في ناس بتشكر فيه فعلا
انا شكلي هنزل الفيسكو 2000 علي 2000 كم عدي منهم حوالي 1000 لأن مبقتش مرتاحله مع ان هو مظهرش اعراض سلبيه غير قبل ال4000 كم المره اللي فاتت .. واجرب شيل الأصفر ان شاء الله
عرض للطباعة
مهندس سمير
انا اعمل ايه فى الزيت الى انا حطيته
طبعا لما لقيت الزيت فى العمة قلت الموتور راح
فضطريت احط زيت موتور اويل بتاع فيسكو وغيرت معاه الفلتر
انا مشيت عليه لحد دلوقتى 200 كيلو
اعمل فى موتور ايل ده ايه
انزله
ولا اعمل ايه
طيب اتابع ازاى جودته
تابع شويه كمان
بس خليك متابع مقاس الزيت
وخصوصا لو سافرت مشوار طويل بالعربيه
انا جربت التعاون الازرق sj وجربت التعاون الاصفر sl .. الاصفر افضل .. وهو زيت ممتاز يستحق التجربه واتمنى حد من الاخوه اللي عندهم خبره يجربوه ويقولولنا رأيهم .. انا خبرتي على قدي لكن مقارنة بانواع زيوت كتير جربتها زيت التعاون الاصفر sl ممتاز ويستحق التجربه خصوصا ان سعره ارخص بكتير عن الانواع التانيه
انا ماجربتش فيسكو لكن ترتيب الزيوت اللي جربتها كالاتي ( وكلها نفس درجة الجوده api sl ودرجة اللزوجه 20w50 )
1- شل الاصفر .. الافضل فعلا
2- توتال 5000 .. ممتاز
3- التعاون الاصفر .. يستحق التجربه
4- موبيل xhp خساره فيه تمنه ... لكن موبيل 1 ممتاز
5- امارات مصر ... نسبة بخر عاليه وخيب ظني فيه
للأمانة يا جماعه انا حتي الأن استخدمت زيت فيسكو 2000 ثلاث مرات الأولي غيرته علي 6 الاف دون اي مشكلة ولا نقص سوي مقدار طفيف جدا بسبب وجود بعض التسريبات البيسطة للأولسيهات المحرك
الثانية غيرته أيضا علي 6 الاف كيلومتر ولكن حدث نقص بنسبة كبيرة ولكن كان السبب هو زيادة كبيرة في تسريب اولسيل عمود الكامات وغيرته قبل التغيير للمرة الثالثة ولكن ليس بسبب الزيت
المرة الثالثة حاليا عملت حتي الأن 3909 كيلومتر ودون اي نقص او مشكلة في الزيت وان شاء الله متابعه حتي أصل 6 الاف كيلومتر كما سبق وبعدين ابقي اغيره
ملاحظاتي علي الاستخدام : الزيت جيد جدا و أفضل في الاستخدام والأداء وهدوء المحرك من زيت شيل الأصفر حتي الأن
والله علي ما أقول شهيد ولا يوجد لي اي علاقة بفيسكو او غيرها
والزيوت التي استخدمتها حتي الأن بالترتيب من الأفضل للأسوأ من وجهة نظري وتجربتي :-
1- فيسكو 2000
2- شيل الأصفر
3- توتال كوارتز
4- امارات مصر
:11:
طب وبعدين طيب الاراء منقسمه لمؤيد ومعارض ...
