السلام عليكم
كنت عايز اعرف ازاي افتح موتور العربيه بدون ما اضر الفتيس الاوتوماتيك
وشكرا
عرض للطباعة
السلام عليكم
كنت عايز اعرف ازاي افتح موتور العربيه بدون ما اضر الفتيس الاوتوماتيك
وشكرا
متابع معاك
ايه هو الاساس العلمى للكلام دة
مع اني مش فاهم المقصود بالظبط
بس اعتقد انك عايز تروح مشوار كويس بالعربيه وتحرق فيه شوية علي السرعات
وجرب اي غيارة مانوال في الفتيس عندك تدريجي مع ملاحظة الار بي ام متخليهوش يعدي ال5.5 6 ابدا
هتحس العربيه فاقت اكتر بكتير بس الموضوع دة متكرروش الا كل فترة
متابع
واضح ان كل اللي شارك عايز يعرف بس اللي عارف ما شاركش خالص
اكيد الحرق بيضر الفتيس مع كتر استعماله عشان كدة ممكن تستخدمه كل فترة
ولو غاوي سواقة رياضية بيهم يبقي متعديش ار بي ام عالي
بس ابقي خلي بالك انك بتحرق زيت بغباوة كدة وعن تجربة :(
بص يا سيدى انا هقولك اية حكاية تفتيح الماتور
بس نراجع شوية نقط كدة لما بتستلم عربية جديدة او لسة عامل عمرة للمكنة ديما تلاقى الناس تقولك متحرقش على الغيرات وغير بدرى بما معناة انك تريح المكنة .... المكنة لما تفضل ماشية على كدة كتير بيترسب على البساتم والصبابات و المانفيولد الخ كربون والاسم المتداول شربون ... دة بيخلى المكنة مخنوقة ومتعودة على المشى بتاع التليين وتيجى تكبس وتجرى تلاقيها هاااااااااا على متفرج هنا بقا يجى دور تفتيح المكنة بتقرص شوية على كل غيار وبالاخص الغيار الثالت مرة مع مرة يقوم الشربون دة محروق وبالتالى استجابة المكنة تبقى اسرع معاك يعنى كمثال لو انت بتغير او فى حالة الاتوماتيك العربية بتغير الغيار على 2.5 rpm لا تغير على 4.5 او 5 rpm فى ناس بتحرق اعلى من كدة بس بتبقى واخدة بالها هيا بتعمل اية هتقولى اديك قولت العربية اتوماتيك وهيا اللى بتغير .... هقولك مش بالكيك داون ولا ب الاوفردرايف
انت ممكن تتحكم امتى الفتيس يغير بدوسة رجليك ...
عايز تحرق على كل غيار شوية
توقف العربية خالصى تنقل على d تدوس بنزين بالتدريج لتحت من غير متشيل رجلك لحد ال rpm اللى انت شايفو مناسب وتشيل رجلك سنة صغير قوى تلقيها غيرت وتكرر العملية مع كل غيار .... بعد كدة هتلاقى استجابة الماتور بتاعك اسرع من الاول وهتلاقى حتى استجابة الكيك داون اسرع و اقوى ...
بردو المقصود بالتفتيح انك تجيب اقصى سرعة الغيار يجبها والمكنة مستريحة من غير مجهود
وعلى فكرة عشان محدش يقولك غلط وبتاع والكلام الخايب دة تفتيح المكنة ملهوش ضرر خالص بس لو عملتة صح
اما بخصوص استهلاك بنزين وزيت الخ دة فى حالة انك مقضيها جرى وشد على طول
لو محتاج بقى مساعدة فيها انا تحت أمرك انا ساكن قريب منك فى التجمع الثالث
تحت أمرك يا صاحبى بص يا سيدى الكلام دة هتعملة مرتين تلاتة بس ابقى خد بالك وبلاش جرى فى شارع التسعين خد الطريق بتاع الترب بس الصبح احسن بكرة يا مان الجمعة الناس اجازة والطريق دة رايق خدة كدة من اولة لحد قبل ميلف قرص ورد تانى ولف من فوق النفق بتاع التسعين وخد نفس الطريق مرتين تلاتة رايح جاى هتلاقى العربية فاقت معاك قوى وهيا المرة دى بعدين 9000 كيلو يعنى خلاص كدة المكنة عندك لينت من زمان
انا بقى ساكن عند اربيلا .. الصنية ولو محتاج انى انزل معاك الصبح معاك يا صاحبى انا بكرة اجازة
كان فيه مناقشات كثيرة وآراء مختلفة بين مؤيد ومعارض لموضوع التفتيح اللي بدأ ينتشر بشدة بين الأعضاء هنا في المنتدى .
