الموضوع: عايز نصائح عند شراء نيفا مستعملة

الف الف شكر يا ريس على الرد
بس كنت عايز اسأل حضرتك هل النيفا بيكون فيها باروما؟
وهل لو فيها ممكن يبقى ليها حل؟

طب يا جماعة انتو عارفين ان النيفا موديلاتها ما بين ال91 و 83 هل عربية قاعدة كل المدة دى ومافيهاش بارومة

يا جماعة انا امبارح كلمت واحد عندنا فى المنطقة معاه نفيا وقعد اتكلم معاه عليها وكده قالى اغلب النيفا اللى فى مصر بيبقى متشال منها فتيس الغرز عشان بتبقى نازلة بـ 2 كارونة (يعنى 2 كردان) وده بيخلى العربية ما بتسحبش يعنى اخرها 110 او 120 قالى عشان كده بيشيلو منها فتيس الغرز وكمان مالوش استخدام عشان موتور العربية 1600 المفروض بيبقى على الاقل 3000 سى سى عشان تعرف تمشى فى الرملة والغرز كده وقالى اهم حاجة تشيك عليها الكارونة وقالى انها عربية محترمة درجة اولى

المشاركة الأصلية كتبت بواسطة youssefmustang

بعون تم بدئ البحث عن نيفا مستعملة بس عايز نصايح لان فى ناس خوفتنى عشان فتيس الغرز بيبقى متشال منها وناس مسقطين مواتير 132 فيها
وياريت تقولولى ايه هى الحاجة المهمة اللى لازم اشوفها عند الفحص قبل الشراء
جزاكم الله خيرا
اخوكم يوسف

السلام عليكم ورحمة الله وبركاته .... بالنسبه للسياره نيفا فيه شويه حاجت كده هقولك عليها
اولا : الشكل الخارجي للعربيه دي بيوحيلك بحاجت كتير ..
ميل العربية من احد الجوانب .. دليل علي ان العفشه في هذا الاتجاه مش سليمه بمعني .. سوست ضعيفه او مساعدين الخ
خد لك لفه حولين العربيه كده بص علي حاله الصاج من بره عشان البرومه برضوا . بص علي سقف العربيه مخرم او في حتت عاليه او مش انسيابي دليل مش كويس .. العربيه رشت سقف نتيجه لقلبه مش كويسه .. افتح ابواب العربية وبص علي القوايم ( العمود الفاصل بين الكرسي اللي قدام والي ورا ) عليه معجون . او مش مستقيم برضوا مش كويس . في برومه سيبك منه
شيل دواسات العربيه وبص لو في خروم او برومه ومسمعه جوه مش كويس طبعا

نيجي بقي للجزء المهم وهو دواخل العربيه والات الجر
افتح الكبوت وبص لو رشت او مش رشت او في برومه او مافيش برومه وبص علي الموتور مرشح زيت ولا لا وحتى لو مغسول بيبان .
افتح الشنطه واتفرج كويس علي الحله بتاعتها رشت ولا سليمه ولا رشت تنضيف بس في اثار معجون او لا
دور موتور العربيه . واسمع كويس بودنك صوته .
في خشانه حددها منين بالظبط ودار من اول مرة ولا لا زود بنزين مرة واحده وشف استجابه العربيه معاك ولا بتتاخر في رد الفعل ولا ايه . بص علي الشكمان والدخان الي خارج منه لونه ايه .. ابيض اسود . بدون لون
دوس بنزين مده طويله وشوف صوت الموتور بعد 30 ثانيه في صوت خشن ولا زي ما هو انسيابي . شيل رجلك من علي الدواسه وراقب حركه الموتور انسيابي ولا فيه علي ووطي للصوت .
دوس بنزين وسيب وراقب حركه الموتور بتحرك من مكانه ولا ايه يعني بيتهز . بص كده علي التابلوه وشوفه شغال ولا في مفاتيح مش شغاله او متعدله مش مهم هنرجعها لاصلها تاني بسهوله

