كلام عشرة على عشرةالسلام عليكم و رحمة الله و بركاته
نجمة داود فى مطار بلبيس !!!!!
شوف بأه المفاجأة دى :
خلى مصر زى اسرائيل من حيث :
1 - عندها جامعات من أفضل 500 جامعة على مستوى العالم
2 - فى اسرائيل , لا أحد فوق القانون, اللى قاللى الكلام ده كان طبيب فلسطينى معايا و أنا شغال فى السعودية .
3 - فى اسرائيل رعاية صحية فااااااااااااائقة للمواطنين الاسرائيلين أيا كانت ديانتهم .
4 - المواطن الاسرائيلى مواطن له احترامه و مكانته فى كل دول العالم بما فيهم مصر, حتى ده بياخد حقه فى مصر غصب عن أى مصرى و اللى مش مصدق يروح دهب و طابا و شرم و كمان بنرمم لهم معابدهم هنا فى مصر بمليارات الجنيهات رغم أن فيه مصريين عايشين فى المجارى فعلا مش مجازا و كان الأولى أن دول يتبنى ليهم بيوت مثلا .
5 - دولة أد عقلة الاصبع و بتصدر برمجيات ب 500 مليون دولار فى السنة للعالم كله.
و لسه, اللى هيدور هيلاقى كتييييييييييير .
و أى نعم هما عالم يهود و كفرة و خونة و خنازير و أنه لا توجد صلة دينية سليمة بينهم و بين النجمة السداسية و أن النجمة السدسية دى افتكاسة من عندهم زى افتكاسة هيكل سليمان اللى بيدوروا عليه تحت المسجد الأقصى و هيهدوا المسجد الأقصى عشان -قال ايه- يدوروا على الهيكل .
لكن أنا مستعد لو مصر بأت زى اسرائيل فى نص الحاجات اللى فوق دى, أن النجمة السداسية تترسم على العلم المصرى و كمان على الجنية المعدن من ورا و ان شالله ماحد حوش .
احنا اللى عندنا حساسية من النجمة السداسية بدون أى أساس و مابنصدق نلاقى حاجة و نمسك فيها و نملأ الدنيا كلام و شجب و تعليق و هجوم و لو تركت الأمر فى ايد بعض الناس هيقولوا أننا لازم نهد مطار بلبيس أيا كان دوره و لا فايدته عشان الممرات بتاعته و لا شكله على شكل نجمة سداسية !!!!!.
هو احنا كده دايما , و ده مش فى أفراد الشعب المصرى العادى , لكن ممكن تلاقيه فى علماء الدين كمان, تلاقيهم يسيبوا قضايا هامة جدا, زى مثلا, أن فوايد البنوك حلال و لا حرام و يمسكوا و يقتلوا الدنيا بحثا و نقاشا , أن دخول دورة المياه بالقدم اليمنى , مكروه و لا حرام؟؟؟؟!!!!, على الرغم أننا لحد 2011 مابنعرفش نتفق على يوم واحد لبداية شهر رمضان, رغم أنه لازم يكون يوم واحد , مينفعش يكون فيها اختلاف بين دول العالم لأن على أساسها بيكون ليلة القدر و ليلة القدر دى ليلة واحدة , ربنا سبحانه و تعالى مش هيعمل ليلتين قدر للمسلمين عشان هما كانوا مختلفين فى الرؤية, يعنى ماينفعش تبقى ليلة القدر فى مصر النهاردة, لكن لأن السعودية كانت متاخرة عننا يوم , هتبقى بكرة ليلة القدر بتاعتها و لو قلنا أنها هى كمان النهاردة , يبقى ازااااااااااااااى, هى مش ليلة القدر دى ليلة فردية , ماهى لو فردية عندهم تبقى زوجية عندنا و لو زوجية عندهم تبقى فردية عندهم , يبقى أكيد فيه حد فينا غلط و التانى صح , ماينفعش اننا احنا الاتنين نبقى صح!!!!!! و لكن.............. لحد النهاردة مابنعرفش نتفق على يوم بداية شهر رمضان , رغم أن فيه عندنا قدرات مادية و عقلية رهييييييييييبة ممكن تخلى بلد زى مصر تطلع أقمار صناعية فى السما و تخلى القطريين يكيفوا مدينة الدوحة بالكامل عشان كأس العالم 2022 لكن ييجوا عند رؤية هلال رمضان و العلم يعجز, صدفة غريبة, ولله الأمر من قبل و من بعد .
شكرا و آسف جدا للاطالة و آسف لأن أكيد رأيى هيخالف آراء أخوة أفاضل كتير هنا فى نايل موتورز
المفضلات