وفي النهاية رجحت كفة ان الكلام ده مالوش اساس هندسي , والله اعلم
ليه يا دكتور كدا
ترسب الكربون علي البساتم شئ صحيح 100% وبيحصل فعلا واحنا عشان راكبين عربيات اوتوماتيك لازم نشيل الكربون كل فترة ممكن يتشال بالسفر مثلا مسافة لا تقل عن 60 كيلو ولكن لو واحد مش مسافر يشيل الكربون ازاي؟؟؟؟؟؟
عشان كدا طرحنا الموضوع
بس
اليومين دول موسم يا دكتور وابني تعبان وسخن وكنت عنده الدكتور النهاردة والمتوحش كتبله علي حقن وهو سنه لسه 3 سنين
ادعوله يا جماعه ربنا يشفيه
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .
اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.
متشكر لك جدا يا ميدو علي دعائك الرائع هذا
جزاك الله كل خير
واشكرك من كل قلبي
دعاء رائع يا ميوا ربنا يتقبل و يشفية و يشفى كل اولادنا
د محمود صلاح اولا ازيك
ثانيا انا هحكيلك تجربة فى حكاية تفتيح الماتور
ونا فى الشغل ( مصنع 200 الحربى ) معايا مهندس فى الشغل معاة لانسر 2008 ( مانويل ) كان بكلمنى على ان عربيتة مخنوقة فى سحبها وحاسس انها بطيئة جدا وما الى ذالك مع انة متابع صيانتها كويس بالمواعيد ومفيش اى مشاكل فى الميكانيكا والكلام دة ... اعدت استفسر منة عرفت انة من ساعت لما جاب العربية بيجيب الغيار الخامس يمشى بية 80 /90 اقصى حاجة لما بيبقى مسافر 120 كيلو ومن ساعت لما اشترها وهو دة المشى بتاعة ظنا منة انة كدة محافظ عليها وخايف عليها كمنها لسة قسط وهكذا وهو كمان ملهوش فى الجرى والحركات دى قلتلو على كلمة تفتيح الماتور ..رد قلى ابنى بردو قلى نفس الكلمة بس انا خفت ادهالو . المهم اقنعتة بس هو خاف يعمل كدة فطلب منى اوريلو ازاى... خدت العربية برة المصنع بطلع الغيار الاول اخرة جاب 30 كيلو ولما جبت التانى العربية ريحت اوى وبتسحب براحة جدا لحد 45 كيلو بالعافية المهم اخدت الطريق بتاع انشاص دة رايح جاى مرتين تفتيح الغيار الثانى كان بيجيب 80 و 85 كيلو والعربية بقت حاجة تانية خالص والثالث بتاعها كان جايب 130 ويجيب اكتر بس مردتش اكمل علية الراجل دة ركب العربية حس ب أختلاف كبير جدا فى اداء العربية واختلاف فى استجابة الماتور من اقل دوسة اسكراتير ..... كمان خليتو برة العربية ونا اكبس قبل ما نتطلع اوريلو السخام اللى طالع من الشكمان قبل وبعد والفرق كان باين .. اسف بقا طولت عليك ومعلش على التفصيل الممل .. اتمنى ان المعلومة وصلت من واقع تجربة
الف سلامة علي ابنك يااحمد وان شاء الله يبقي كويس وربنا يشفيه ويحميه من كل الامراض يارب
هوندا مان ...... بقالي سنين مبسوقش غير اوتوماتيك وبموت فيه وانت اول واحد الاقيه بيفهم ازاي يستخدمه فعلا وكلامك كله صح 100 في 100 تسلم
احب اضيف ممكن تطلع طلعه بالd بإنك تنزل رجلك بشوية تدريجي لغايه قبل الكيك داون بس خليك سلس ومتفاهم مع العربيه هتلاقيها شدت شدة جامدة جدا كتسارع في طلعتها
هو احسن حاجة لو خايف على الفتيس حط عبوة منظف دورة الوقود و دية فيه منها انواع كتير و احسنهم بس اغلاهم stp و اطلع بالعربيه مشوار سفر لان فى السفر بتلاقى العربيه ماشيه بسرعة ثابته و الموتور بيكون فى حالته المثاليه و مش لازم تحرق اوى على السرعات اهم حاجة تكون السرعة ثابته نقول من 100-120 بحد اقصى
و بعدين لما توصل مشوارك ريح العربيه فترة كويسه من 3-4 ساعات و شوف الفرق هتحس ان العربيه بقت ممتازة فى السحب و النعومة و مختلفة تماما والفكرة ان لو فيه رواسب فعلا منظف دورة الوقود هيسيحها بدون حرق على السرعات و هتطلع كلها من الشكمان لما يسخن.
