السلام عليكم و رحمة الله و بركاته
أولا أنا لا أنتقد الأخ الفاضل العضو samcar للخبر اللى نقله, لأنى أعتقد أنه, نقل الخبر من قبيل المفارقة مش لسبب تانى. زى أن مثلا سنة 2025يتصادف أن يوم 5 يونيو يوافق العاشر من رمضان, زى كده يعنى و بالنسبة لنظرية المؤامرة, فهى مما لاشك فيها أن هناك مؤامرة من الصهاينة اليهود ضد المسلمين و ده كلام أثبته القرآن و السنة و لا مجال اطلاقا لانكاره و العيب مش عليهم لكن العيب علينا كمسلمين أننا بنسيبهم يقدروا و يتمكنوا من أنهم يحققوا فينا الأهداف اللى هما عاوزينها سواء كانت على المدى البعيد و لا القريب و هنا مش مجال برضه لذكر الأهداف دى و الكلام فيها, فكون أن اليهود الصهاينة فى اسرائيل يحيكون لينا المؤامرات آناء الليل و أطراف النهار , فده أمر مؤكد .
اقتباس:
المشاركة الأصلية كتبت بواسطة dojuar
بهدوء بس كده و بالراحة
مفيش داعي نقحم سنة نبوية مؤكدة زي دخول الحمام بالشمال كده بدون لازمة و كأنها امر تافه
وبعدين عمري ما سمعت ان في جدال بين العلماء في السنة ديه يبقى ليه نحطها في جملة مفيدة!
اقتباس:
المشاركة الأصلية كتبت بواسطة ahmed4000
100%
مش عارف ليه الناس بتحقر حاجات صغيرة وشايفين ان الاكل بالشمال او دخول الحمام دى قضايا تافهة المفروض منضيعش وقت فيها ودايما بتضرب كمثل على "تخلفنا":brn:
أنا ماتذكرش أن فى الكلام اللى أنا قولته أن أنا قلت على السنن النبوية أنها تافهة لأنى لا أجرؤ و لا يجرؤ أى مسلم أنه يقول كده, لكن اللى بقصده لو كان مقصود كلامى غير واضح, أنه لا يجوز أننا نوجه كل اهتمامنا و طاقتنا فى الكلام و البحث و النقاش لاحياء السنن اللى لو ماعملنهاش , مش هنخش النار و نسيب الأوامر و النواهى اللى أكيد لو ماعملنهاش هنبقى آثمين و خاطئين بدون جدال و لا نقاش, و من الخطأ أننا نوجه كل اهتمامنا و ارشادنا و دعوتنا و اصلاحنا, أننا -مثلا و ليس حصرا- نخلى المسلمين يصوموا يوم تاسوعاء و عاشوراء مثلا و لا نحاسب اللى مابيصوموش رمضان, لأن من باب أولى أننا نوجه مجهودنا و كلامنا و دعوتنا عشان اللى مابيصومش رمضان يصوم رمضان و بالقياس و لما نبقى نخلص كل الفروض , بيقى نبدأ الارشاد للسنن و النوافل , ده اللى أنا أقصده و آسف لو كان حصل سؤ فهم أو لو كان المعنى المقصود غير واضح .
أما بالنسبة لأن هناك جدال حدث بين العلماء على الموضوع ده, فهو حصل فعلا و أتذكر أن, أنا شوفته فى التيلفزيون على قناة من القنوات الفضائية بصرف النظر اذا كان اللى بيطلعوا على القنوات دول علماء و لا لأ .
شكرا و آسف جدا للاطالة .