ولاكن الترتيب الامثل الى الان
شيل الاصفر وتعاون الاصفر وتوتل وفيسكو 3000
طب دلوقت هنزل فيسكو لانه خلاص دلوقتى داخل ع 6000 وزيادة معايااا
ايه الانسب ويستحق تجربه ومناسب لعربيتى شيل ولا تعاون الاصفر
لان حاسس انهم الافصل بتجارب بعض الاخوة هنااا وترتيبهم ...؟:11:
يا جماعة فى اكتر من ميكانيكى بيشكر فى زيوت التعاون ده رأيي أنا برضو بس فعلا اجمد حاجة انك تلاقى ردود من مهندس سمير عياد
حمد الله على السلامة
شيل الاصفر ممتاز بصراحه
انا شاركت و موضحتش .. نسيت
انا موتور عامل دلوقتي 95000 و كبس اموتور كويس
حاطط زيت فيسكو 5000 و عامل حوالي 5000 كيلو و ممتاز جدا عني منقض ولا سنتي، انا حتى مرة افتكرته نقص عشان بصيت على المؤشر بالعكس فزودته حوالي 200 ميللي فبقى زيادة و نقصته شوية
صوت الموتور كان كويس بس للاسف رشيت مادة لتنضيف الموتور فصوته علي شوية
بس عموما انا كنت حاطط شل الترا و مكنتش باخد بال العربية شغالة ولا مبطلة لأن الموتور صوته كان منعدم
انا استخدمت الفيسكو الـ 5000 حتى الان لمسافة 6000 كم فى اللانسر ( ماشية 70 ألف كم )
الملاحظات هى اللزوجة الضعيفة جدا للزيت وهو بارد وهو سخن ، صوت الموتور بقا عالى على السلانسية مقارنة بالشيل فى نفس عدد الكيلومترات ، اساسا الشيل حتى على مشارف الـ 10 الاف كم مكنش بيوصل للحد ده من الصوت مش عارف الفيسكو على الـ 10 هيبقى ايه وضعه
البخر مفيش والسواقة هادية جدا ، لون الزيت متغيرش من وقت ما اتحط وده مؤشر مش مطمنى
طبيعى على الكيلومتر ده كنت بلاقى الزيت بدأ لونه يغمق لكن الفيسكو لونه ذهبى زى ما اتحط واعتقد ان ده مؤشر مش كويس من ناحيه امتصاص الشوائب ( ياريت لو غلطان حد يصححلى )
انا شخصياً راجع للشيل الترا تانى اول ما اقفل الـ 10 الاف واكتفيت من تجربة الفيسكو
زيت فسكو 3000 زى الفل لا بخر ولا تكتتكه ولا اصوات ممتاز عن تجربه فيسكو 2000 معرفش عنه حاجه
دي تجربتي..كنت كتبتها في قسم الميتسوبيش وبنقلها هنا يمكن تفيد حد
انا استخدمت الزيت ده مرتين ومفيش منه مشاكل معايا (فيسكو 5000)
- موضوع الصوت...لا الصوت مش بيقل..عادي جدا
- الزيت بيطير.....لا خالص......مقاسه مظبوط جدا.......مع العلم اني بحرق جامد علي العربيةوبجري كتير
- قوام الزيت خفيف لانه تخليقي....وده معامل لزوجته 5w-40
و 5 دي هي معامل اللزوجة في درجات الحرارة الباردة و 40 هي معامل اللزوجة في درجات الحرارة العالية..يعني مع التشغيل...لان الزيوت لزوجتها بتعلي مع الحرارة الاعلي
ايه الحكمة من كده...الزيت بتبقي لزوجته اقل في الجو البارد عشان يساعد علي ادارة المحرك بسرعة اكبر وميعملش اعاقة زيادة...لكن بمجرد ارتفاع درجة الحرارة..بترتفع لزوجته عشان يقلل الاحتكاك...