و اهم حاجة فى الحوار دة انك مش لازم تحمل على الفتيس ولا الموتور بالعكس انت كدة بتريحه
طبقة الكربون بتتكون مع استخدام بنزين 80 انا نفسي افتكر الموضوع اللي كان فيه مناقشات عن التفتيح ده فين ؟
ألف سلامة عليه وانا شخصيا ضد مبدا ان الحقن تتاخد في البيت
جزاك الله خيراً على نقل التجربة - أنا كنت بعمل كده سواء في المانيوال أو الأوتوماتيك اللي ركبته بس بدون قصد , بل طبقاً لظروف الطريق والسفر والتخطي .
وحدة التحكم في الميجان بتتعلم طريقة قيادة صاحب السيارة وتخزنها وتتعامل مع السرعات والمحرك طبقا للطريقة دي .
من بعض الموضوعات القديمة
http://www.nilemotors.net/Nile/497-a.html
وكان فيه موضوع كبير آخر للأسف مش عارف أجيبه
د محمود
اعذرني علي تداخلي بس ممكن تديني معلومات شوية عن موضوع البنزين 80 دة لاني بستخدمه ومضطر
موضوع التفتيح ده مش غلط ولا خطر ولا حاجة ... بس يتعمل صح علشان ميأثرشى بالسلب على الماتور .
كنت لسة من يومين عامل موضوع التفتيح ده عندى على سرعة 140 بتاع 4 او 5 مرات فى يوم الساعة 2 بليل علشان العربية تفوق .
وفعلاً الأستجابة بتاعتها أتحسنت بالفعل بالرغم ان الطريق ما ساعدنيش انى اجيب آخر الماتور ... وأعتقد بأنه لو كان جاب آخر سرعة متاحة ليه ... مع أر بى أم أمان ومناسب كانت هتفوق أكتر من كدة .
انا فتحت موتور لانسر 99 اوتوماتيك بالحرق على الغيارات بدون شفقة او رحمة يعني ماتستخدمش السواقة على d لانها مش هتفتح الموتور ولكن استخدم الغيارات مانيوال اول وتاني وثالث ورابع وهكذا وهات اخر كل غيار
في البداية غير على 4.5 ثم 5 ثم 6 وماتزودش عن 6 يعني اوعى توصل للمنطقة الحمرا الرد زون
العربية بقت بتجيب معايا 150 على الثالث على اربي ام 6 في مده بسيطة جدا وكان ممكن تجيب اكثر بس ده الاخر بتاعي في السرعة
اول مرة عملت الموضوع ده كثير لمدة اسبوعين وبعد كده مرتين في الاسبوع كفايه اوي علشان تفضل فايقة
انا مش عارف اشكر كل المساعدات دي ازاي
انا متشكر ليكوا فعلا يا جماعه وانا فعلا مش بحق على العربيه كتير ونادرا لما بعمل كيك داون ومش بطول فيه كمان
والف سلامه على ابن شوتر
انا هجرب كل الاقتراحات دي واقولكوا النتيجه
بس الواحد فعلا عايز طريق عدل يعرف يجري عليه اصل حتى الطريق اللي قاللي عليه هوندا مان بقى عليه ضغط ونادرا لما بيبقى فاضي للجري
يارب يكون الموضوع دا اللي قصدك عليه
http://www.nilemotors.net/Nile/40800-a.html
باشا انت بتجيب الفتيس علي 1 وتجيب اخر الاول وبعدين تدوس علي زرار الفتيس وتقوم ناقل علي 2 وهكذا - بس كدا مش غلط علي الفتيس لان لو مكنش غلط مكنتش تدوس علي الزرار علشان تنقل وكان تنقل عادى زى من d الى n والعكس ولا ايه؟
التفتيح دا بيبقى بعد مرحلة التلين و لا بعد كم معين ولا امتى بالظبط ؟
يبقى نخليها بعد التليين اكيد افضل اصل انا لسة في اول 1000 كم و العربية سحبها بطىء شوية
كلام جميل جدا جدا جدا