:POINTIy2[2]:
بص على التوقيع بتاعى كدة....
MMamdouh
عرض للطباعة
اولا متشكرجدا ان حضرتك رديت على الموضوع ودة شرف ليا طبعا
ثانيا بالنسبة للنقطة رقم واحد
انا قصدى ان الزيت بيتحرق اما بقرص على العربية لدرجة انى بشم ريحة شياط وانا بجرى او اما اقرص على العربية
الاول كنت شاكك فى الاسطوانة بس انا لسة جايب طقم دبرياج جديد وبعدين انا عارف ريحة شياط الاسطوانة اما بجرى لانى كنت معاشر الموضوع دة بتاع 6 شهور فحفظت الريحة دى
اما الريحة دى ريحة زيت فعلا محروق وبتبقى ريحتة مميزة واكيد حضرتك عارف وادرى منى
بالنسب لتانى نقطة
هو فعلا الزيت بيقع من على المقياس اكنو مية بالظبط ودة اللى انا استغربتلو
الحقيقة مصادفنيش موضوع الحرق دة خالص من ناحية الريحة و كدة... انا بحرق كتير بس عمر ما طلع اى ريحة
و برضة موضوع تساقط الزيت معداش عليا قبل كدة... اخرة بينزل نقطتين من مقاس الزيت و خلاص... دة زيت فيسكو 5000 الخليقى
MMamdouh
فعلا!_انا كنت بشم ريحة ريحة زيت محروق لما كنت بحرق على الغيارات_لما غيرت لشيل مهما بحرق مافيش ريحة إلا نادرا جدا جدا_زيت فيسكو_انا نصحت ناس كتير بيه فى البداية_ لكن دلوقتى انا مش مبسوط منة وشاكك فيه _وحاسس إنة إكذوبة
يا جماعة أقسم بالله_الزيت دة بسببة انا إفتكرت الموتور جاب طقم شنبر_لإن ببساطة كدة جيت افك عمة الكاربراتير لقيتها كلها زيت!شديت الخرطوم الفايظ لقيتة كلة زيت من جوة_رحت للميكانيك_قالى دة طقم شنبر وش كدة!بس لسة فى أولة_انا ماقتنعتش ابدا _ورحت فكيت البوجيهات لقيتها زى الفل وبتلمع _شكيت إنة الزيت_غيرتة فورا_ولحد دلوقتى ماظهرش أى زيت تانى ولا فى العمة ولا الخرطوم!
أنا بقالى أكتر من سنتين بستعمل total و حتى كمان زيت الفتيس غيرتة توتال... و زيت الموتور بعد تسع أو عشر الاف كم بينزل ناقص حاجة بسيطة جدا فى حدود الطبيعى و لزوجتة بتكون كويسة . بصراحة كفاية مراكز خدمة توتال و النظافة فى التعامل, مع تغيير الزيت(10الاف)بيغسل لك الموتور و الشاسية بالهوا مع الجاز و الفنيين بيبقوا عارفين هما بيعملوا أيه فى فك الطبة و تركيبها . و بالنسبة لزيت فيسكو أعتقد أن لو حد الزيت بيقل عنده بصورة ملحوظة دة بيكون عيب فى المكنة و مش شرط يكون عيب فى الزيت.
