ربنا يحمي عربياتنا كلنا
ربنا يحمي عربياتنا كلنا
بص يا باشا انا جبت لحضرتك صورة للعربية مفروض تترش ازاي يس معلش هيا عربية قديمة شوية دي مرسيدس خنزيرة 250 موديل 71 في المانيا
دلوقتي العربية دي حترش دواخل بص سيادتك الحوض عمال ازاي
http://sphotos.ak.fbcdn.net/hphotos-..._4470770_n.jpg
بص حضرتك الحوض بيتخدم ازاي و البوية و الزفارة بتنزل و عم الفني اللي شغال في العربية بيعملها ازاااي بصاروخ صغير و متركب فيه صنفرة
http://sphotos.ak.fbcdn.net/hphotos-..._7086991_n.jpg
و دي صورة الحوض جاهز للرش و مفهاوش حتة معجون
http://sphotos.ak.fbcdn.net/hphotos-..._3199263_n.jpg
و ادي اخر صورة و الحوض بيترش
http://sphotos.ak.fbcdn.net/hphotos-..._1516296_n.jpg
شوف حضرتك مافيش معجون اتحط خالص و الصاج اتخدم صح كده بقي البوية تمسك في الصاج
انا حطيت الصور دي عشان صعب شوية تتخيل الموضوع من الكلام بس ...فاكده حضرتك شوفت عشان و فهمت قصدي
و اسف جدا علي الاطالة
انا الي اسف اني تعبت حضرتك ومتشكر جدا على المجهود ده.
بس كان لي كام سؤال لو مفهاش تعب على حضرتك.
طريقة الsand blasting في الصنفره بتعمل شغل احسن من الصاروخ وفي زمن اقل ولا لأ ؟ وفي نوع برضه شفته على النت اسمه dry ice blasting بس ماعرفش عنه اي حاجه
وكنت عاوز اسأل برضه البويه الي الراجل استخدمها في الصور فوق دي فعلا مابتحتاجش معجون ؟ يعني هي نوعها كده ؟ ولا عشان هو خدم الصاج صح بالتالي ماحتجش يعمل معجون.
متأسف تعبت حضرتك وجزاك الله كل خير على الافاده
سيادت و في تعب و لا اي حاجة و اسال براحتك
الsandblasting و الiceblasting دول في تنضيف عشان ينزل البوية و الزيوت في المعدات الكبيرة مش العربيات انا الصراحة عمري ماشفت حد بينضف صاج عربية بيهم
و تقريبا الdry iceblasting بيستخدم تلج ناعم و يضخه بدفع قوي
اما بالنسبة للمعجون مفروض طول ما الصاج مخدوم و نضيف مش مخبوط او مردود فالمعجون مهوش اي لازمة
بس في مصر بيحطو معجون عشان هوا و بيخدم الصاج و لا الهوا فلازم معجون عشان البوية تمسك في المعجون اما لو الصاج نضيف و مخدم البوية تلقط فيه من غير اي حاجة
ربنا يكرمك , انا شفت فيديوهات بيعملوا صنفره للون الصاج وفعلا بيختفي بسرعه باستخدام الsand blasting وبيطلع حلو قوي. انما في الواقع شفته في شركة بتروجيت وهما بيعملوا بيه المعدات الي خلصت بعد اللحام وقبل الدهان.
الdry ice blasting شفته على النت برضه وفعلا زي ماحضرتك قولت.
لو الواحد قدر يجيب الجهاز بتاع الsandblasting ويستخدمه للعربيات يبقى مشروع هااايل :)
ايوه فعلا كلام حضرتك سليم وانا لما كنت بتدرب هناك شفتهم بيستخدموه في الانابيب و المبادلات الحراريه وطبعا حضرتك عارف السمك بتاع الحاجات دي قد ايه.
بس دلوقتي وانا بشوف على النت لقيت الطريقه الي بيستخدموها في ازالة الدهان هي الdry ice blasting
YouTube - Auto Paint Removal With Dry Ice Blasting. Really "Cool".