بعد طول انتظار .. تحويل اللانوس لعربية خرسة

**احمد ابراهيم** · 28-12-2010 11:58 PM

المشاركة الأصلية كتبت بواسطة sherif khalifa

فكرة شدة الصوت انة بيرن فى تجويف الباب
انسب حاجة تحاول تكسى الصاج على قدر ما تقدر علشان تكتم صوت الرن فى تجويف الباب

تانى حاجة بالنسبة للعتب فعلا الفوم هيدى نتيجة كويسة لان علب العتب مجوفة و دا هيتوغل داخل تجويف العتب و يعمل نفس النتيجة

بس انا اعتقد ممكن تظهر مشكلة سخيفة شوية
ان صوت المتور الى بطبيعتة خشن شوية هيظهر جامد جوة العربية (دا اعتقاد شخصى)

اعتقد العكس ( مجرد اعتقاد ) علشان لما عملت شويةالحاجت البسيطة دى .. يعنى معزلتش ابواب و لا عتب و لا ارضية
كنت من يومين مدور العربية وقافل الزجاج و لما فتحت حسيت اوى بصوت الموتور
قفلت تانى لقيت الدنيا هادية و جميلة

انا هعمل القصة دى و ان شاء الله عايز اغير كمان قواعد الموتور بس مش عارف الاقيهم عند مين الاصلى و سعرهم كام .. عشان الميكانيكى قالى ان القواعد عندى اشفة و محتاجة تتغير و فعلا عندى تزنيدة فى العربية

فربنا يسهل و يبقى بجملة المصاريف

**د.محمود صلاح** · 29-12-2010 01:47 AM

بالنسبة للأبواب أعتقد إن كسوة الباب نفسه هي اللي هتعزل الصوت كويس .

الارضيات باللباد والموكيت

وما تنساش خلف التابلوه وأسفله ..

منتظر النتيجة وشكرا لعرض التجربة

**hon** · 29-12-2010 02:35 AM

الله ينور عليك يابو حميد
شغل جميل وبسيط ربنا يسهل ونزود العزل بتاع العربية
على فكرة انا عاملت طبعة بأرضية العربية كاملة بالجلد التقيل وزود عزل صوت وحرارة للكابينة عقبال عزل الابواب والعتب
تحياتى ليك ولمجهودك