والله عموما زيت فيسكو أقدر اقيمة بانه جيد
انا جربت ال فيسكو 5000 وقبل منه شيل الترا وقبل منه موبيل1
وبصراحة لا شميت ريحة حرق زيت فى الفيسكو وحرارة الماتور كالمعتاد بس الى لاحظته انه خفيف جدا
بس انا رجعت لموبيل 1 تانى فى علبته الجديدة قولت اجربة ولسه مش مقتنع بان فى زيت وهمى فى مصر
ناقص اجرب توتال كوارتز الفرنساوى وكاسترول ايدج
وعلى فكرة فى ماركة زيوت برة تحفه والبعض عارفها اسمها liqui moly المانى ودى فعلا للى عايز يجرب زيت جديد بمعايير جديدة بس للاسف مابينزلش مصر
تحياتى
يا نهار أسود!!!!!! دا من كلامكم يا جماعة المفروض علي كده يسموه (فاسو) مش فيسكو
بس انا ملاحظ عندى صوت تكتكة فعلا بقالى شوية
انا حطيت زيت فيسكو 5000 فى صيانة ال10000 ودلوقتى ماشى بيه حوالى 8 آلاف
فهل الصوت دا من الزيت
ولو طلع من الزيت انهى احسن زيت يتحمل الجرى والحرق ل10 آلاف كيلو من غير ريحة ولا ينقص
معلش انا عندي تعليق صغير على موضوع ان الزيت خفيف
الزبت ال 5000 لزوجته 5/40 يعني لو العربية باردة هتلاقيه خفيييييف جدا - 5 - و ده ميزة علشان لما تدور العربية الزيت ينتشر بسرعة في العربية - بعد الوصول لدرجة الحرارة المثالية اللزوجة بتزيد و تبقى 40
بس خلاص :)
كنت كتبت الكلام ده في موضوع زيوت فيسكو "م محمد التازي" ، لكن هقول تاني اللي حصل معايا بس بالتفصيل أكتر وهو زي اللي حصل مع ناس كتير:
1) حطيت فيسكو 2000 ، بعد فتره مش فاكر الحقيقه كان عمل كام كم لكن تقريبا 1500 أو حاجه كده الزيت نقص 2 مم علي المقاس وزودته شويه .. لحد ما نزلته منقصش تاني
2) قبل 4000 كم بشويه ابتدي يظهر ريحة شياط اكتر من مره ، والريحه دي مكانتش من الحرق أصلا زي ما حصل مع استاذ توت لأنها ظهرت مع والدي أكتر من مره وهو واخد العربيه يعمل فيها شغل وهو أصلا بينقل بدري مبيحرقش بعربيتي نهائيا بالعكس انا بسوق هادي لو هو معايا وبرضو شايف اني بحرق علي الغيارات
3) عند وصول 4000 كم صوت التاكيهات (التنقير) بقي عالي زي متكون التاكيهات مفتوحه بزياده وصوت الموتور عموما بقي خشن
4) غيرت الزيت وحطيت برضو فيسكو 2000 ، صوت التاكيهات اتظبط ورجع زي الأول ، وصوت الموتور اتحسن لكن ما زلت حاسس انه لسه خشن شويه و ريحة الشياط مظهرتش حتي الأن بعد 400 كم علي الزيت الجديد
- مع العلم اني اصلا حطيت فيسكو 2000 بترشيح من مهندس محمد التازي بعد ما قلتله ان الموتور تويوتا 91 وقالي انه يتغير علي 10000 كم ! ، وكذلك العامل اللي غيره كان شايف ان الزيت لسه كويس وكده بدري عليه !
- من الملاحظ دلوقتي ان ريحة حرق الزيت ظهرت مع استاذ توت مع الكيك داون و صوت التنقير ظهر مع استاذ prince ، والعربيتين gen2 يعني عربيات جديده !
والخوف ان الناس اللي مش حاسين بحاجه سلبيه ظاهره يكون بيحصل عندهم ضرر علي المدي الطويل لو الزيت فعلا مش كويس
بصو من اجمالى المشاركات
الكل بيعيب فى فيسكو 2000 ... و اللى بيشكر فى الزيت ده بيبقى بيتكلم على فيسكو 3000 او 5000
وبالتالى هل فيسكو 2000 (اللى متعبى فى مصر ) هو اللى فيه العيوب و الباقى فل ؟؟ ولا كل زيوت فيسكو اى كلام
+1
الناس فاكرة ان الزيت الكويس هو اللى يبقى قافش فى مقاس الزيت اكننة ملزوق بغرا و العربية باردة... للعلم 60% من تاكل اجزاء المحرك الداخلية بتحصل اثناء ادارة المحرك فى جو بارد
