كهربائى للفورد فيستا

**Ahmed Mubarak** · 26-12-2010 12:32 PM

السلام عليكم

كنت عايز كهربائى يكون كويس وفاهم ومش بتاع عك وتقطيع اسلاك وتوصيل وكبارى والذى منة
كهربائى يكون عنده ضمير ياريت لو حد اتعامل مع كهربائى كويس يقول على مكانة

**gebreel** · 26-12-2010 12:36 PM

رضا الكهربائي ورا ابو رامي في الحي السابع مدينة نصر راجل ممتااااااااااااز

**aYaBooY** · 26-12-2010 01:28 PM

مع كامل التحية لاخوك الله يعينة و يصبرة على الكنترول الي راح بص لما يمكون مشكلة في المروحة بتاعت الريدياتير اي ميكانيكي فورد بيعرف يتعامل معاها
و عن نفسي بخاف جدا من العربية ديه في نقطة الكهرباء بس لما تدور على كهربائي بيكون عندك مشكلتين اولا يكون كهربائي بيتعامل في عربيات ليها كنترول علشان بيكون معاه حاجة يعمل بيها الاختبارات للوصلات منغير حركة التلميس و الكباري الي بيحرقوا بيها الكنترول
و الثانية انه يتكرم و يرضي يشتغل في عربية فورد بس عن نفسي بروح بيها لقطب في اي مشكلة و بسيبة و هو يوديها للكهربائي لو لزم ده لو مصلحاش هو

**gebreel** · 26-12-2010 02:07 PM

هو انا بتعامل معاه من ايام ما كانت الفيستا معايا و اشتغل فيه عادي و عملها و زي الفل لحد ما بعتها

بس فيه حاجة ممكن متعجبكش فيه هو انو بيبص الاول على العربية و يحدد هي عاوزة ايه و ينده الصنايعي اللي يعرف يشتغل فيها مبيشتغلش بايدوا غير في الحاجات المعقدة و اللي لازم يعملها بنفسو علشان ميبوظش العربية و ميبوظش سمعتو لكن لما يندهلك حد بيبقى اكيد هيعرف يعملها و كل شوية بينط فوق دماغو يشوفوا بيعمل ايه و يوجهه لو في حاجة غلط و هو اللي بيجرب بنفسو يعني الصنايعي يعمل اللي هو قالو عليه و يجرب هو بنفسو بعد ما يراجع و راجل في منتهى الامانة بجد

**aYaBooY** · 26-12-2010 11:08 PM

هو انت العربية عندك مالها

**egytamer** · 27-12-2010 09:38 AM

انا كنت من فترة بدور علي كهربائي كويس للاسكورت واحد الاخوة الكرام كتب نمرو واحد اسمو عوني شغال في التوكيل وكلمتو واكدلي كدا بس الصراحة لسة مفضتش اني ارحلو وهوا في صقر قريش المعادي ورقمو 0122189081 وربنا يوفقك ولو لقيت واح كويس اكتبلنا رقمو علشان كلنا نستفيد.

**Ahmed Mubarak** · 27-12-2010 12:00 PM

المشاركة الأصلية كتبت بواسطة ayabooy

هو انت العربية عندك مالها

1- النور الصغير (الواطى ) قطع مرة واحدة - كنت نازل بالليل ودورت العربية وجيت اشغل النور الواطى اشتغل للحظات وقطع مع العلم العالى شغال

2- المروحة لمل بابطل العربية بتقف بمعنى ان المروحة شغاله والمفروض تفضل شغاله سواء كانت العربية دايرة او مش دايرة دى تفضل شغاله طول مالعربية دايرة اول مابطل تقف افتح كونتاكت تشتغل اقفل تبطل
ممكن تكون مشاكل بسيطة ومجرد فيوز عايز يركب لكن مبحبش العب فى الكهرباء مع انى شيكت على كل الفيوزات وكلة سليم

3- عايز ازود اضاءة نور العدادات

**mido51eg** · 27-12-2010 12:03 PM

المشاركة الأصلية كتبت بواسطة ahmed_mubarak

1- النور الصغير (الواطى ) قطع مرة واحدة - كنت نازل بالليل ودورت العربية وجيت اشغل النور الواطى اشتغل للحظات وقطع مع العلم العالى شغال

2- [gdwl]المروحة لمل بابطل العربية بتقف بمعنى ان المروحة شغاله والمفروض تفضل شغاله سواء كانت العربية دايرة او مش دايرة دى تفضل شغاله طول مالعربية دايرة اول مابطل تقف افتح كونتاكت تشتغل اقفل تبطل [/gdwl]
ممكن تكون مشاكل بسيطة ومجرد فيوز عايز يركب لكن مبحبش العب فى الكهرباء مع انى شيكت على كل الفيوزات وكلة سليم

3- عايز ازود اضاءة نور العدادات

الكلام ده مظبوط وده مش عيب في عربيتك. انا كمان عندي كده

-

-

الموضوع: كهربائى للفورد فيستا

LinkBack

أدوات الموضوع

عرض

كهربائى للفورد فيستا - انشر الموضوع فى :

-

-

-

-

-

-

-

المواضيع المتشابهه

دلايات للفورد اسكورت

بطارية للفورد اسكورت

كاوتش رن فلات للفورد

هل يوجد مرايات ضم للفورد فيستا؟

مش عارف اركب سنتر للفورد فيستا ابدا ياريت اللى عنده فيستا يدخل

الكلمات الدلالية لهذا الموضوع

المفضلات

المفضلات

ضوابط المشاركة