أخدتها تحدى إنهاردة و قررت أعمل العربية كلها بولش بعدها واكس
إبتديت بغسيل العربية و سبتها تنشف ... بس لقيتها مبقعة كده دواير تراب مكان المية بس مسحتها بفوطة ميكروفايبر و بقت تمام بعدها اديت العربية كلها وش بولش sonax و بمسحه بالقطن و كان الموضوع سهل و تمام
الواكس بقى اللى هد حيلى و انا اصلا كنت تعبت من وش البولش بس صممت إنى أخلصه و عملت كمان الإزاز كله و المرايات و الفوانيس و العربية بقت جميلة جداً و رجعتلها لمعتها الجميلة تانى.
العربية بقت حاجة تانية فعلاً هو بس الإزاز اللى مش راضى عنه بس هو عاوز مجهود شوية و يتنضف من جوه تانى فى النهار بس غير كده كله تمام التمام.
إمبارح كنت عملت التابلوه ب Armor all للتابلوه و مخليه شكله شيك أوى عن الأول و فيه لمعه جميله كده ... و نضفت بقع فى الكراسى ب Astonish بس لسه عاوزة تنضف تانى .. هبقى أعمل الكراسى تانى قبل الفرش.
خليت الولد بتاع الجراج يغسل الدواسات و يشيل على قد ما يقدر من التراب اللى عالأرضية بس فضل منه كتير ... هبقى أجيب مكنسة نوع نضيف تساعد.