عايز مساعده

**Mohamed Bander** · 27-03-2008 05:02 PM

الاخوة اعضاء المنتدى الكرام
اولا : انا بحب اوجه شكرى لكل اللى بيساهمو فى المنتدى العظيم ده لان بحس ان كل واحد فيهم بيطلع كل اللى عنده علشان الناس تستفيد
ثانيا: انا كنت بفكر اشترى عربية فى الاول كانت عاجبانى اللانسر جدا وبعشقها بجنون وقلت لازم اشتريها وانا المبلغ اللى ممكن اتصرف واجيبه 95000 فكنت ناوى اشترى 1300 اوتوماتك زيرو بس لقيت الاخوة الافاضل اللى فى المنتدى ما بينصحوش بال 1300 الاوتوماتك وبعدين فكرت انى اشترى اوبترا بس كل م اشوف لانسر فى الشارع بحس بحنين وبحس انى لو اشتريت عربيه غيرها ابقى زى ما اكون خنت حبيبتى فقولت احاول اتصرف واجيب ال 1600 اوتوماتك فممكن اى حد يقولى سعرها كام المصرى او الخليجى واجيبها منين والاقيها ولا لازم احجزها الاول انا عايز الاوتوامتك التقليدى مش ضرورى Air bags or ABS
وشكرا لجميع الاخوة واعتذر للاطاله

**fahd_628** · 27-03-2008 05:19 PM

سعر الانسر المصرى ال 1600 الأوتوماتيك 111000 جنية و مش عارف بقى هل لازم بالحجز ولا لأ

و بص على اللينك دة فية اسعار الانسر كلها

http://www.contactcars.com/NewCars_A...D=4&ModelID=74

**limo** · 27-03-2008 05:30 PM

المواصفات المصرى ب 111,000 او 112,000ضمان الوكيل +فرامل abs ebd +عتب جانبى رياضى +اكر نيكل +من غير كاسيت
الخليجى كلاسيك من غير الحاجات الى فى المصرى فى حدود 107,000 او 108,000 بكاسيت +1air bag
خليجى هاف سبورت ب110,500 كماياتها 2 air bag
5جنوط سبور
عتب جانبى رياضى
فرامل abs ebd
اكر نيكل
عصا فتيس وطاره جلد
كاسيت متسوبيشى الاصلى +4 سماعات +ايال سقف
فوانيس خلفيه شفافه
دواسات نيكل
فوج لايت

**Mohamed Bander** · 27-03-2008 06:00 PM

الخليجى كلاسيك من غير الحاجات الى فى المصرى فى حدود 107,000 او 108,000 بكاسيت +1air bag

الاخ limo
هل معنى كده ان مفيش مصرى بالمكونات اللى حضرتك بتقول عليها فى الخليجى الكلاسيك؟
لو هو كده ممكن حضرتك تقولى اجيبها منين وضمانها كويس ولا لا؟

وشكرا على جميع الردود وفى انتظار المزيد

**limo** · 27-03-2008 06:10 PM

المصرى
تكيف -باور -سنتر -ريموت -1airbag -abs ebd - زجاج كهراباء -مرايات - عتب جانبى رياضى -اكر نيكل -بدون كاسيت -فوانيس خلفيه حمراء -اريال فى القائم
الخليجى مواصفات كويتى او سعودى
تكيف -باور -سنتر -ريموت-زجاج كهراباء -مرايات كهرباء -1 air bag فوانيس كرستال خلفيه -اريال سقف -كاسيت
السعودى فيها اكر نيكل +باكتات جانبيه
انا معرفشى احسن مكان ممكن تشترى منه ايه بس انا هديك نمره الشركه الى انا جبت منها وانت كلهم
الشركه اسمها هيفين بتدى ضمان سنه تبع مركز هاى تريد ورقمها 0222663505

**Mohamed Bander** · 27-03-2008 06:13 PM

طيب معلش يا Dr. limo ممكن حضرتك تقولى جبتها بكام وايه اخبارها معاك ؟

**limo** · 27-03-2008 06:36 PM

انا جبتها ب110,500 من شركه هيفين وعليها ضمان سنه او عشرون الف كم
العربيه بقالها معايا حوالى عشر ايام مشيت بيها حوالى 200 كم
مبدئيا هيه عربيه كويسه بس انا لسه مش متعودتش عليها
كماليتها كالاتى
2air bag
5جنوط سبور
عتب جانبى رياضى
فرامل abs ebd
اكر نيكل
عصا فتيس وطاره جلد
كاسيت متسوبيشى الاصلى +4 سماعات +ايال سقف
فوانيس خلفيه شفافه
دواسات نيكل
فوج لايت

**Mohamed Bander** · 28-03-2008 11:42 AM

الف مبروك يا Dr.Limo وربنا يديلك خيرها ويكفيك شرها وانا متشكر جدا على ردودك بس الواضح كده انى هرجع للاوبترا تانى لانها غاليه شوية
طيب ايه رايك لو اشترتها مستعمله وحالتها كويسه يعنى كسر الزيرو تقدر تعرف تيجى بكام ولو حضرتك تعرف حد يبيع كده ممكن تتكرم وتدلنى عليه ولا اخلينى فى الاوبترا؟

انا اسف انى بتقل عليك بس انت الوحيد اللى رديت عليا