نيجي بقي لموضوع رفع العربهي وده الاهم لانه هيظهر لنا حاجت كتير اوي
1- بص علي الكرونه وشوف فيها رشح زيت ولا لا .. لكن قبل ما ترفع اسئل الراجل غيرت زيتها امته وبناء عليه هتعرف (اذا كانت برتشح هتلاقي الزيت جديد لونه اخضر لسه .. لو قديم الزيت بيلون علي اسود وعليه تراب كده )
2- بص علي المساعدين اللي ورا والسوست مريحه مكسوره المساعدين دول فيهم حاجه مريحه زيت . اتعلق في الاكصدام واسمع اى صوت بيخرج منهم وشوف حركتهم فيها انسيابيه ولا لا
3- بص علي عمود الكردان في اعوجاج ولا سليم وخليك ماشي معاه كده لحد ما توصل الفلانشه الي واصله عمود الكردان ب الفتيس .. الفلانشه فيها حتت مقطعه ولا جديده ولا حالتها مناسبه للعربيه . شوف كرسي النص مكانه ولا متغير . شوف في لحامات في قنطره الفتيس ولا سليمه ولا جديده او متغيره لسه ولا مناسبه لعمر العربيه .. بص علي الفتيس بيرشح زيت ولا ناشف وكويس لو بيرشح بص عليي مصدره منين كويس ..
بص بعنيك كويس علي فرديتن الشاسي وانتى ماشي كده ولو في اى شك في حاجه اتاكد منها ممكن يكون حاجه ملحومه ومداريه بلاك او شحم او مديها لون غامق ... اطلع لحد قدام كده عند الموتور هتلاقي المساعدين مريحين علي الشاسي اتاكد انهم ملحوميه كويس القواعد ومافيش شروخ في الشاسي في المكان دي لانه بيكون شايل الموتور وتقيل طبعا . فمن الممكن يكون في شروخ في المنطقه دي من الشاسي .
4- مرحله بصن العربيه .. بص كويس علي ابرومه ولو في لحامات جديد او اثار سمكرة وبص علي العتب يمين وشمال لانه غالبا بيكون في برومه عن تجاااااااارب .. لكن مافيهاش اى مشكله لاننا هنعملها سمكرة ان شاء اللع لو اشتريت ..
.... كده اطمن علي بطن العربيه نيجي بقي لمرحله القياده وعن طريقها هنكتشف حاجات كتير في العربيه
دور العربيه وايدها الاول علي بركه الله وانت واقف لسه والتاني والتالت والرابع واذا كان فيها خامس ماشي ومارش لي .. شوف بقي الفتيس بياخد الغياره بسهوله ولا في صوت زي تروس كده وانتي بتديه الغياره . و بياخد الغيارات محكومه ولا تايهه في ايدك .. لو في صوت ده ليه اسباب وهقولك لعيها بعدين مش تخوف يعني هتلاقي مثلا الدبرياج عالي عايز ينزل شويه . و ممكن يكون اسطوانه وديسك وممكن زيت الدبرياج فضي من الخزنه . وممكن الزيت الباكم خلص .. يعن هيبان بعد كده .
ابدا اطلع بالعربيه يا باشا وشوف العربهي طالع معاك ببساطه ولا بتتهز كده لو بتتهز كده وفي قلق وصوت عالي يبقي اسطوانه بتنهي .
ابدأ اطلع بسرعه شويه علي الاول لحد ما العربيه تجيييييييييييييييييب اخرها وشوف مدي سحب العربيه علي الاول لو بتسحب معاك يبقي الموتور حلو ماشي لو الصوت علي علي الفاضي ومافيش سحب يبقي الموتور بينهي معالك ... كمل برضوا عشان نكتشف انقل علي التاني وامشي عليه شويه واسمع اى اصوات طالعه من الموتور . زاثناء النقله في نتشه كده ولا خدتها عادي .. لو في نتشه كده ليها سببين الاول منك تكون قرصت علي العربيه بسرعه .. والتني صلايب عمود الكردان بايظه فبتعمل نتشه كده من الغيار الاول والتاني .
خد التالت كده وشوف العربيه ماشيه ازاى في اهتزاز في العربيه في صوت دربكه تحت في صوت ونه جايه من الكرونه من ورا زيد في سرعتك وشوف سحب العربيه معاك عامل ايه شوف اى اهتزاز في الدركسيون خد ملفات علي الديق وعلي الواسع ............ ههههههه بس اوعي تاخدها وانت ماشي علي ميه ............ اسمع اى اصوت اثناء الملفات فرقعه من قدام . حس بالدركسيون في ايدك تقيل ولا خفيف اوي والا عادي ... ولا في بوش

فرمله فجاه وشوف في صوت مع الفرامل ولا لا ... شوف العربيه بتحدف شمال ولا يمين ولا ثابته في طريقها .
اوووووووووووووووووووووووو ف مخي شتتتتتتتتتتتت كفايه كده النهارده واكمل لك وقت تاني
منـــــــــــــــــــــــ ــــــــــــــــــــــذر