاطع شارع عباس العقاد مع مصطفي النحاس زي ما قالي الاخوه الافاضل سابقا
انا هعمل اولا ظبط الزوايا و لو محتاجه ترصيص برده هعمل
و بعد كده هشوف النتيجه و نقدر نحكم كويس لو فيه مشكله من (الاسكتره ) اللي حضرتك بتقول عليها بس ممكن اعرف يعني ايه اسكتره بالظبط و ايه موضوع الدركسيون اللي حضرتك بتقول عليه ده انا عندي من كتر تقل الدركسيون ربيت في ايدي عضلات هههههه الاستفاده الوحيده منه
.......
الفرامل عندي فعلا دايمان ضعيفه و انا دايمان برجلش بأستمرار و برده ضعيفه و ده بسبب ان العجل و اخد هوا دايمان انا بعمل موضوع تفريغ الهو كل فتره لاني زهقت مفيش فايده برده بترجع تاني بس لو عملت موضوع اني اكرك علي الفرامل و الهو يتاخد ممكن ميحصلش موضوع الهو ده تاني
متتضورش الفرامل عندي خفيفه ازاي
بس حضرتك نوع الزيت dot4من موبل ده بكام و هو افضل حاجه لينا و هل هو موجود متوفر و معروف لاني هجربه
انا اسف اني طولت عليك بس ما صدقت ان لقيت واحد عنده نفس عربيتي
و ان شاء الله مستني ردك و هقلك علي الاخبار اقول ما اروح مركز بريد جستون و لو فيه حاجه اقولها ليهم مهمه يا ريت تقولي
شكررررررررررررررررررررررر رررررررررررررررررررا
شوف يا سيدى
موضوع الدركسيون اللى بيلق ده و بيرقص كان عندى
و عملت الترصيص و راحت المشكلة. ( بيخلع العجلة و يحطها على الجهاز و يرصص. عجلة عجلة)
الترصيص فى حالتك لابد منه ( انا اصلى بكلمك من خلال المشاكل اللى مريت بيها)
اما ضبط الزوايا فده مش واضح اذا كنت محتاجه ولا لا
الاسكترا هو اسم دارج لعلبة الدركسيون. و دى لو فيها مشكلة تجعله تقبل اوى بزيادة
اما موضوع الدركسيون فاللى انا جبته احيانا بيسموه دركسيون كاوتش
و بعيدا عن المسميات فالفارق مش حاتحس بيه الا لو شفته و مسكته بايدك لان الفرق فى الشكل يكاد يكون منعدم. لكن الوزن و الاداء مختلف
بالنسبة لموضوع الفرامل، فزى ما شرحتلك لازم تشيل الزيت اللى عنك ده و تعمل كشف على دورة الزيت و الخراطيم و الماستر.
و بعد كده الواد ( الميكانيكى) هايحط لك الزيت الدوت 4 اللى انتا جايبه و يبدائء يظبطلك الهوا عند كل عجلة و العربية مطفية. و بعد كده تدور العربية و يبدا يغرجلك الهوا عند كل عجلة تانى
( و هتلاقى الزيت نقص بعد شوية ممكن تزوده تانى لحد الماكسيمم و تخلى الواد يخرج هوا مع الضغط على الفرامل لحد ما تبطل جيب)
بعد ما تظبط الحوار ده هاتلاقى المسافة التى تحتاجها حتى حتى تستجيب دواسة الفرامل قلت
و ان الدواسة عليت و اصبحت انشف
بالنسبة للزيت فلا تستعمل dot3 الموجود فى علبة صفيح تشبه علبة البيروسول ( كل اللى فى السوق مضروب) و استعمل dot4 (علبته لونها اسود بغطاء اصف و حجمها اد ايدك) و يباع فى بنزينة موبل و العلبة ب 11 جنيه ( ستحتاج حوالى 3 علب)
و هاتلاحظ ان لونه شفاف مالوش لون زى الماء على عكس الزيوت الاخرى اللى لونها يميل الى الاصفرار
و لو الزيت بينقص عندك بشكل طبيعى و بعد كل الهيلمان ده الزيت برددك بينقص
غير جلد ماستر او طقم ماستر دبرياج لان زيت الفرامل مشترك و ممكن جدا يكون التسريب من هنا