دة بيحصل عشان الزيت بيبقى كلة فى الكارتيرة و لزوجتة لسه عالية و موصلش لكل اجزاء الموتور... و هنا تظهر ميزة ان الزيت يبقى خفيف و هو بارد عشان طلمبة الزيت تقدر تضخة بسهولة خلال دورة التزييت و يقلل من موضوع الاحتكاك دة و انت بتدور العربية و دى نلاحظها فى الزيوت التخليقية اللى بيبقى دايما رقم اللزوجة الاول رقم صغير... من صفر الى 5 فى الغالب
MMamdouh
ممكن.... التحيل منطقى بس مقدرش ااكد الكلام
انا جربت ال 5000 و ماشى علية من 4 سنوات بدون اى مشاكل... لا نقص فى المستوى ولا اصوات ولا ريحة
ال3000 اول مرة اجربة فى عربية الوالد لانى كنت بستعمل ال 5000 و هو بيمشى بالعربية قليل اوى فا كان الزيت بيفضل فى العربية مدة كبيرة جدا و العربية عاملة كيلومتر قليل (اخر مرة الزيت فضل فى العربية سنتين و العربية مشيت 6000 كيلو فقط على الزيت) فا اخر مرة غيرت من 5000 الى 3000 عشان التكلفة.... اخر مرة اخدت العربية و سوقتها بمعرفتى (حرق و جرى) لم تظهر مشاكل الصوت او الريحة و مستوى الزيت لم يتغير حتى الان
ال2000 مجربتوش فا مقدرش احكم علية... مجرد انة بيتعبى فى مصر حاجة مش لطيفة اصلا
MMamdouh
تجربه صريحه و واضحه انا جربت شل الاصفر ال 5000 و فيسكو ال 2000 و ال 3000 و جربت امارات مصر ال 5000
رقمواحدو بدون منازع شل الاصفر و في نفس الكفائه بظبت امارات مصر و بيتوق عليه في سعره حجات بسيطه جدا
فيسكو ال 2000 مينفعش لينا اساسا الزيت ده لعربيات بره مصر درجه حراره قليله و الزيت خفيف عشان يساعد اعربيه تسخن في اقل درجات الحراره و ال 3000 معقول يوازي موبيل تقريبا
و الكلام ده تجربه معا واحد بيجري جري افتريوكل النقلات ببتنقل 6.5 ار بي ام و بعمل ال 5000 كيلو دول في شهر كبيري اووووي
شل او امارات مصر بجد كويس جدا جدا جدا و بتاع مواتيرنا و درجه الحاراه بتعتناو الافتري بتعنا
مجربتش زيوت فيسكو
بس متابعكم للاستفادة من تجارب حضراتكم
وليا سؤال هو الزيت ده ليه مش منتشر في كل المحافظات ؟
هو الزيت ده يعنى نازل من فوق ؟؟؟؟؟؟؟
نازل من فوق ازاي ياعاطف
بينقط يعني ؟
ولا ايه مش فاهم
الزيت بخره عالي جدا جدا
وصوت الماتور عالي جدا بعد اما حطيت فيسكو 3000
وياعيني عالونه اللي في العربية وهيا ماشيه
من الآخر
ولا يمكن احطه تاني لو اتقالي فيه اشعار....
تحياتي
بشمهندس سمير جرب فيسكو 2000 وبخره كان عالي جدا على كلامه وانه على 3000 كيلو كان اداؤه ابتدى يبقى سئ
وبناءا عليه انتقل هوا لتجربة فيسكو 3000
فنفس الوقت انا كنت جبت الفيسكو 3000
وانا وهوا عندنا نفس العبوة اللي مصنعه في الامارات
وهوا الى الآن بيقول ال 3000 تحت التجربه
انا بالنسبالي جربته
معملتش لسا 2000 كيلو على بعض
والزيت نقص عالمؤشر حوالي اتنين ملليمتر
يعني زيت فيسكو فيسكو خالص والله
انا الغلطان اني غيرت من زيت نضيف قعد في العربية 10 آلاف كيلو ونزل ولسا فيه لزوجه لزيت ملوش هويه
جربته لمجرد كلام الناس عليه
انا كنت بحط الكالتكس هافولاين
الزيت يا اخواننا مشيت عليه 10 آلاف كيلو ومنقصش عالمؤشر ونزلته وكان لسا لزوجته حلوة
وان شاء الله شويه وارجعلهل بس مستحرم الفلوس اللي دفعتها في الفيسكو ده....