- الزيت بينزل لونه فاتح....اغمق حاجة بسيطة مما كان عليه وهو جديد
انا كنت بحط موبيل وان في يوم يعدي عليه 10 ايام يبقي اسود..والمكنة جديدة..ده صح..اكيد لا
ده غير ان موبيل وان كنت كل اسبوع لازم ابص عليه لانه كان بيقل (علي عكس فيسكو) لدرجة ان قبل ما اغيره كنت بخلص باقي الربع كيلو (الموتور بياخد عندي 3.75 لتر)...اكيد ده مش صح
- معلومة ...انا بغيره علي 8000 كم لاني بعملهم في 7 شهور...ومقدرش ازود الزيت اكتر من كده عشان خواصه بتتغير (دي نصيحة محمد ممدوح)
دولقتي انا مش بتحرك بالعربية وبشغلها بس كل اسبوعين ومعدي ال 7 شهور لكن لما اجي اغيره هشوف ايه اخباره....بصراحة مستخسر اغيره وانا مش باستخدم العربية
انا بدات اشم رائحة الشياط دي انهارده بس بعد ما مشيت على الفيسكو 2000 كيلومتر
لكنه من ناحية اللزوجه لسه شغال لكن بينقص بمعدل كبير
بلاش فيسكو 2000 بيقولوا متعبى فى مصر وانته عارف يعنى ايه مصر مصرى حتى النخاع هههههههههههههههه
سؤال مهم جدا يا جماعة....ياريت اللي بيحطوا فيسكو 3000 او 5000 وخاصة المكن القديم يقولولنا الزيت بينزل لونه ايه بعد قد ايه.....او الزيت حاليا لونه ايه في الموتور وعاملين بيه قد ايه
لان فيه شك مني و زميلنا احمد نوح ان الزيت ال 5000 بينزل نضيف...ولونه مش متغير كتير..بسيط يعني
بس عربياتنا 2008 هو عامل 70000 اوانا عامل 25000
اذا كان الزيت بينزل في كل الاحوال نضيف...يبقي ممكن يكون فيه مشكلة انه مش بينضف الموتور
لو بتفرق من مكنة لمكنة يبقي اعتقد الموضوع عايز دراسة...واعتقد كده ممكن ميكنش فيه مشكلة
زي ما قلت انا كنت بستخدم موبيل وان وكان مبيكملش 3000 في العربية وبيكون اسود تماما..اكيد ده برده مش طبيعي في عربية جديدة
السلام عليكم بناء على تجربة زيت فيسكو من محطة الغاز الى فى شبين الكوم و عليها شعار Bp يعنى مركز خدمة محترم
غيرت فيسكو 2000 هناك مرتين
المرة الأولى عملت 2000 كيلو بيه و غيرته عشان أغير الفلتر بتاع الزيت "نضافة للمكنة مش أكتر"
المرة التانية انا شغال بيها دلوقتى بقاله 3400 كيلو و شوية فكه
الزيت نقص تقريبا ربع كيلو مع وجود الأتى
1-تعريق زيت على الموتور
2 - قرص و حرق كتير شوية
3-فى كام خرطوم زيت عايز يتغير
مع ملاحظة إنى كنت بستعمل موبيل وان 1000 كيلو مع وجود الأسباب رقم 1 و 3 بردوا يعنى مش حاجة جديدة
النقطة التانية
انا شايف إنه من العادى
النقطة التالتة
صوت الموتور مقدرش أفيدك فيه عشان فى أصوات بتطلع من طرمبة الباور أو الدينامو أو كمبرسور التكيف بتغطى على أى صوت
النقطة الرابعة
هو الزيت خفيف بس مش للدرجة إنه يقع من على المقياس
كدا عندك حاجة غلط فى الزيت نفسه الى أنت حاطه
النقطة الخامسة
العمال فى المحطة نصحونى بال 3000 و قالوا إنه أحسن من ال2000 بس انا الصراحة إستحرمت أجيب زيت و يقعد عندى فى العربية 6 شهور من غير ما يكمل الكيلوات بتاعته
انا مغير الزيت مش فاكر من إمتى بس كان فى أواخر الصيف يا فى رمضان يا بعد العيد على طول
و يوم الخميس الى فات كنت بغير لخالى زيت العربية
و غيره ب فيسكو 2000 و كان لونه أحمر يوميها و كان وارد الإمارات و كان مغلف ببلاستك
و دى تجربتى مع الزيت
طيب بصوا على الصور كدا يا شباب
ده مقياس الزيت الصبح و الموتور بارد تمام .... آخر مرة كان شغال من 12 ساعة فاتوا
http://i56.tinypic.com/2gv5t86.jpg
و دي صورة تانية بعد ما مسحت المقياس بقماشة و قست تاني
http://i54.tinypic.com/rjgz6p.jpg
و ده شكل الزيت على القماشة بعد ما مسحتة
http://i55.tinypic.com/1443f4w.jpg
أنا شايف ان اللزوجة كويسة جدا و اللون معقول جدا
ده زيت فيسكو 2000 المصري اللي مش عاجب الناس مع ان شل برضه مصري و موبيل وان مصري !!
حاجة غريبة قوي الشجب و الشتمة في الصناعة المصرية بدون تجربة فعلية أو معرفة الأسباب الحقيقة لو حد ظهر عنده مشكلة و انا مش بادافع عن زيت فيسكو و لا ضد حد أنه يقول رأيه و لا ضد راي حد
بس بلاش لو الزيت لع وحش نقول علشان مصري !!!
