عملت حادثه ... ساعدوني

**can_be** · 29-12-2010 10:11 AM

الف سلامه عليك يا باشا والحمد لله على سلامتك

**Haitham10** · 29-12-2010 10:24 AM

اعتقد انت ممكن تطلع بيها علي التوكيل ويعملوا معاينة ليها ويقولولك علي التكاليف بالظبط

وبرضه ابو اياد معانا في القسم لما يشوف الصور هيقولك لان عنده مركز وفاهم في الامور دى اكتر

بس معتقدش انها 500 خالص لو هيبقي شغل مظبوط وحاول متسترخصش ابدا في الرش وهات نفس نوع الدهان الي بيستخدموه في التوكيل

**Hikayat** · 29-12-2010 11:21 AM

انا مش مهم عندي حوار الفلوس .. اهم حاجه ان الشغل يطلع نضيف وكأن مفيش حاجه حصلت بس برده احب اعرف رينج التكلفه بره التوكيل والرينج في التوكيل ؟
محدش قالي هيه هتقعد تتصلح في وقت اد ايه ؟

**TAMERHASSAN** · 29-12-2010 11:35 AM

توكل على الله ووديها التوكيل

**Col. Eng. Khaled** · 29-12-2010 12:36 PM

المشاركة الأصلية كتبت بواسطة hikayat

يا ريت صورة أو أكتر لسكاكة الباب و الباب مفتوح عشان يبان مدى تأثير الخبطة في الرفرف .

حمد الله على سلامة حضرتك .

**مصراوي جدا** · 31-12-2010 06:39 PM

اولا حمد لله على سلامتك اهم حاجه

انا ملاحظ حضرتك بتقول العربية في الضمان ، بس احب اوضح لحضرتك ان الضمان بيشمل عيوب الصناعة مش الحوادث

انما الحوادث بيغطيها التأمين فلو العربية متأمن عليها يبقى مفيش اي مشكلة تجيبها لنا شركة مصرية هيتعمل لها مقايسة والتأمين يوافق عليها ويتم البدء في الشغل وتاخد حوالي 5 أيام

المراية مش ظاهرة في الصور ومكانها بعيد انما عموما المرايا الجانبية سعرها حوالي 750 جنيه و 50 جنيه رش

اعتقد الرفرف ده هيحتاج يتغير لو اتعملت عندنا وهيكون فيه سمكرة في الباب ورش للرفرف الجديد والباب يعني الكلام ده ممكن يدخل في حوالي 2000 جنيه - 2500 جنيه بخلاف المرايا

عموما ممكن تشرفنا في قليوب في اي وقت في اي يوم واتصل بيا نجيب مهندس السمكرة والدهان يعاين العربية ويقول هل الرفرف ممكن يتسمكر وميتغيرش ولا لأ والتكلفة ممكن تكون كام والمعاينة دي مجانية والقرار لك في التنفيذ
عنوان وتليفون مركز الخدمة الرئيسي في قليوب في الموضوع المثبت

**مصراوي جدا** · 01-01-2011 10:34 AM

اصلاح الحوادث بيخرج بره الضمان لما بيكون حاجه تتعلق بالميكانيكا او بتأثر عليها

يعني مثلا مرة عميل عمل حادثة امامية وصلحها بره وغير فيها ردياتير والردياتير اتركب غلط وسرب ماية بعد كده والعربية سخنت والموتور قفش وبعد كده بيطالب بالضمان على المحرك طيب ازاي