تحياتي
+11111111111111111
احب اللخص الموضوع للى بيشوفو لاول مرة
ان زيت فيسكو خصوصا فسكو 2000 وبناء على تجربة اكتر من عضو محترم هنا فى المنتدى لية بعض العيوب تتلخص فى 5 نقط
1-معدل بخرة عالى جدا
2-بينقص بسرعة بعد اول 1000 كيلو (يعنى مابيقعدش 5000 كيلو زى مابيقولو) الا لو جايب جركن ونص عشان تقعد تزودو كل ماينقص
3- علو صوت الموتور مع ظهور صوت تكتكة عالية اشبة بصوت التاكيهات اللى مش مظبوطة
4-ظهور صوت ونة غبر معروف سببها
5-ظهور رائحة زيت محروق اثناء الجرى او القرص على العربية
فيسكو 2000 زيت ممتاذ
بغيره على 4500
لأ أنا لما قلت كدا كان قصدي والعربية سخنة بعد مشوار بسيبها شوية واشوف الزيت بلاقيه مية رغم انه في الحالة دي المفروض يكون تقيل شوية
سؤال أنا جربت الفيسكو ال 3000 كذا مرة وكان عاجبني وبعدين جربت ال5000 التخليقي ومعجبنيش هل ينفع ارجع من تخليقي لمعدني عادي من غير مشاكل؟
ينفع
MMamdouh
انا جربت فيسكو 2000 ونزلته على 3000 كيلو بس عشان اغسل الماتور زى المهندس محمد التازى مقال وكان اداء عادى بس نسبة بخر ملحوظة وبعدين حطيت فيسكو 3000 لا حظت ان نسبة البخر فيها عالية جدا وكمان فى صوت تكتكة الصبح خاصة لو الجو بارد وحاليا هو عامل 4000 كيلو وهنزلة ومش هرجع لفيسكو دة تانى خاصة انى بعمل فى اليوم 90 كيلو بالعربية على الدائرى يعنى اغلبهم جرى وان شاء الله هجرب شيل او ارجع لموبيل xhp تانى مش عارف او امارات مصر - ربنا يسهل
ادينى راسك ابوسها
انا حطيت فيسكو 2000 وفعلا لقيت زيت كتير فى عمة الموتور والميكانيكى قلى ان ده شمبر والحالة النفسية بقت زى الزفت عشان شارى العربية بقالى 8 شهور والميكانيكى قلى اعمل خرطوم فايظ طويل وانزله لتحت العربية عشان الزيت الى بيطلع
مع العلم ان الميكانيكى كان بيناقض نفسه لما شاف البوجيهات ولقاها زى الفل
بس بجد انت كدا رديت فيا روحى
انا لسه مغير من يومين لموتور اويل (فيسكو) بس لو لقيت البخر ده ان شاء الله حنزله واحط شيل الاحمر واشوف
وكمان نسيت اقلكم ان انا فى خلال 3000 كيلو زودت حوالى نصف كيلو زيت
ولما نزلته كان لحد العلامة الصغرى لمقاس الزيت بس للأمانة انا عندى رشح زيت كتير على الموتور وجارى البحث عن مكانه
شكرا للراجل المحترم الى فتح الموضوع وكل من شارك برأيه
والرجل كل واحد جرب الزيت ده يدخل ويقول عن تجربته
دعوة للأستاذ محمد تازى للرد على كل المشاكل الى قبلتنا مع زيت فيسكو 2000 وهل موتور اويل زي فيسكو 2000
وياريت الى جرب موتور اويل يتفضل ويقول تجربته
معلش اعتقد ان فيه لخبطه وممكن حد يأكدلنا
شل الاحمر sf 20w50 اعتقد زي فيسكو 2000
شل الاصفر sl زي فيسكو 3000
شل الازرق ده نص تخليقي
شل الترا sm 5w40 تخليقي زي فيسكو 5000
اما فيسكو موتور اويل ده عادي احادي الدرجة مش عارف اللي زيه في شل لونه احمر ولا ابيض
تقريبا كده لو غلطان حد يصححلي
تصدق بالله ، أنا حطيته في عربيتي في شهر إبريل !!!
أنا قلت على كلام الأعضاء هحط الزيت ده هلاقي المكنة صاروخ وصوت الموتور هيهدى شوية ... لقيت مفيش أي فرق بل على العكس حسيت إن السحب قل شوية ، أنا هرجع لشيل الأصفر تاني إن شاء الله وشكرا لكل الأعضاء ، لأن أنا كنت شاكك في نفسي الأول ، لكن تيقنت الآن وشكرا مرة تانية
ده كلام سليماقتباس:
_فيسكو دة طلع كدبة إبريل_ماتغامرش وماتجربش
وللأمانه
ده بخصوص فيسكو 2000
أما 3000 فجارى تجربته
وأرجو أن يكون آداؤه تمام
بس فيسكو 2000
خساره فيه الفلوس
ليه يا جماعه أنا بغير بفيسكو 2000 من فتره
زيت كويس ومفيش فرق بينه وبين مصر للبترول الأزرق ومبيعملش معايا مشاكل