ما يا ما حاجات بتطلع فيها مشاكل مستوردة و مش بنجيب سيرة بلد الصنع بحاجة و نقعد نعيب فيالمنتج بس !!
نرجع للموضوع
العربية جين 2
مدة وجود الزيت في الموتور 8000 كم دلوقتي و في اللحظة دي .
ظروف سواقتي (هادية 99 % من الوقت ) يعني نادرا لما معدل لفات الموتور يعلى عن 3000 لفة - دقيقة و في أغلب الاوقات عدد اللفات ما بين 2000 إلى 2500 لفة - دقيقة .
صح يا أستاذ خالد و أدي الجركن
http://i55.tinypic.com/zm12yv.jpg
شكرا توت باشا لنقل التجربه
و دا شيء مشجع للاستمرار
متابع باهتمام
حقااقتباس:
بسم الله الرحمن الرحيم @@@ ولا تحسبن الله غافلا عما يعمل الظالمون @@@ صدق الله العظيم
صدق الله العظيم
بقالى 6 شهور بحط الموتور اويل عندى فى الشاهين
بينقص جامد وفعلا الزيت خفيف لدرجة انه بينقط من على المقاس
وبعد ال1000 كيلو صوت الماتور بيعلى والسحب بيقل
وكنت بكدب نفسى واقول العربية محتاجة طقم شنبر عشان نقص الزيت
كده ارجع للشل الاول وبعدين احكم على الماتور
نعم أفضل لك هذااقتباس:
كده ارجع للشل الاول وبعدين احكم على الماتور
ولاحظ أن موتور أويل
أسوأ من فيسكو 2000
أيه رأيك يا باشمهندس سمير في الصور ؟؟
و الأستاذ لانسر ريفولوشن
أبقى صورلنا مقياس الزيت بتاع بما أنك بتستعمل فيسكو 2000
و ياريت كمان لو تعرف تصورلنا مقياس الزيت الخاص بسيارة خالك إذا امكن طبعا ؟
الزيت كلزوجه على البارد حلو فعلااقتباس:
أيه رأيك يا باشمهندس سمير في الصور ؟؟
وده أنا لاحظته حتى فى فيسكو 2000
بس أتضحلى فيما بعد
أن قوة الترابط بين الزيت الأساسى ( المصرى الأصل )
والأضافات ( المستورده )
بتنهار مع سخونة الزيت
وبيحدث شبه أنفصال
ومن هنا بيطير الزيت (زى السبيرتو )
وكان حيعملى مشاكل مع سيارتى
إللى لسه يادوب عامله 25 ألف
فوجئت وأنا راجع من مشوار بمنسوب الزيت بدأ يقل على المقاس
وفى طريقه إلى ال min
وكان ستر الله موجودا
وبالفعل رميت الزيت ده
وحاليا ماشى مع فيسكو 3000
والوضع مع فيسكو 3000
مقبول للآن
أما
بالنسبه
لفيسكو 2000 أو موتور أويل
لو قالولى
خد الزيت ببلاش
مستحيل أجرب الزيت ده تانى فى المكنه
حتى لو كانوا حيعملوه فى أمريكا ....مش فى الأمارات
__________________________
لايلدغ المؤمن من جحره .....مرتين
العالم دى لايوجد ضمير لديها
فسياراتنا ليست حقل تجارب لزيوتهم
مش ميعرفوش يحددوا كفاءة منتج معين صح
ولم يفشلوا
وتنكشف ألاعيبهم
يروحوا يصنعوه فى الأمارات
__________________
طالما النيه مش سليمه من الأول بهدف التربح والأفلام إللى
أتعملت
وحتى لو كانت سليمه ولسه الشركه وليده فى مصر
فكان أولى بها تجرب الزيت فى
عربيه من عندها وتحرق على الزيت لأختباره
قبل طرحه للأسواق
مش فى عربياتنا
__________________
عالم ظالمه بصحيح
_____________
حسبى الله ونعم الوكيل فى كل ظالم
لايتقى الله فى عمله ولا يفعل ضميره
فى التعامل مع الآخرين
أنا حاليا" عامل 3000 كيلو بفيسكو 2000
الزيت لزوجته جيده والمقاس مظبوط بس الزيت لونه غامق شويه