سعدونى عيز اشترى عربية اوبل

**omdaz_5538** · 17-01-2011 09:39 PM

يا باشا انا مش ببيع عربيتي اساسا
انا بقولك على حاله معينه اني ماسك في السعر لو بعت اصلا
و ناس موافقة و مش مستغلياه
هو حضرتك منين ؟

**tamernasr6666** · 19-01-2011 05:29 AM

هو تفرق انا منين ومش هزعلك انا من المنوفية

**N.a.j.d** · 19-01-2011 09:53 AM

التجار هما اللى بيلعبو ف سعر العربياات

**omdaz_5538** · 19-01-2011 11:34 AM

هو تفرق انا منين ومش هزعلك انا من المنوفية

اه يا باشا تفرق اوي
كدا احنا جيران
انا من المنوفية برضه من شبين الكوم و حسين (lance evolution) برضه من شبين
و انا كنت بسألك عشان لو تسمع عن رامي قابل أبن الحاج قابل تاجر عربيات
هو المحل بتاعه في شارع الأستاد جنب كاميرا شوب
معاه حته فيكترا b موديل تسعينات نبيتي ميتاليك
حته رايقه اوي و في الجون بجد
روح اتفرج عليها مش هتخسر
و على فكرة هو سعره غالي
بس الرجال ده عربياته بسم الله ماشاء الله عليها
مش بيجيب غير عربيات بحالة الزيرو
سواء كانت موديلات قديمة او جديدة

**tamernasr6666** · 20-01-2011 02:15 AM

انتة كدة من شبين طيب من اسمى متعرفش دة مين واعرف رامى قابل انا تامر نصر كانت امتلك اجمل عربية 505 فى المنوفية ولو مكنش كداب فى مصر البيضة اللى كان فيها عدد صوت جمدة وعلى فكرة رامى بيجيب عربيا ت حلوة بس علية شوية كانت عندو زلموكة مودل 85 كان عيز فيها 85000 الف جنية هى حلوة بس سعرها اللى مش حلو وانا تشرفت بيكم وعلى فكرة عرف المكنيكى اللى عند المحكمة ورشة الحج فاروق عندو اوبل 2002 زيرو مشية فى العداد 55000كيلو 1600ccواتوماتك وفبريكة برة وجوة وبيبعها على 90000الف جنية زمش عيز غلط عشان الرجل هنا على النت وهو اللى معرفنى الموقع واشكركم تامر نصر

**MohamedGafar** · 20-01-2011 10:57 AM

انا معايا فيكترا 2000 أوتوماتيك موديل 99 بحالة رقم واحد عاملة 110.000 كيلو بس (أصلية الموتور الأسود وليست تعديل)، لونها نبيتي وراكب فيها جنوط مومو وكاونش سرعات 205/55 من آرابكوم لوحدهم تمنهم 6000 جنيه وساوند بصب هوفر بايونير/كينوود/سي دي تشينجر ياباني أصلي من بره وفوانيس رينجات أصلية أمامية بزينون فيها وفى الفوجات وفوانيس سموك خلفية ، فرش السيارة جلد بما فيهم فرش الأبواب (أصلي)....الخلاصة دي عربيتي وبحالة نادرا لما تلاقى زيها فى السوق! كل كمالياتها شغالة وصياناتها بقطع غيارها الأصلية دائما ، الحمد لله موتورها بحالة رقم واحد ولم يتم تغيير أي شيئ بالموتور سوي جوان غطاء التكيهات وردياتير جديد وطبعا الزيت والبوجيهات وسير الكاتينة وسير المجموعة، بأستعمل مياه حمراء لمنع الصدأ وزيت باور أبيض أمريكي لمجموعة الباور ، العربية أغلب الوقت راكنة فى الجراج لأن عندي عربية خاصة بالشغل....(معتني بيها عناية فائقة) ، مفيش أي خدوش فيها والتابلوه بتاعها كأنه خارج من المصنع إمبارح!!!! يعني مافيهوش شروخ!!!! والرخصة بأسمي يعني مافيش توكيلات.

إن شاء الله أنا بأحاول أخلص فى عربية تانية على يوم السبت أو الأحد الجاي على الكتير....لو ربنا وفق وإشتريت حأنشر صورها تمهيدا للبيع.

طبعا سعرها مش حيبقي زي سعر أي عربية بنفس موديلها فى السوق!

تحياتي.

**omdaz_5538** · 20-01-2011 11:22 AM

انتة كدة من شبين طيب من اسمى متعرفش دة مين واعرف رامى قابل انا تامر نصر كانت امتلك اجمل عربية 505 فى المنوفية ولو مكنش كداب فى مصر البيضة اللى كان فيها عدد صوت جمدة وعلى فكرة رامى بيجيب عربيا ت حلوة بس علية شوية كانت عندو زلموكة مودل 85 كان عيز فيها 85000 الف جنية هى حلوة بس سعرها اللى مش حلو وانا تشرفت بيكم وعلى فكرة عرف المكنيكى اللى عند المحكمة ورشة الحج فاروق عندو اوبل 2002 زيرو مشية فى العداد 55000كيلو 1600ccواتوماتك وفبريكة برة وجوة وبيبعها على 90000الف جنية زمش عيز غلط عشان الرجل هنا على النت وهو اللى معرفنى الموقع واشكركم تامر نصر

اهلا بيك يا باشا
و الله مش متذكر البيجو طيب رقمها كام ؟ و كانت بتركن فين بالظبط ؟
هو فعلا الحاج قابل الأسعار اللى عنده عالية بس العربيات A1

بسم الله ما شاء الله
انا شفت الزلموكة و كمان كان في e200 التمساحة كانت تحفة
و ال206 و الكورسا و البولو و.............. الراجل ده انا متابعه على طول
عارف حضرتك ايام ما كانت الأسعار مولعة من 4 او 5 سنين كدا
كان معاه 132 مو79 كالمة فبريكة بره و جوة كان ماسك على 40000 بندق

هو حضرتك شفت الفيكترا اللى معاهم دلوقتي ؟
و بالنسبة لعربية اللى حضرتك بتقول عليها
هنا كانوا ذكروا ان ال1600 ايكوتك اتوماتيك فيها مشاكل كتير في الكنترول بتاع الفتيس
يبقى من الأحسن تبعد عنها
و ربنا يكرمك بالعروسة اللى تنسبك ان شاء الله